ໃນຂະນະດຽວກັນ ພວກນັກຕໍ່ສູ້ຂອງກຸ່ມລັດອິສລາມຫົວຮຸນແຮງ
ທີ່ໄດ້ປະເຊີນໜ້າກັບ ກອງທະຫານເຄີດ ແລະການສະໜັບສະ
ໜຸນທາງອາກາດຂອງຝ່າຍພັນທະມິດ ກໍໄດ້ປະກາດໃນວັນເສົາ
ວານນີ້ຍອມຮັບຄວາມປະລາໄຊ ແລະຖອຍໜີອອກຈາກເມືອງ
Kobani ທີ່ສຳຄັນຢູ່ເຂດຊາຍແດນຂອງຊີເຣຍ ຫຼັງຈາກທີ່ໄດ້ສູ້ລົບ
ກັນມາ ເປັນເວລາຫຼາຍເດືອນແລ້ວນັ້ນ.
ຜູ້ບັນຊາການທະຫານສະຫະລັດທ່ານນຶ່ງ ທີ່ປະສານງານການ
ໂຈມຕີທາງອາກາດຂອງກຸ່ມພັນທະມິດ ທີ່ແນເປົ້າໝາຍໃສ່
ພວກຫົວຮຸນແຮງຈັດນັ້ນ ໄດ້ຢັ້ງຢືນໄຊຊະນະຂອງຊາວເຄີດ.
ຢູ່ໃນຄຳຖະແຫລງສະບັບ ນຶ່ງ ພົນໂທ James Terry ກ່າວວ່າ
ການໂຈມຕີທາງອາກາດ ຂອງແນວໂຮມຍັງຈະສືບຕໍ່ໄປອີກ ເພື່ອຈະໃຫ້ການໜຸນຫຼັງແກ່
ນັກຕໍ່ສູ້ຊາວເຄີດ ໃນການຂັບໄລ່ກຳລັງພວກຫົວຮຸນແຮງ ອອກໄປຈາກບໍລິເວນ ອ້ອມ
ແອ້ມຕ່າງໆ ໃກ້ກັບຊາຍແດນກ້ຳເໜືອຂອງຊີເຣຍ ຕິດກັບເທີກີ.
ລັດຖະມົນຕີຕ່າງປະເທດສະຫະລັດທ່ານ John Kerry ກ່າວຖະແຫລງຢູ່ທີ່ນະຄອນ
Boston ໃນວັນເສົາວານນີ້ວ່າ ການຍຶດເອົາເມືອງ Kobani ໄດ້ນັ້ນ ແມ່ນເປັນເປົ້າໝາຍ
ດ້ານຍຸດທະສາດ ແລະ ດ້ານສັນ ຍາລັກ ໃນການສູ້ລົບຕໍ່ຕ້ານພວກຫົວຮຸນແຮງລັດອິສລາມ.
ຢູ່ໃນວີດີໂອ ທີ່ນຳອອກເຜີຍແຜ່ໃນວັນເສົາວານນີ້ ຊາຍສອງຄົນທີ່ອ້າງຕົນວ່າ ເປັນພວກ
ຫົວຮຸນແຮງລັດອິສລາມ ກ່າວວ່າ ການໂຈມຕີທາງອາກາດໂດຍແນວໂຮມທີ່ນຳພາໂດຍ
ສະຫະລັດນັ້ນ ເປັນສາເຫດອັນ ສຳຄັນ ທີ່ກົດດັນໃຫ້ກຸ່ມພວກຕົນ ຖອຍທັບອອກຈາກ
ເມືອງ Kobani. ເຖິງຢ່າງໃດກໍຕາມ ພວກເຂົາ ໄດ້ປະຕິຍານວ່າ ຈະເປີດສາກທຳການ
ໂຈມຕີ ຕໍ່ທີ່ໝັ້ນຕ່າງໆຢູ່ໃນ ແລະ ໃກ້ໆກັບເມືອງດັ່ງກ່າວ ທີ່ຖືກທຳລາຍໂດຍສົງຄາມນັ້ນ
ໃນອານາຄົດ.
ການຫັນປ່ຽນໃນການຕໍ່ສູ້ເອົາເມືອງ Kobani ອາດພິສູດໃຫ້ເຫັນວ່າ ເປັນການປະລາໄຊ
ອັນສຳຄັນ ສຳຫລັບພວກລັດອິສລາມ ຊຶ່ງໄດ້ເຂົ້າ ຍຶດເອົາດິນແດນອັນກວ້າງໃຫຍ່ ຂອງ
ຊີເຣຍ ແລະ ອີຣັກ ໃນໄລຍະ 7 ເດືອນທີ່ຜ່ານມານັ້ນ.
ຊາວໂກບານີ ພາກັນກັບຄືນ ສູ່ບ້ານເມືອງທີ່ຖືດທຳລາຍ ເສຍຫາຍໜັກ:
