ບັນດານັກພະຍາກອນອາກາດສະຫະລັດກ່າວວ່າ ພາຍຸເຂດຮ້ອນໄອຊິກ ກໍາລັງຈະຫັນປ່ຽນມາເປັນລົມພາຍຸເຮີຣິເຄນ ໃນຂະນະທີ່ພາຍຸຫົວນີ້ເຄື່ອນເຂົ້າໄປໃກ້ໆ ນະຄອນ New Orleans.
ຄາດວ່າ ລົມພາຍຸຫົວນີ້ຈະເພີ້ມຄວາມແຮງຂື້ນມາເປັນເຮີຣິເຄນ ໃນວັນອັງຄານ ມື້ນີ້ ແລະຈະສືບຕໍ່ເພີ້ມຄວາມແຮງຂຶ້ນ ຈົນກວ່າພັດເຂົ້າປະທະແຄມຝັ່ງໃນຕອນແລງຂອງວັນອັງຄານ ຫລືຕອນເຊົ້າຂອງວັນພຸດມື້ອື່ນ.
ປະຊາຊົນທີ່ອາໄສຢູ່ເລາະຕາມແຄມອ່າວພາກເໜືອ ກໍາລັງພາກັນຕຽມຮັບມືກັບລົມໄອຊິກ ທີ່ຈະນໍາເອົາສະພາບພາຍຸຝົນ
ມາສູ່ແຕ່ລັດລຸຍຊິອານາ ຫາລັດຟຣໍລິດາ ໃນຕອນເຊົ້າຂອງວັນອັງຄານນີ້.
ປະທານາທິບໍດີ Barack Obama ໄດ້ປະກາດພາວະສຸກເສີນ ສຳຫຼັບລັດລຸຍຊິອານາ ທີ່ໄດ້ຮັບຄວາມເສຍຫາຍຮ້າຍແຮງ ຈາກພາຍຸເຮີລິເຄນກາຕຣີນາເມື່ອ 7 ປີກ່ອນນັ້ນ.
ຜູ້ປົກຄອງລັດລຸຍຊິອານາ ທ່ານ Bobby Jindal ໄດ້ຮຽກຮ້ອງໃຫ້ປະຊາຊົນທີ່ ຢູ່ໃນເຂດອັນຕະລາຍ ຈົ່ງພາກັນອົບພະຍົບອອກໜີ.
ປັດຈຸບັນນີ້ລົມພາຍຸໄອຊິກ ແມ່ນມີຄວາມແຮງເຖິງ 110 ກິໂລແມດ ຕໍ່ຊົ່ວໂມງ ແລະພວກນັກພະຍາກອນອາກາດກ່າວວ່າ ມັນອາດຈະເຮັດໃຫ້ມີຝົນຕົກໜັກເຖິງ 30 ຊັງຕິແມດ ຢູ່ຕາມເຂດຊາຍຝັ່ງ ແລະຫຼາຍເຖິງ 50 ຊັງຕີແມດ ຢູ່ຕາມບ່ອນສອກຫລີກຫ່າງໄກ.
ຄາດວ່າ ລົມພາຍຸຫົວນີ້ຈະເພີ້ມຄວາມແຮງຂື້ນມາເປັນເຮີຣິເຄນ ໃນວັນອັງຄານ ມື້ນີ້ ແລະຈະສືບຕໍ່ເພີ້ມຄວາມແຮງຂຶ້ນ ຈົນກວ່າພັດເຂົ້າປະທະແຄມຝັ່ງໃນຕອນແລງຂອງວັນອັງຄານ ຫລືຕອນເຊົ້າຂອງວັນພຸດມື້ອື່ນ.
ປະຊາຊົນທີ່ອາໄສຢູ່ເລາະຕາມແຄມອ່າວພາກເໜືອ ກໍາລັງພາກັນຕຽມຮັບມືກັບລົມໄອຊິກ ທີ່ຈະນໍາເອົາສະພາບພາຍຸຝົນ
ມາສູ່ແຕ່ລັດລຸຍຊິອານາ ຫາລັດຟຣໍລິດາ ໃນຕອນເຊົ້າຂອງວັນອັງຄານນີ້.
ປະທານາທິບໍດີ Barack Obama ໄດ້ປະກາດພາວະສຸກເສີນ ສຳຫຼັບລັດລຸຍຊິອານາ ທີ່ໄດ້ຮັບຄວາມເສຍຫາຍຮ້າຍແຮງ ຈາກພາຍຸເຮີລິເຄນກາຕຣີນາເມື່ອ 7 ປີກ່ອນນັ້ນ.
ຜູ້ປົກຄອງລັດລຸຍຊິອານາ ທ່ານ Bobby Jindal ໄດ້ຮຽກຮ້ອງໃຫ້ປະຊາຊົນທີ່ ຢູ່ໃນເຂດອັນຕະລາຍ ຈົ່ງພາກັນອົບພະຍົບອອກໜີ.
ປັດຈຸບັນນີ້ລົມພາຍຸໄອຊິກ ແມ່ນມີຄວາມແຮງເຖິງ 110 ກິໂລແມດ ຕໍ່ຊົ່ວໂມງ ແລະພວກນັກພະຍາກອນອາກາດກ່າວວ່າ ມັນອາດຈະເຮັດໃຫ້ມີຝົນຕົກໜັກເຖິງ 30 ຊັງຕິແມດ ຢູ່ຕາມເຂດຊາຍຝັ່ງ ແລະຫຼາຍເຖິງ 50 ຊັງຕີແມດ ຢູ່ຕາມບ່ອນສອກຫລີກຫ່າງໄກ.
