ໄອຣ໌ແລນມີກຳນົດວ່າ ຈະມີນາຍົກລັດຖະມົນຕີເປັນກະເທີຍຜູ້ທຳອິດ ທ່ານ Leo Va-
radkar ລູກຊາຍຂອງຄົນເຂົ້າເມືອງ ທີ່ເປັນຊາວອິນເດຍ ທີ່ໄດ້ຊະນະການເລືອກຕັ້ງ
ການເປັນຜູ້ນຳຂອງພັກ Fine Gael ຊຶ່ງເປັນພັກລັດຖະບານ ໃນວັນສຸກວານນີ້.
ທ່ານ Varadkar ທີ່ມີອາຍຸ 38 ປີຍັງຈະເປັນນາຍົກລັດຖະມົນຕີໜຸ່ມສຸດທີ່ບໍ່ເຄີຍມີມາ
ກ່ອນ ຂອງສາທາລະນະລັດໄອຣ໌ແລນ. ທ່ານໄດ້ຊະນະການແຂ່ງຂັນຕຳແໜ່ງຜູ້ນຳ
ດ້ວຍຄະແນນສຽງ 60 ເປີເຊັນ ແລະເຂົ້າຮັບໜ້າທີ່ແທນ ທ່ານ Enda Kenny ຜູ້ທີ່ໄດ້ເປັນນາຍົກລັດຖະມົນຕີໄອຣ໌ແລນ ມາແຕ່ປີ 2011.
ທ່ານ Kenny ຜູ້ມີອາຍຸ 66 ປີ ໄດ້ປະກາດ ການອອກກິນເບ້ຍບຳນານຂອງທ່ານໃນ
ເດືອນແລ້ວນີ້. ທ່ານ Varadkar ໃນຖານະຜູ້ນຳພັກ Fine Gael ໄດ້ ກາຍມາເປັນ
ນາຍົກລັດຖະມົນຕີ ທີ່ຖືກເລືອກ ຢ່າງອັດຕະໂນມັດ ແຕ່ວ່າການເລືອກຂອງພັກຕ້ອງ
ໄດ້ຢືນຢັນໂດຍສະພາຄົບຄະນະເວລາສະພາກັບຄືນໄປເຮັດວຽກ ໃນວັນທີ 13 ມິຖຸ
ນາຈະມາເຖິງນີ້.
ສະພາໄອຣ໌ແລນ ຍັງຈະຕ້ອງໄດ້ໃຫ້ການຢືນຢັນ ແກ່ການແຕ່ງຕັ້ງທ່ານ ເວລາສະພາ
ດັ່ງກ່າວ ເລີ້ມການປະຊຸມ ຫລັງຈາກຢຸດພັກ ໃນວັນທີ 13 ມິຖຸນາ. ພັກ Fine Gael
ເປັນຜູ້ນຳພາ ລັດຖະບານສຽງສ່ວນນ້ອຍ ໂດຍໄດ້ຮັບການສະໜັບສະໜູນຈາກພັກ
Fianna Fail.
ນອກເໜືອໄປຈາກຄວາມໜຸ່ມແໜ້ນແລະການເປັນກະເທີຍຢ່າງເປີດເຜີຍຂອງທ່ານ
ແລ້ວ ທ່ານ Varadka ຍັງຈະເປັນນາຍົກລັດຖະມົນຕີໄອຣ໌ແລນຄົນທຳອິດ ທີ່ມີພື້ນ
ຖານມາຈາກຊົນກຸ່ມນ້ອຍ.
ທ່ານໄດ້ກ່າວດ້ວຍສຽງຕົບມືຢ່າງສະໜັ່ນ ຫລັງຈາກການໄດ້ຮັບໄຊຊະນະຂອງທ່ານ ໄດ້ຖືກປະກາດ ທີ່ນະຄອນ Dublin ວ່າ “ຖ້າຫາກການເລືອກຕັ້ງຂອງຂ້າພະເຈົ້າໃນ
ນາມຜູ້ນຳພັກ Fine Gael ໄດ້ສະແດງອອກມາ ຢ່າງໃດຢ່າງນຶ່ງ ມັນແມ່ນການກຽດ
ຊັງທາງດ້ານເຊື້ອຊາດ ຈະບໍ່ມີບ່ອນຢູ່ໃນສາທາລະນະລັດນີ້.”
ທ່ານກ່າວວ່າ “ຂ້າພະເຈົ້າຮູ້ດີ ເວລາພໍ່ຂອງຂ້າພະເຈົ້າໄດ້ເດີນທາງ 5,000 ໄມ ມາ
ເພື່ອສ້າງບ້ານເຮືອນໃໝ່ ຢູ່ໃນໄອຣ໌ແລນ ຂ້າພະເຈົ້າສົງໄສວ່າ ລາວບໍ່ເຄີຍຝັນວ່າ
ລູກຊາຍຂອງລາວ ຈະເຕີບໂຕມາເປັນຜູ້ນຳ. ແລະເຖິງແມ່ນວ່າລາວມີຄວາມແຕກ
ຕ່າງ ແຕ່ລູກຊາຍຂອງລາວຈະໄດ້ຮັບການຊັ່ງຊາ ໂດຍການປະຕິບັດຂອງລາວ ບໍ່
ແມ່ນເຊື້ອຊາດຂອງລາວ.”
ທ່ານ Varadkar ປະເຊີນໜ້າກັບການທ້າທາຍຫລາຍຢ່າງ ໃນນາມນາຍົກ ລັດຖະ
ມົນຕີ ຮວມທັງການຫັນປ່ຽນເສດຖະກິດທີ່ກຳລັງຟື້ນຕົວຄືນຈາກວິກິດການທາງດ້ານ
ການເງິນຂອງໂລກໃນປີ 2008. ທ່ານຍັງຈະຕ້ອງນໍາທາງ Brexit ຊຶ່ງກຳນົດຈະມີຜົນ
ກະທົບຕໍ່ໄອຣ໌ແລນທີ່ເປັນເພື່ອນບ້ານ ຫລາຍກວ່າ ສ່ວນໃຫຍ່ຂອງບັນດາປະເທດຢູ
ໂຣບ ເນື່ອງຈາກຄວາມໄກ້ຊິດໃນການເຊື່ອມໂຍງການຄ້າກັບອັງກິດ.
