ເຈົ້າໜ້າທີ່ອີຣັກກ່າວວ່າ ການໂຈມຕີດ້ວຍລະເບີດສະຫຼະຊີບໃນ
ຄືນວັນສຸກ ໄດ້ສັງຫານ 30 ຄົນແລະໄດ້ຮັບບາດເຈັບອີກຫລາຍ
ກວ່າ 80 ຄົນ.
ເຈົ້າໜ້າທີ່ກ່າວວ່າ ຜູ້ໂຈມຕີສະຫຼະຊີບໄດ້ບີບຄະນວນລະເບີດທີ່
ມັດໃສ່ອ້ອມແອວຂອງຜູ້ກ່ຽວໃຫ້ແຕກຂຶ້ນຢູ່ທີ່ສະໜາມກິລາແຫ່ງ
ນຶ່ງ ປະມານ 40 ຫລັກກິໂລແມັດ ຫ່າງຈາກນະຄອນຫລວງແບັກ
ແດດໄປທາງທິດໃຕ້.
ອົງການຂ່າວຝຣັ່ງລາຍງານວ່າ ການໂຈມຕີດ້ວຍລະເບີດດັ່ງກ່າວ
ເກີດຂຶ້ນເວລາເຈົ້າໜ້າທີ່ພວມມອບຂັນໃຫ້ແກ່ພວກນັກກິລາຫລັງຈາກການແຂ່ງຂັນເຕະບານ ສິ້ນສຸດລົງ.
ກຸ່ມລັດອິສລາມໄດ້ອ້າງເອົາຄວາມຮັບຜິດຊອບໃນການໂຈມຕີດັ່ງກ່າວ.
