ປະທານປະເທດຈີນ ທ່ານ Xi Jinping ໄດ້ເສັດສິ້ນ ການຢ້ຽມ
ຢາມຂອງທ່ານໃນພາກຕາເວັນອອກກາງໃນວັນອາທິດແລ້ວນີ້
ດ້ວຍການທີ່ Saudi Arabia Iran ແລະ Egypt ປະຕິຍານວ່າ
ຈະເສີມຂະຫຍາຍສາຍພົວພັນກັບປັກກິ່ງ. ການຢ້ຽມຢາມຂອງ
ທ່ານ ມີຂຶ້ນ ຫຼັງຈາກການຍົກເລີກການລົງໂທດທາງເສດຖະກິດ
ຕໍ່ອິຣ່ານ ຍັງຜົນໃຫ້ໂອກາດທາງດ້ານເສດຖະກິດສຳຫຼັບຈີນ
ຊຶ່ງມີການຕົກລົງຕ່າງໆ ທີ່ມີມຸນຄ່າເຖິງ 600 ພັນລ້ານໂດລ່າ.
ແຕ່ວ່າມັນເປັນການຕົງລົງທາງການເມືອງ ກັບບັນດາຜູ້ນຳອາຣັບ ແລະອິຣ່ານ ຊຶ່ງໄດ້ມີການ
ກວດສອບໂດຍປະຊາຄົມການທູດ. ພວກນັກວິໄຈແລະທູດພິເສດ ແມ່ນມີຄຳຖາມຕໍ່ຈີນທີ່ວ່າ ຈີນ ກຳລັງພະຍາຍາມທີ່ຈະໃຊ້ການຕົກລົງທາງດ້ານເສດຖະກິດ ທີ່ຈະຂະຫຍາຍອິດທິ
ພົນທາງການເມືອງຂອງຕົນ ແລະເຮັດໃຫ້ອິດທິພົນຂອງບັນດາປະເທດຕາເວັນຕົກອ່ອນເເອລົງໃນຂົງເຂດ ຫຼືບໍ່.
ອົງການຂ່າວ ຊິນຮົວຂອງທາງການຈີນ ສະແດງໃຫ້ເຫັນວ່າ ຈີນ ບໍ່ໄດ້ຄັດຄ້ານຕໍ່ການມີອິດທິພົນຂອງສະຫະລັດ ໃນຂົງເຂດ. ອົງການຂ່າວດັ່ງກ່າວຍັງໂຕ້ແຍ້ງອີກວ່າ “ການແຊກແຊງ” ຂອງບັນດາປະເທດພາກຕາເວັນຕົກ ນັ້ນແມ່ນເປັນພິດຫຼາຍກວ່າ ການເປັນທາງເລືອກ
ທີ່ວິເສດ ໃນພາກຕາເວັນອອກກາງ.
