ລິ້ງ ສຳຫລັບເຂົ້າຫາ

ຊາວ Ireland ປະທ້ວງ ໂຄງການເສດຖະກິດ ຂອງລັດຖະບານ

  • ສິງ ບູຣົມມະວົງ

ປະຊາຊົນປະທ້ວງໂຄງການປະຢັດມັດທະຍັດ ລັດຖະບານ Ireland ທີ່ນະຄອນ Dublin ວັນທີ 27 ພະຈິກ 2010












ພວກ​ປະ​ທ້ວງ​ຫລາຍ​ໝື່ນ​ຄົນ​ພາກັນ​ໄປ​ໂຮມ​ຊຸມນຸມ​ຢູ່ທີ່​ນະ
ຄອນ Dublinພາຍ​ໃຕ້ອາກາດ​ໜາວ​ເຢັນ​ຂອງ​ລະດູໜາວໃນ
ວັນ​ເສົາ​ວານ​ນີ້ ​ເພື່ອ​ທໍາ​ການ​ປະ​ທ້ວງ​ຕໍ່​ແຜນການຂອງ​ລັດຖະ
ບານ Ireland ທີ່​ຈະ​ຕັດ​ໂຄງ
ການສະຫວັດ​ດີການສັງຄົມລົງ
ແລະ​ຂຶ້ນພາສີ​ ເພື່ອ​ຮັບປະກັນ
ໃຫ້​ໄດ້​ຮັບ​ການ​ຊ່ອຍ​ເຫລືອ
ຈາກນາໆຊາດໃນ​ວົງ​ເງິນ
113 ຕື້​ໂດ​ລາ ສໍາລັບ Ire-
land ທີ່ຕິດ​ໜີ້ສິນຢ່າງຫລວງ
ຫລາຍ​ນັ້ນ.

ພວກ​ປະ​ທ້ວງ​ພາກັນ​ຍ່າງ​ເລາະ​ແຄມ​ແມ່​ນໍ້າ Liffey​ ໂດຍພາກັນຮ້ອງ​ໂຮສະ​ແດງຄວາມ​
ໂກດ​ແຄ້ນ​ຂອງ​ເຂົາ​ເຈົ້າ​ ​ຕໍ່​ແຜນການ​ປະຢັດ​ມັດທະຍັດ​ 4 ປີ ຂອງ​ນາຍົກລັດຖະມຸນຕີ
Brian Cowenທີ່​ໄດ້​ປະກາດ​ອອກມາ​ໃນ​ຕົ້ນສັບປະດາ​ຜ່ານ​ມາ​ທີ່​ຈະ​ຕັດ​ການຂາດ​ດຸນ​ງົບ
ປະມານ​ລົງ ​ໃຫ້​ໄດ້ 20 ຕື້​ໂດ​ລາ​ໃນໄລຍະ 4 ປີ​ຕໍ່ໜ້າ​ນີ້.

Ireland ມີ​ການ​ຂາດ​ດຸນ​ງົບປະມານ​ທີ່​ສູງ​ທີ່​ສຸດ​ໃນ​ຢູ​ໂຣບ ນັບ​ແຕ່​ສົງຄາມໂລກ​ຄັ້ງ​ທີສອງ​ເປັນ​ຕົ້ນ​ມາ.

ແຜນການ​ປະຢັດ​ມັດ​ທະ​ຍັດ​ດັ່ງກ່າວ ຮຽກຮ້ອງ​ໃຫ້​ຕັດ​ອັດຕາຄ່າ​ຈ້າງທີ່ຕໍ່າ​ສຸດ ແລະ​ເງິນ
ຫວ່າງ​ງານລົງ ​ລົບ​ລ້າງ​ໜ້າ​ວຽກ​ຂອງ​ລັດຖະບານ25 ພັນ​ໜ້າ​ວຽກ ວາງ​ອັດຕາ​ພາສີ​ຊັບ​
ສິນທີ່​ດິນ​ໃໝ່ ​ແລະ​ເຮັດ​ໃຫ້ພວກ​ແຮງ​ງານ Ireland ໃນ​ຈໍານວນ​ຫລາຍ​ຂຶ້ນ​ເສຍ​ພາສີ​
ລາຍ​ໄດ້​ຂອງ​ຕົນ.

XS
SM
MD
LG