ທູດພິເສດຂອງອົງການສະຫະປະຊາຊາດຮັບຜິດຊອບກ່ຽວກັບເລື້ອງຊີເຣຍກ່າວວ່າ ກ້ຳຕາເວັນອອກຂອງເມືອງ Aleppo ອາດຈະຖືກທຳລາຍ “ຢ່າງຊິ້ນເຊີງ” ພາຍໃນທ້າຍປີນີ້ ຍ້ອນການປະຕິບັດງານທາງທະຫານທີ່ “ໂຫດຫ້ຽມ ຢ່າງຕໍ່ເນື່ອງ” ຢູ່ໃນເມືອງດັ່ງກ່າວ ທີ່ພົນລະເຮືອນ 275,000 ຄົນຖືກປິດລ້ອມຢູ່ນັ້ນ.
ທີ່ກອງປະຊຸມຖະແຫຼງຂ່າວໃນວັນພະຫັດວານນີ້ ທ່ານ Staffan de Mistura ແລະທີ່ປຶກ ສາພິເສດ ທ່ານ Jan Egeland ຍັງໄດ້ຮຽກຮ້ອງໃຫ້ກຸ່ມກະບົດ al-Nusra ມອງເບິ່ງການທຳລາຍແລະຄວາມເສຍຫາຍຢ່າງຮ້າຍແຮງທີ່ການປະຕິບັດງານຂອງພວກເຂົາ ມີຜົນກະ ທົບຕໍ່ພົນລະເຮືອນຂອງປະເທດ.
ທ່ານ de Mistura ກ່າວວ່າ “ນຶ່ງພັນຄົນຂອງພວກທ່ານພວມຕັດສິນໃຈກ່ຽວກັບຊະຕາກຳຂອງພົນລະເຮືອນ 275,000 ຄົນ.” ນອກນັ້ນ ທ່ານຍັງໄດ້ຕ້ອງຕິຣັດເຊ ຕໍ່ອັນທີ່ທ່ານເອີ້ນ ວ່າ ການຖິ້ມລະເບີດເກີນຂອບເຂດ ໃສ່ພາກຕາເວັນອອກເມືອງ Aleppo ເຮັດໃຫ້ພົນລະເຮືອນ ຢູ່ໃນເມືອງດັ່ງກ່າວ ຕົກຢູ່ໃນຄວາມສ່ຽງ ເມື່ອປຽບທຽບໃສ່ ພວກນັກລົບກະບົດຈຳ ນວນພຽງເລັກນ້ອຍ.
ບໍ່ເທົ່າໃດຊົ່ວໂມງຕໍ່ມາ ໂຄສົກກະຊວງປ້ອງກັນປະເທດຂອງຣັດເຊຍ ພົນຕີ Igor Kona- shenkov ໄດ້ກ່າວຕໍ່ພວກນັກຂ່າວທີ່ມົສກູວ່າ ການໂຈມຕີທາງອາກາດຫຼືຍິງລູກສອນໄຟໂຈມຕີໃດໆກໍຕາມຕໍ່ເຂດຄວບຄຸມຂອງລັດຖະບານຊີເຣຍແມ່ນເປັນໄພຂົ່ມຂູ່ຢ່າງຈະແຈ້ງ ຕໍ່ເຈົ້າໜ້າທີ່ທະຫານຂອງຣັດເຊຍຢູ່ໃນຊີເຣຍ.
ທ່ານກ່າວຕື່ມວ່າ ຖານທັບຣັດເຊຍ 2 ແຫ່ງໃນຊີເຣຍ ຄືຖານທັບອາກາດ ທີ່ເມືອງ Khmei- min ແລະຖານທັບເຮືອທີ່ເມືອງ Tartus ເວລານີ້ ແມ່ນໄດ້ຮັບ ການປົກປ້ອງໂດຍລະບົບລູກສອນໄຟທີ່ຍິງຈາກພາກພື້ນດິນສູ່ອາກາດ S-300 ແລະ S-400 ບວກໃສ່ກັບລັດສະ ໝີຂອງລະບົບລູກສອນໄຟທັງສອງແລ້ວມັນ ຈະເປັນທີ່ແປກໃຈສຳລັບເຮືອບິນທີ່ບໍ່ມີການລະບຸໃດໆກໍຕາມ.
