ຜູ້ບັນຊາການສູງສຸດ ຂອງກອງກຳລັງສະຫະລັດ ໃນພາກຕາ
ເວັນອອກກາງ ກ່າວວ່າ ການປະຕິບັດງານຕ້ານພວກຫົວຮຸນ
ແຮງ ລັດອິສລາມ ໃນອີຣັກແລະ ຊີເຣຍ ນັ້ນ “ກຳລັງໄດ້ຜົນ
ຕາມຄວາມປະສົງ” ແຕ່ວ່າ ຈະໃຊ້ເວລາ.
ນາຍພົນ Lloyd Austin ກ່າວຕໍ່ບັນດານັກຂ່າວ ທີ່ກະຊວງ
ປ້ອງກັນປະເທດ ໃນວັນສຸກວານນີ້ວ່າ ຈຸດເພັ່ງເລັງອັນສຳຄັນ
ຂອງກອງທັບສະຫະລັດ ກໍຄືຊ່ວຍ ໃຫ້ກຳລັງທະຫານອີຣັກ
ມີຄວາມສາມາດຕໍ່ສູ້ ກັບພວກຫົວຮຸນແຮງໄດ້.
ນາຍພົນ Austin ກ່າວວ່າ :
“ພວກເຮົາ ສັງເກດເຫັນການປ່ຽນແປງ ໃນຄວາມປະພຶດແລະວິທີການຂອງສັດຕູ
ທີ່ສະທ້ອນເຖິງຄວາມສາມາດທີ່ຫລຸດນ້ອຍລົງຂອງພວກເຂົາ ແລະການ ເຄື່ອນ
ຍ້າຍໄປມາ ໄດ້ເຖືກຈຳກັດຮັດແຄບລົງ. ດັ່ງໂຕຢ່າງ ພວກເຮົາບໍ່ເຫັນພວກເຂົາ
ເຄື່ອນຍ້າຍໄປມາ ຢູ່ໃນທົ່ວປະເທດ ເປັນຂະບວນໃຫຍ່ໆ. ບັດນີ້ ພວກເຂົາພາກັນ
ເດີນທາງ ດ້ວຍລົດຂອງພົນລະເຮືອນ ແລະໃນຈຳນວນນ້ອຍໆ ຊຶ່ງມັນເປັນການ
ຂັດຂວາງຕໍ່ຄວາມສາມາດຂອງເຂົາເຈົ້າ ໃນການລະດົມພົນ ແລະເຄື່ອນຍ້າຍ
ພະລັງການສູ້ລົບ.”
ສະຫະລັດ ໄດ້ເພີ້ມການໂຈມຕີທາງອາກາດ ໃນອາທິດນີ້ ຢູ່ໃນເຂດເມືອງ Kobani ໃນ
ບໍລິເວນຊາຍແດນຂອງຊີເຣຍ ບ່ອນທີ່ກຳລັງຊາວເຄີດ ໄດ້ພະຍາ ຍາມຂັດຂວາງ ມາ
ເປັນເວລານຶ່ງເດືອນແລ້ວ ບໍ່ໃຫ້ກຸ່ມລັດອິສລາມ ເຂົ້າຄວບຄຸມ ເມືອງ.
ກຸ່ມສີ້ງຊອມສິດທິມະນຸດຊີເຣຍ ໃນອັງກິດ ກ່າວວ່າ ຫລາຍກວ່າ 660 ຄົນໄດ້ເສຍຊີວິດ
ນັບແຕ່ ກຸ່ມລັດອິສລາມ ໄດ້ເລີ້ມທຳການບຸກໂຈມຕີ ເອົາເມືອງ Kobani.