ບັນດາເຈົ້າໜ້າທີ່ສະຫະລັດໄດ້ອອກຄຳເຕືອນ ກ່ຽວກັບຄວາມສາມາດຂອງກຸ່ມລັດອິສ ລາມ ທີ່ຊັກຊວນໃຫ້ກໍ່ການຮ້າຍຢູ່ທົ່ວໂລກ ຮວມທັງສະຫະລັດ ປາດສະຈາກຄຳສັ່ງ ຫລື ມີການຕິດຕໍ່ໂດຍກົງ ກັບບັນດາຜູ້ກໍ່ການຮ້າຍ.
“ພວກເຮົາພວມຢູ່ພາຍໃຕ້ການຂົ່ມຂູ່ແບບໃໝ່ ຂອງພວກກໍ່ການຮ້າຍ ຢູ່ໃນທົ່ວ ໂລກ. ຮອງລັດຖະມົນຕີກະຊວງຮັກສາຄວາມປອດໄພ ພາຍໃນຂອງສະຫະລັດ ທ່ານ Alejan- dro Mayorkas ລາຍງານຕໍ່ຄະນະກຳມະການຂອງສະພາສູງສະຫະລັດ ໃນວັນພະຫັດ ວານນີ້. ພວກເຮົາໄດ້ເຄື່ອນຍ້າຍຈາກການໂຈມຕີໂດຍກົງຂອງກໍ່ການຮ້າຍໃນໂລກ ທີ່ ເພີ້ມຂຶ້ນຮວມທັງການຂົ່ມຂູ່ ຂອງການກໍ່ການຮ້າຍທີ່ຊັກຊວນໃຫ້ມີໂຈມຕີ ໂດຍທີ່ຜູ້ໂຈມຕີ ອາດບໍ່ເຄີຍໄດ້ພົບໜ້າຕໍ່ໜ້າກັບສະມາຊິກຄົນໃດຄົນນຶ່ງ ຂອງອົງການກໍ່ການຮ້າຍ ແຕ່ ແທນທີ່ໄດ້ຖືກຊັກຊວນຈາກການສົ່ງ ຂ່າວສານ ແລະໂຄສະນາຊວນເຊື່ອຂອງກຸ່ມ ISIL”.
ທ່ານ Mayorkas ກ່າວເພີ້ມອີກວ່າ “ຕາມປົກກະຕິແລ້ວ ການຊັກຊວນດັ່ງກ່າວແມ່ນ ຍາກຂຶ້ນສຳລັບການສືບລັບ ແລະບັນດາເຈົ້າໜ້າທີ່ຈະຈັບໄດ້ ແລະອາດສາ ມາດເກີດຂຶ້ນ ກ່ອນໂດຍມີການເຕືອນລ່ວງໜ້າພຽງໜ້ອຍດຽວ ຫລືບໍ່ມີເລີຍກໍເປັນ ໄດ້.”
ຜູ້ຕາງໜ້າສູງສຸດພັກເດໂມແຄຣັດ ໃນຄະນະກຳມະການ ຮັກສາຄວາມປອດໄພ ພາຍໃນ ຂອງສະພາສູງ ເຫັນພ້ອມກັບການສັ່ງຊາໂດຍໃຫ້ຂໍ້ສັງເກດກ່ຽວກັບການໂຈມຕີກໍ່ການ ຮ້າຍປີກາຍ ໃນເມືອງ San Bernardino ລັດ California ທີ່ເຮັດໃຫ້ 14 ຄົນເສຍຊີວິດ.
ສະມາຊິກສະພາສູງທ່ານ Tom Carper ຈາກລັດ Delaware ກ່າວວ່າ “ພວກເຮົາອາດ ປິດການເດີນທາງ ແລະບໍ່ໃຫ້ຄົນຕ່າງດ້າວເຂົ້າມາປະເທດທັງໝົດ ແລະຍັງຈະບໍ່ເປັນທີ່ ປອດໄພຈາກການຂົ່ມຂູ່. ບໍ່ເປັນຈັ່ງໂຊກ ກຸ່ມ ISIS ຮູ້ດີທີ່ສຸດໃນທາງໂຈມຕີອາເມຣິກາ ກໍ ຄືໃຫ້ຊາວອາເມຣິກັນ ເປັນຜູ້ກະທຳເອງ. ເພາະສະນັ້ນ ກຸ່ມ ISIS ໄດ້ເນັ້ນໜັກໃສ່ການໃຊ້ ສື່ສັງຄົມ ແລະອິນເຕີແນັດ ເພື່ອລ້າງສະໝອງຊາວອາເມຣິກັນ ຢູ່ທີ່ບ້ານເຮືອນເຂົາເຈົ້າ.
ທ່ານ Carper ກ່າວເພີ້ມອີກວ່າ “ພວກເຮົາຕ້ອງປະຕິບັດໃຫ້ແນ່ນອນວ່າ ເວລາໃດ ກຸ່ມ ISIS ທຳການຂົນຂວຍເອົາຊາວອາເມຣິກັນ ການສົ່ງຂໍ້ຄວາມຂອງເຂົາເຈົ້າບໍ່ເປັນທີ່ໄດ້ຍິນ.”
