ລິ້ງ ສຳຫລັບເຂົ້າຫາ

ອິສຣາແອລ ປະກາດວ່າ ທ່ານ Olmert ມີຄວາມຜິດ ໃນສະຖານເບົາ


ພາບບັນທຶກ ໃນວັນທີ່ 17 ເດືອນມີນາ 17, 2009 ເວລານີ້ ທ່ານ Ehud Olmert ເປັນນາຍົກລັດຖະມົນຕີ ອິສຣາແອລ ກໍາລັງຖະການ ຕໍ່ບັນດານັກຂ່າວ.

ສານ​ແຫ່ງ​ນຶ່ງ​ຂອງອິສຣາ​ແອ​ລ ​ໄດ້ປະກາດ​ວ່າ ອະດີດ​ນາຍົກລັດຖະມົນ​ຕີ Ehud Olmert ​
ບໍ່​ມີ​ຄວາມ​ຜິດໃນ​ສອງຂໍ້ກ່າວ​ຫາ​ສໍ້​ລາດ​ບັງ​ຫລວງທີ່​ສໍາຄັນ 2 ກະທົງ ຂະນະ​ທີ່ຕັດສິນລົງ​ໂທດ
ທ່ານ​ໃນ​ຄວາມ​ຜິດ​ສະຖານ​ເບົາ​ກວ່າ.

ສານ​ກ່າວ​ໃນ​ວັນ​ອັງຄານມື້ນີ້​ວ່າ ທ່ານ Olmert ​ໄດ້​ມີ​ຄວາມ​ຜິດ​ໃນຖານ​ລ່ວງ ລະ​ເມີດ​ຄວາມ
ໄວ້​ເນື້ອ​ເຊື່ອໃຈ ດ້ວຍ​ການໃຫ້ການຊ່ວຍ​ເຫຼືອ​ໝູ່​ຂອງ​ທ່ານ ​ໃນ​ຂະນະ​ທີ່​ຮັບ​ໄຊ້ເປັນລັດຖະ​ມົນ
ຕີ​ການ​ຄ້າ​ແລກ ​ແລະ​ອຸດສາຫະກໍາອຂອງ​ອິສຣາ ​ແອ​ລ.

ນອກ​ນັ້ນທ່ານ​ຍັງ​ໄດ້​ປະ​ເຊີນ​ໜ້າ​ກັບ​ການ​ກ່າວ​ຫາ ຮັບ​ເງິນ​ຄ່າແບບ​ຜິດ​ກົດໝາຍ ຈາກນັກ
ທຸ​ຣະກິດອາ​ເມຣິກັນ ​ແລະສົ່ງ​ໃບ​ບິ​ລ​ໄປ​ເກັບ​ເງິນ​ສອງ​ເທົ້າ​ນຳກຸ່ມ​ຊາວ ຢິວ ໃນ​ການ​ເດີນທາງ
​ອອກ​ໄປ​ຕ່າງປະ​ເທດ.

ທ່ານ Olmert ​ໄດ້​ປະຕິ​ເສດ​ວ່າ ທ່ານ​ບໍ່​ໄດ້​ເຮັດ​ຫຍັງ​ຜິດ ​ແຕ່​ໄດ້​ລາ​ອອກ​ຈາກ​ຕຳ​ແໜ່​ງນາຍົກ
ລັດຖະມົນຕີ ຫຼັງຈາກ​ຖືກ​ຟ້ອງ​ຮ້ອງ​ໃນ​ປີ 2008.

ທ່ານ Olmert ​ຍັງ​ປະ​ເຊີນ​ກັບ​ການ​ດຳ​ເນີນ​ຄະດີ ກ່ຽວ​ກັບ​ການ​ສໍ້​ໂກງ​ທີ່​ນອງ​ນັນ​ໃນ​ຂະນະ​
ທີ່​ທ່ານ​ເປັນ​ເຈົ້າ​ຄອງ​ນະຄອນເຈຣູຊາ​ແລັມ.

XS
SM
MD
LG