ບັນດານັກເຄື່ອນໄຫວຊີເຣຍ ກ່າວວ່າ ພວກນັກຕໍ່ສູ້ຊາວເຄີດ
ຈາກອີຣັກ ໄດ້ໄປເຖິງເມືອງ Kobani ແລ້ວ ເພື່ອຊ່ອຍຊາວ
ເຄີດໃນຊີເຣຍ ທຳ ການສູ້ລົບຕ້ານພວກຫົວຮຸນແຮງລັດອິສ
ລາມ.
ກຸ່ມສິ້ງຊອມສິດທິມະນຸດ ໃນຊີເຣຍ ທີ່ມີສຳນັກງານ ຢູ່ອັງກິດ
ກ່າວໃນວັນພະຫັດມື້ນີ້ວ່າ ກຳລັງ peshmerga ປະມານ 10
ຄົນຈາກເຂດ Kurdistan ຂອງອີຣັກໄດ້ຂ້າມເຂົ້າໄປສູ່ເມືອງ
Kobani ແລ້ວ ຈາກ ປະເທດເທີກີ.
ພວກນັກຕໍ່ສູ້ຊາວເຄີດ 150 ຄົນ ໄດ້ໃຊ້ເວລາໃນວັນພຸດວານນີ້
ເພື່ອເດີນທາງຜ່ານປະເທດເທີກີ ໄປຍັງເມືອງໂຄບານີ ຫົວເມືອງຊາຍແດນ ຂອງຊີເຣຍ ພາຍໃຕ້ຂໍ້ຕົກລົງກັບລັດຖະບານເທີກີ ທີ່ອະນຸຍາດໃຫ້ພວກເຂົາເຈົ້າເດີນທາງຜ່ານປະ
ເທດໄດ້ນັ້ນ.
ກຳລັງ ຊາວເຄີດ ອີຣັກ ໄປຮ່ວມສູ້ລົບ ທີ່ Kobani
ໃນວັນພຸດວານນີ້ ພວກະບົດກຸ່ມນຶ່ງປະມານ 50 ຄົນຈາກກອງທັບເສລີຊີເຣຍ ເດີນທາງ
ໄປຮອດເມືອງໂຄບານີ ເພື່ອຊ່ອຍພວກຊາວເຄີດນັ້ນ.
ເທີກີ ໄດ້ກ່າວມາວ່າ ຕົນຈະບໍ່ສົ່ງທະຫານຂອງຕົນເອງ ເພາະວ່າ ເທີກີກ່າວວ່າ ພວກຊາວເຄີດຊີເຣຍໃນເມືອງໂຄບານີແມ່ນມີຄວາມສຳພັນກັບ ພັກແຮງງານເຄີດດິສຖານ ທີ່ຜິດກົດໝາຍ ຊຶ່ງໄດ້ທຳການຕໍ່ສູ້ກັບເທີກີ ມາໄດ້ 3 ທົດສະວັດແລ້ວ ເພື່ອສິດທິທາງດ້ານວັດ
ທະນະທຳແລະການເມືອງຂອງຕົນ.
ພວກເຮືອບິນລົບໄອພົ່ນຂອງສະຫະລັດ ໄດ້ທຳການໂຈມຕີທາງອາກາດມາໄດ້ຫຼາຍສັບ
ປະດາແລ້ວໃນຂົງເຂດເມືອງໂຄບານີ ໂດຍແນເປົ້າໝາຍໃສ່ກຸ່ມລັດອິສລາມ. ທຳນຽບຫ້າແຈ ກ່າວໃນວັນພຸດວານນີ້ວ່າ ກຳລັງຂອງສະຫະລັດ ໄດ້ທຳການໂຈມຕີທາງອາກາດ 8 ຖ້ຽວໃນຮອບສອງມື້ຜ່ານມານີ້ ໂດຍໂຈມຕີພວກນັກຕໍ່ສູ້ກຸ່ມລັດອິສລາມ ພ້ອມທັງຍານພາ ຫະນະຕ່າງໆ ແລະສູນຄວບຄຸມແຫ່ງນຶ່ງ.
