ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການ​ໂຈມ​ຕີ​ທາງ​ອາກາດ ສືບຕໍ່ກະໜ່ຳ ທີ່ໝັ້ນຂອງກຸ່ມ​ລັດ​ອີສລາມ


ການ​ໂຈມ​ຕີ​ທາງ​ອາກາດ ​ທີ່​ສົງ​ໄສ​ວ່າ​ເປັນການ​ໂຈມ​ຕີ​ທີ່​ນຳພາ​ໂດ​ຍ
​ສະຫະລັດ​ນັ້ນ​ ໄດ້ປະ​ທະໃກ້ໆ​ກັບ​ເມືອງ​ສຳຄັນ​ຂອງ​ຊີ​ເຣຍ ທີ່​ຕັ້ງ​ຢູ່
​ຊາຍ​ແດນ​ຕິດ​ກັບ​ເທີ​ກີ ບ່ອນ​ທີ່​ພວກ​ນັກ​ລົບ ຊາວ​ເຄີ​ດ ​ໄດ້ພະຍາ
ຍາມ​ຕ້ານ​ຍັນ ​ການ​ເຂົ້າ​ຍຶດ​ເອົາ​ຂອງພວກຫົວ​ຮຸນ​ແຮງ​ກຸ່ມ​ລັດ​
ອີສລາມ ​ມາ​ເວລາ​ເປັນ​ຫຼາຍໆ​ອາທິດ​ແລ້ວ​ນັ້ນ.

ການ​ໂຈມ​ຕີ​ຂອງ​ເຊົ້າ​ວັນ​ອັງຄານ​ມື້​ນີ້ ​ໄດ້​ປະ​ທະ​ຢູ່ຂ້າງ​ນອກ​ເມືອງ
Kobani ທີ່​ຮູ້​ກັນ​ໃນ​ອີກ​ຊື່​ນຶ່ງ​ວ່າ Ayn al-Arab ບ່ອນ​ທີ່ການຕໍ່ສູ້
​ກັນໄດ້​ຍັງ​ຜົນ​ໃຫ້​ ປະຊາຊົນ​ຈຳນວນ​ຫຼາຍ​ໝື່ນຄົນ ຕ້ອງໄດ້ອົບ​ພະຍົບຫລົບ​ໜີ ​ເພື່ອ​ຄວາມ​ປອດ​ໄພ ​ໄປ​ຍັງ​ເທີ​ກີ.

ກຸ່ມ​ສິ້ງຊອມ​ສິດທິ​ມະນຸດຊີ​ເຣຍ ​ທີ່​ມີ​ສຳນັກງານ​ຕັ້ງ​ຢູ່​ອັງກິດ ​ກ່າວ​ວ່າ ການ​ປະ​ທະ​ກັນໄດ້​ແກ່ຍາວ​ອອກ​ໄປ​ຕະຫຼອດ​ທັງ​ຄືນ ​ໂດຍພວກຫົວ​ຮຸນ​ແຮງ​ກຸ່ມ​ລັດ​ອີສລາມ​ໄດ້​ຍຶດ​ເອົາ​ຫຼາຍ​ຕຶກ ໃນ​ເຂດກ້ຳ​ຕາ​ເວັນ​ຕົກສຽງ​ໃຕ້ ຂອງ​ເມືອງ.

ການຍຶດໄດ້ເມືອງ Kobani ນັ້ນ​ ແມ່ນ​ຈະອຳນວຍ​ໃຫ້ພວກຫົວ​ຮຸນ​ແຮງ​ກຸ່ມ​ລັດ​ອີສລາມ ຄວບ​ຄຸມ​ເຂດຊາຍ​ແດນຊີ​ເຣຍ ທີ່​ຕິດ​ກັບເທີ​ກີ.

XS
SM
MD
LG