ກອງກຳລັງອີຣັກ ໄດ້ປະຕິບັດງານໃນວັນອັງຄານມື້ນີ້ ເພື່ອກວດ
ລ້າງພວກນັກຕໍ່ສູ້ກຸ່ມລັດອິສລາມຈາກເມືອງ Ramadi ຫຼັງຈາກ
ທີ່ໄດ້ເຂົ້າຍຶດຄືນເອົາໂຮງການລັດຖະບານ ຂອງເມືອງສຳຄັນ
ໃນພວກຕາເວັນຕົກ ຂອງປະເທດອີຣັກນັ້ນ.
ການສູນເສຍເມືອງ Ramadi ໃນເດືອນພຶດສະພາຜ່ານມານີ້
ຖືວ່າເປັນຄວາມເສຍຫາຍທີ່ ຮ້າຍແຮງຂອງລັດຖະບານນາຍົກ
ລັດຖະມົນຕີ Haider al-Abadi ແລະກອງທັບອີຣັກໃນຂະນະທີ່
ພວກເຂົາເຈົ້າດີ້ນຮົນຕໍ່ສູ້ ເພື່ອຫາທາງຂັບໄລ່ພວກຫົວຮຸນແຮງ
ອອກໄປນັ້ນ.
ແຕ່ວ່າ ຫຼັງຈາກໄດ້ປະສົບຄວາມສຳເລັດໃນວັນຈັນວານນີ້ ເພື່ອເຂົ້າຍຶດຄືນເມືອງ Ramadi ແລ້ວ ທ່ານ Abadi ໄດ້ໄປຍັງໂທລະພາບອິຣັກ ເພື່ອປະກາດວ່າ ປີ 2016 ຈະເປັນປີທີ່ກຸ່ມ
ລັດອິສລາມຈະຖືກຂັບໄລ່ອອກຈາກອິຣັກ. ທ່ານໄດ້ກ່າວວ່າ ເມືອງທີ່ໃຫຍ່ ອັນດັບສອງຂອງ
ປະເທດ ແມ່ນເປົ້າໝາຍໃນຂັ້ນຕໍ່ໄປ ຂອງພວກທະຫານ.
ທ່ານກ່າວວ່າ “ພວກເຮົາກັບຄືນມາເພື່ອປົດປ່ອຍເມືອງ Mosul ແລະ ແລະນັ້ນຈະເປັນ
ການສ້າງຄວາມປະລາໄຊຂັ້ນສຸດທ້າຍ ໃຫ້ແກ່ພວກ Daesh ຫລືກຸ່ມຫົວຮຸນແຮງລັດອິສລາມ.”
ກຸ່ມລັດອິສລາມ ໄດ້ເຂົ້າຍຶດເອົາເມືອງ Mosul ນັບຕັ້ງແຕ່ເດືອນມິຖຸນາປີ 2014 ເປັນຕົ້ນມາ ເວລາກຸ່ມດັ່ງກ່າວ ໄດ້ບຸກໂຈມຕີຍຶດເອົາບໍລິເວນສ່ວນໃຫຍ່ໃນພາກເໜືອແລະພາກຕາເວັນ
ຕົກຂອງອິຣັກ ແລະພາກຕາເວັນອອກຂອງຊິເຣຍ.
ກອງກຳລັງຂອງອິຣັກ ທີ່ໜຸນຫຼັງໂດຍການໂຈມຕີທາງອາກາດຂອງແນວໂຮມ ພາຍໃຕ້
ການນຳພາຂອງສະຫະລັດແລະພວກທະຫານບ້ານທີ່ນິຍົມລັດຖະບານ ໄດ້ຢຸດຊະງັກ
ໃນຄວາມພະຍາຍາມທີ່ຈະຍຶດເອົາຂົງເຂດດັ່ງກ່າວຄືນ ແຕ່ວ່າໄດ້ມີການເຄື່ອນໄຫວຄືນອີກຫວ່າງມໍ່ໆມານີ້.
ກຳລັງຂອງຊາວເຄີດກໍໄດ້ປະສົບກັບຄວາມສຳເລັດໃນການກວດລ້າງຢູ່ທາງພາກເໜືອແລະ ພາກຕາເວັນອອກຂອງເມືອງ Mosul ແຕ່ກໍໄດ້ລະມັດລະວັງ ບໍ່ທຳການເຄື່ອນໄຫວກາຍ
ເຂດແດນທີ່ຕົນເຄີຍຄວບຄຸມມາແຕ່ໃດໆນັ້ນ.
