ກຸ່ມຫົວຮຸນແຮງລັດອິສລາມ ໄດ້ອອກມາອ້າງເອົາຄວາມຮັບ
ຜິດຊອບໃນການໂຈມຕີເມື່ອ ວັນອາທິດທີ່ຜ່ານມາ ຢູ່ຫໍປະຊຸມ
ແຫ່ງນຶ່ງໃນລັດ Texas ທາງພາກໃຕ້ຂອງສະຫະລັດ ບ່ອນທີ່
ໄດ້ມີການແຂງຂັນ ການວາດກາຕູນ ພະສາສະດາ Muhammad.
ຍັງບໍ່ທັນໄດ້ມີການສະແດງຄວາມເຫັນໃດໆຈາກສະຫະລັດ
ໃນທັນທີນີ້ເທື່ອ ກ່ຽວກັບການກ່າວອ້າງຂອງກຸ່ມລັດອິສລາມນັ້ນ.
ກຸ່ມຫົວຮຸນແຮງຈັດດັ່ງກ່າວ ໄດ້ປະກາດໃນວັນອັງຄານມື້ນີ້
ທາງສະຖານີວິທະຍຸຂອງຕົນ ໂດຍກ່າວວ່າ “ສອງທະຫານ
ຜູ້ກ້າຂອງອານາຈັກອິສລາມ” ໄດ້ທຳການໂຈມຕີໃນວັນອາທິດ
ຜ່ານມານີ້ ຢູ່ບ່ອນທີ່ມີການຈັດງານ ກ່ຽວກັບເລື້ອງສິດທິໃນການປາກເວົ້າ ໃນເມືອງ Garland. ກຸ່ມລັດອິສລາມ ໄດ້ກ່າວໃນຄຳຖະແຫລງສະບັບນຶ່ງວ່າ “ພວກເຮົາຂໍບອກໃຫ້
ຊາວອາເມຣິກັນ ຮູ້ວ່າ ສິ່ງທີ່ຈະຕິດຕາມມາ ແມ່ນຈະຍິ່ງໃຫຍ່ກວ່າແລະຂົມຂື່ນກວ່າ” ຊຶ່ງນີ້ເປັນຄັ້ງທຳອິດ ທີ່ກຸ່ມດັ່ງກ່າວ ອອກມາອ້າງເອົາຄວາມຮັບຜິດຊອບ ຕໍ່ການໂຈມຕີ ໃນຜືນແຜ່ນດິນສະຫະລັດ.
ພວກລັດອິສລາມ ອ້າງເອົາ ຄວາມຮັບຜີດຊອບ ໃນການໂຈມຕີ ຢູ່ລັດເທັກຊັສ
ເຈົ້າໜ້າທີ່ຕຳຫຼວດ ໄດ້ຊີ້ຕົວ ສອງນັກສັງຫານໃນການໂຈມຕີຄັ້ງນີ້ວ່າ ແມ່ນທ້າວ Elton Simpson ກັບ Nadir Soofi ຊຶ່ງຢູ່ບ້ານດຽວກັນ ໃນຢູ່ນະຄອນ Phoenix ລັດ Arizona. ທັງຄູ່ໄດ້ເປີດສາກຍິງໃສ່ຫໍປະຊຸມບ່ອນມີການຈັດງານນັ້ນ ເຮັດໃຫ້ຍາມຮັກສາຄວາມປອດໄພຄົນໜຶ່ງບາດເຈັບ ກ່ອນທີ່ທັງສອງຈະຖືກ ພວກຕຳຫຼວດຂອງເມືອງ Garland ຍິງຕາຍ.
ເອກະສານຂອງສານສະແດງວ່າ ທ້າວ Simpson ແມ່ນໄດ້ຖືກທາງການສິ້ງຊອມເບິ່ງການເຄື່ອນໄຫວ ມາຕັ້ງແຕ່ປີ 2006 ແລະໄດ້ຖືກສານຕັດສິນວ່າມີຄວາມຜິດ ໃນຖານໄດ້ຕົວະ ລ່າຍ ຕໍ່ເຈົ້າໜ້າທີ່ສັນຕິບານກາງ ຫຼື FBI ຂອງສະຫະລັດ ກ່ຽວກັບຄວາມປະສົງຂອງຜູ້ ກ່ຽວ
ທີ່ຢາກໄປເຂົ້າຮ່ວມການຕໍ່ສູ້ຢ່າງຮຸນແຮງເພື່ອສາສະໜາອິສລາມ ໃນ Somalia.
