ຊະຕາກຳ ຂອງໂຕປະກັນຍີ່ປຸ່ນ ສອງຄົນ ທີ່ຖືກຈັບ ໂດຍພວກຫົວ
ຮຸນແຮງລັດອິສລາມຍັງບໍ່ທັນເປັນທີ່ຮູ້ໄດ້ເທື່ອ ຫລັງຈາກເສັ້ນຕາຍ
ທີ່ໃຫ້ຈ່າຍເງິນກວ່າ 200 ລ້ານໂດລາແລກກັບການປ່ອຍໂຕປະກັນ
ໄດ້ໝົດກຳນົດໄປແລ້ວ.
ຮອງລັດຖະມົນຕີຕ່າງປະເທດຍີ່ປຸ່ນ ທ່ານ Yasuhide Nakaya-
ma ກ່າວໃນມື້ວັນສຸກວານນີ້ວ່າ ລັດຖະບານຂອງທ່ານ ບໍ່ໄດ້ລົດ
ລະ ໃນຄວາມພະຍາຍາມເພື່ອໃຫ້ມີການປ່ອຍໂຕປະກັນທັງສອງ.
ທ່ານ Nakayama ກ່າວວ່າ “ພວກເຮົາເນັ້ນໜັກໃສ່ເລື້ອງນຶ່ງ ນັ້ນ
|ກໍຄືພວກເຮົາຈະລົດລະ. ຂ້າພະເຈົ້າເຊື່ອວ່າ ມັນເປັນໜ້າທີ່ຂອງຂ້າພະເຈົ້າ ເພື່ອໃຫ້ການຄ້ຳປະກັນວ່າພວກເຮົາຈະໄດ້ເຂົາເຈົ້າກັບຄືນມາຢ່າງແນ່ນອນແລະຂ້າພະເຈົ້າຈະທຳຢ່າງ ສຸດຂີດ.”
ຍີ່ປຸ່ນທວງໃຫ້ ລັດອິສລາມ ປ່ອຍໂຕປະກັນ
ທ່ານ Yoshihide Suga ຫົວໜ້າກອງເລຂາ ປະຈຳຄະນະລັດຖະບານຍີ່ປຸ່ນ ກ່າວວ່າ ຍີ່ ປຸ່ນກຳລັງໃຊ້ທຸກຊ່ອງທາງເທົ່າທີ່ສາມາດເຮັດໄດ້ເພື່ອພະຍາຍາມເຂົ້າໄປເຖິງພວກຈັບໂຕ ປະກັນແລະໃຫ້ປ່ອຍໂຕຜູ້ຊາຍທັງສອງຄົນນີ້.
ກ່ອນເສັ້ນຕາຍຜ່ານພົ້ນໄປ ໃນວັນສຸກວານນີ້ ນາງ Junko Ishido ແມ່ຂອງທ້າວ Kenji Goto ນຶ່ງໃນສອງຄົນທີ່ຖືກຈັບເປັນໂຕປະກັນນັ້ນໄດ້ຮຽກຮ້ອງໃຫ້ລັດຖະບານຍີ່ປຸ່ນຈ່າຍ ເງິນຄ່າໄຖ່ ໃຫ້ແກ່ພວກຫົວຮຸນແຮງລັດອິສລາມ ເພື່ອຊ່ວຍຊີວິດລູກຊາຍຂອງນາງໄວ້.
ນາງເວົ້າວ່າ “ເວລາກຳລັງໝົດລົງແລ້ວ. ຂໍໃຫ້ລັດຖະບານຍີ່ປຸ່ນຊ່ວຍກູ້ເອົາຊີວິດລູກຊາຍ ຂອງຂ້າພະເຈົ້າດ້ວຍ.”
