ທ່ານ John Kerry ລັດຖະມົນຕີການຕ່າງປະເທດສະຫະລັດ
ໄດ້ສະແດງຄວາມໝັ້ນໃຈ ໃນວັນຈັນມື້ນີ້ ວ່າ ພວກກອງກຳ
ລັງທີ່ນິຍົມລັດຖະ ບານໃນອີຣັກ ຈະເຂົ້າຄວບຄຸມເມືອງຫຼວງ
ຂອງແຂວງ Ramadi ຄືນ ມາໄດ້ ຈາກພວກນັກຕໍ່ສູ້ກຸ່ມລັດ
ອິສລາມ ໃນອີກບໍ່ເທົ່າໃດມື້ຂ້າງໜ້ານີ້.
ໃນການຖະແຫຼງ ໜຶ່ງມື້ຫຼັງຈາກພວກຫົວຮຸນແຮງ ອ້າງວ່າ
ຕົນໄດ້ຍຶດເອົາເມືອງຣາມາດີນັ້ນ ທ່ານ Kerry ກ່າວວ່າ
ເມືອງຣາມາດີໄດ້ “ເປັນເປົ້າໝາຍແຫ່ງໂອກາດ” ແລະ
ວ່າ ທ່ານມີຄວາມໝັ້ນໃຈວ່າ ສະຖານະການຢູ່ທີ່ນັ້ນຈະຕ່າວ
ປີ້ນຄືນ “ໃນອີກບໍ່ເທົ່າໃດມື້ຂ້າງໜ້ານີ້.”
ບັນດາເຈົ້າໜ້າທີ່ທ້ອງຖິ່ນ ກ່າວວ່າ ການສູ້ລົບກັນເປັນເວລາ 3 ມື້ໃນເມືອງຣາມາດີ ໄດ້ເຮັດ
ໃຫ້ຜູ້ຄົນເສຍຊີວິດໄປ 500 ຄົນຢູ່ໃນຕົວເມືອງ ທີ່ຕັ້ງຢູ່ຫ່າງຈາກນະຄອນຫຼວງແບກແດັດ
ຂອງອີຣັກ ໄປທາງທິດຕາເວັນຕົກ 125 ຫຼັກກິໂລແມັດ.
ນາຍົກລັດຖະມົນຕີ Haider al-Abadi ໄດ້ຮຽກຮ້ອງໃຫ້ພວກທະຫານບ້ານ ໄປຮວມກຳ
ລັງກັນຕໍ່ສູ້ເອົາເມືອງນີ້ຄືນ. ມີລາຍງານວ່າ ມາຮອດວັນຈັນມື້ນີ້ ມີພວກນັກຕໍ່ສູ້ໃນຈຳນວນຫຼາຍຂຶ້ນ ເດີນທາງໄປຮອດຂົງເຂດດັ່ງກ່າວ ທີ່ໄດ້ຕົກເປັນເປົ້າໝາຍຂອງການໂຈມຕີທາງອາກາດພາຍໃຕ້ການນຳພາຂອງສະຫະລັດເຊັ່ນກັນ ໃນການປະຕິບັດການຕໍ່ຕ້ານກຸ່ມລັດອິສລາມ ທຸກໆມື້ ນັບແຕ່ສັບປະດາແລ້ວນີ້ເປັນຕົ້ນມາ.
ກະຊວງປ້ອງກັນປະເທດສະຫະລັດ ບໍ່ຍອມຢືນຢັນຕໍ່ຖະແຫຼງການຂອງກຸ່ມລັດອິສລາມໃນວັນອາທິດວານນີ້ ທີ່ວ່າຕົນຍຶດໄດ້ເມືອງຣາມາດີແລ້ວນັ້ນ ໂດຍພຽງແຕ່ເວົ້າວ່າ ເມືອງຣາມາດີ ຍັງຄົງຢູ່ໃນສະພາບ “ບໍ່ແນ່ນອນ ແລະຍາດແຍ່ງກັນຢູ່.” ແຕ່ບຸກຄົນອື່ນໆ ຮວມທັງໂຄສົກປະຈຳເຈົ້າແຂວງ ແຂວງ Anbar ນຳ ກ່າວວ່າພວກທະຫານລັດຖະບານ ໄດ້ພາກັນຫຼົບໜີ ໄປຈາກເມືອງດັ່ງກ່າວ.
