ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຊາວໄອຣ໌ແລນ ລົງປະຊາມະຕິ ເພື່ອ​ອະນຸຍາດ​ໃຫ້ ພວກ​ຮັກ​ຮ່ວມ​ເພດ ​ແຕ່ງງານ​ກັນ​ໄດ້ ຫຼືບໍ່


ບັນດາສະມາຊິກ ຂອງກຸ່ມ Yes Equality ເລີ່ມທຳການໂຄສະນາ ດ້ວຍປ້າຍຂອງຄຳວ່າ "ເຫັນດີ" ຢູ່ໃນກາງນະຄອນຫລວງ Dublin ປະເທດ Ireland, ເມື່ອວັນພະຫັດ ທີ 21 ພຶດສະພາ 2015.
ບັນດາສະມາຊິກ ຂອງກຸ່ມ Yes Equality ເລີ່ມທຳການໂຄສະນາ ດ້ວຍປ້າຍຂອງຄຳວ່າ "ເຫັນດີ" ຢູ່ໃນກາງນະຄອນຫລວງ Dublin ປະເທດ Ireland, ເມື່ອວັນພະຫັດ ທີ 21 ພຶດສະພາ 2015.

ພົນລະ​ເມືອງຂອງ​ Ireland ​ແມ່ນ​ພວມພາກັນປ່ອນ​ບັດອອກສຽງ
​ໃນ​ວັນສຸກ​ມື້​ນີ້ ກ່ຽວ​ກັບ​ວ່າ ຈະ​ດັດ​ແກ້​ລັດຖະທຳ​ມະນູນ ​ເພື່ອ
​ອະນຸຍາດ​ໃຫ້ ພວກ​ຮັກ​ຮ່ວມ​ເພດ ​ແຕ່ງງານ​ກັນ​ໄດ້ ຫຼືບໍ່ ຢູ່​ໃນ
​ປະ​ເທດ​ທີ່​ມີ​ສັງຄົມນິຍົມແນວທາງເດີມນັ້ນ.

ຖ້າຫາກມີລົງຄະແນນສຽງ “ເຫັນດີ” ເປັນທີ່ຄອບງຳໃນ​ການ
​ລົງປະຊາ​ມະຕິ​ຄັ້ງນີ້ ຈະ​ເຮັດ​ໃຫ້​ປະ​ເທດໄອຣ໌​ແລນ ກາຍ​ເປັນ​
ປະ​ເທດ​ທຳ​ອິດ ທີ່​ອະນຸມັດ​ໃຫ້ພວກ​ຮັກ​ຮ່ວມ​ເພດ ​ແຕ່ງງານ
​ກັນ​ໄດ້ ​ດ້ວຍ​ການປ່ອນ​ບັດ ອອກສຽງຂອງປະຊາຊົນ.

ຢູ່​ໃນທະວີບ​ຢູ​ໂຣບ ການ​ແຕ່ງ​ງານລະຫວ່າງພວກ​ຮັກ​ຮ່ວມ​ເພດ ​ແມ່ນ​ຖື​ວ່າຖືກຕ້ອງ​ຕາມ​ກົດໝາຍຢູ່​ໃນສິບ​ກວ່າປະ​ເທດ. ​ແລະ​ມັນ​ຍັງເປັນ​ທີ່ຖືກ ຕ້ອງ​ຕາມ​ກົດໝາຍ ຢູ່​ໃນປະ​ເທດ
ອາ​ເຈັນ​ຕີ​ນາ ບຣາຊີ​ລ ​ກາ​ນາ​ດາ ນິວຊີ​ແລນ ອາ​ຟຣິກາ​ໃຕ້ ​ແລະ ອູຣູກວາ​ຍ.

ການ​ຍັ່ງ​ຫາງ​ສຽງ​ຂອງ​ປະຊາຊົນໃນ​ໄອຣ໌​ແລນ ​ໄດ້​ຊີ້​ໃຫ້​ເຫັນ​ວ່າ ຂອບ​ເຂດ​ຂອງການ
ສະໜັບ​ສະ​ໜຸນ ໃນການ​ແຕ່ງງານ​ລະຫວ່າງ​ເພດ​ດຽວ​ກັນນັ້ນ ​ແມ່ນ​ຢູ່​ໃນລະຫວ່າງ 53
ຫາ 69 ​ເປີ​ເຊັນ ​ໃນ​ຂະນະ​ດຽວ​ກັນ ການ​ອອກສຽງສະໜັບສະໜຸນ “ບໍ່​ເຫັນ​ດີ” ​ ແມ່ນ​ຢູ່
ລະຫວ່າງ 24 ​ຫາ 26 ​ເປີ​ເຊັນ.

​ແຕ່​ສາສະໜາ Roman Catholic Church ທີ່​ນິຍົມແນວທາງເດີມ ​ແມ່ນ​ເປັນ​ກຳລັງຄອ​ບ
ງຳ​ຢູ່​ໃນໄອຣ໌​ແລນ ​ແລະ ​ຜູ້ນຳ​ສາສະໜາຫຼາຍໆ​ທ່ານ ​ໄດ້​ສະແດງ​ການ​ຄັດຄ້ານ ​ຕໍ່​ການ ປ່ຽນແປງ​ລັດຖະທຳ​ມະນູນນີ້. ລັດຖະບານໄອຣ໌​ແລນ ​ທີ່ບໍ່​ກ່ຽວ​ພັນ​ກັບຝ່າຍສາສະໜາ ​ໃນ
​ອີກ​ດ້ານ​ໜຶ່ງ​ພັດສະໜັບສະໜຸນ ຕໍ່ການ​ປ່ຽນ​ແປງ​ນີ້.

Ireland Gay Marriage
please wait
Embed

No media source currently available

0:00 0:00:46 0:00

XS
SM
MD
LG