ລິ້ງ ສຳຫລັບເຂົ້າຫາ

ວັນອັງຄານ, 31 ມັງກອນ 2023

ກຸ່ມ​ລັດ​ອິ​ສ​ລາມ-ເຄ ອ້າງ​ເອົາ​ຄວາມ​ຮັບ​ ຜິດ​ຊອບ ໃນ​ການ​ໂຈມ​ຕີໂຮງ​ແຮມ ​ຢູ່ ນະ​ຄອນ​ຫລວງ​ກາ​ບູ​ລ ທີ່​ມີ​ຄົນ​ຈີນ​ພັກ​ຢູ່


ຄວັນ​ໄດ້​ພຸ​້ງ​ຂຶ້ນ​ຈາກ​ບ່ອນ​ເກີດ​ເຫດ​ການ​ໂຈມ​ຕີໃນຍ່ານ​ການ​ຄ້າ ຊາ-ອີ ນໍ ໃນ​ນະ​ຄອນຫຼວງ​ກາ​ບູ​ລຂອງ​ອັ​ຟ​ກາ​ນິ​ສ​ຖານ, ວັນ​ທີ 12 ທັນ​ວາ, 2022.

ການ​ໂຈມ​ຕີ​ດ້ວຍ​ລະ​ເບີດ​ ແລະ​ປືນ​ໃສ່​ໂຮງ​ແຮມ​ແຫ່ງ​ນຶ່ງ​ໃນ​ນະ​ຄອນ​ຫລວງກາ​ ບູ​ລ ຂອງ​ອັ​ຟ​ກາ​ນິ​ສ​ຖານ ໃນ​ວັນ​ຈັນ​ວານນີ້ ໄດ້​ສັງຫານ​ຜູ້​ໂຈມ​ຕີ​ຢ່າງ​ໜ້ອຍ 3 ຄົນ ແລະ​ບາດ​ເຈັບ​ອີກ 21 ຄົນ, ໃນ​ນັ້ນ​ມີ​ຊາວ​ຕ່າງ​ປະ​ເທດ 2 ຄົນ.

ໂຮງ​ແຮມທີ່​ມີ​ຊັ້ນ​ຫຼາຍ​ໃນ​ຍ່ານ​ການ​ຄ້າ ຢູ່​ໃຈກາງ​ເມືອງຊາ-ອີ ນໍ (Shar-e Naw) ຂອງ​ນະຄອນຫຼວງ​ຂອງ​ອັຟກາ​ນິສຖານ ຊຶ່ງ​ເປັນ​ບ່ອນ​ຢູ່​ຂອງຄົນ​ຕ່າງ​ປະ​ເທດ ຊຶ່ງ​ໃນ​ນັ້ນ ມີ​ຊາວ​ຈີນ​ຫຼາຍ​ຄົນ.

ໂຄ​ສົກ​ລັດ​ຖະ​ບານ​ຕາ​ລີ​ບານ, ທ່ານ​ຊາ​ບີ​ຮູ​ລ​ລາ ມູ​ຈາ​ຮິດ (Zabihullah Mujahid) ກ່າວ​ວ່າ ມີ​ມື​ປືນ 3 ຄົນບຸກ​ເຂົ້າ​ໄປ​ໃນຕຶກດັ່ງ​ກ່າວ​ໃນ​ຕອນ​ບ່າຍ ກ່ອນ​ທີ່​ຈະ​ຖືກ​ໄລ່​ຕາມ​ຢ່າງ​ວ່ອງ​ໄວ ແລະ​ຖືກ​ຂ້າ​ຕາຍ​ໂດຍ​ກຳ​ລັງ​ຮັກ​ສາ​ຄວາມ​ປອດ​ໄພ. ທ່ານ​ກ່າວ​ວ່າ ບໍ່​ມີ​ຊາວ​ຕ່າງປະ​ເທດຄົນ​ໃດ​ເສຍ​ຊີ​ວິດ.

ທ່ານມູ​ຈາ​ຮິດກ່າວຕື່ມວ່າ "ແຕ່ຢ່າງໃດກໍ່ຕາມ, ແຂກຕ່າງປະເທດສອງຄົນໄດ້ ຮັບບາດເຈັບເມື່ອພວກເຂົາເຈົ້າໂດດອອກຈາກປ່ອງຢ້ຽມເພື່ອເອົາຊີວິດລອດ." ທ່ານບໍ່ໄດ້ອະທິບາຍລະອຽດເພີ້ມ​ເຕີມ​ແຕ່​ຢ່າງ​ໃດ.

ອົງການ​ມະນຸດສະທຳ​ສາກົນ​ແຫ່ງ​ນຶ່ງທີ່​ເອີ້ນ​ວ່າ ສຸກ​ເສີນ ຫລື EMERGENCY ​ໄດ້​ລາຍ​ງານ​ວ່າ ມີ​ຜູ້​ເສຍ​ຊີວິດ​ທີ່​ເພີ່ມ​ຂຶ້ນ​ ໂດຍ​ກ່າວ​ວ່າ ການ​ໂຈມ​ຕີ​ໄດ້​ເກີດ​ຂຶ້ນ​ປະ ມານ 1 ກິ​ໂລ​ແມັດ ຫ່າງຈາກ​ໂຮງໝໍ​ໃນ​ເຂດ​ດັ່ງກ່າວ.

"ມາຮອດເວ​ລານີ້, ພວກເຮົາໄດ້ຮັບຜູ້ບາດເຈັບ 21 ຄົນ - 3 ຄົນໄດ້ເສຍຊີວິດ ແລ້ວ ໃນເວລາມາຮອດໜີ້," ນັ້ນ​ຄື​ຂໍ້​ຄວາມ​ທີ່​ຂຽນ​ລົງ​ໃນ​ທວີດ​ເຕີ ໂດຍອົງການ ການກຸສົນທີ່​ຕັ້ງ​ຢູ່ໃນອີຕາລີ, ໂດຍບໍ່ໄດ້​ໃຫ້ລາຍລະອຽດແຕ່​ຢ່າງ​ໃດ.

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG