ໂຕເລກຂອງລັດຖະບານອີຣັກ ສະແດງໃຫ້ເຫັນວ່າ ຄວາມຮຸນ
ແຮງໃນປະເທດ ໄດ້ເຮັດໃຫ້ພົນລະເຮືອນ ແລະພວກເຈົ້າໜ້າ
ທີ່ຮັກສາຄວາມປອດໄພ ເສຍຊີວິດຫລາຍກວ່າ 15,000 ຄົນ
ໃນປີກາຍນີ້ ໂດຍເຮັດໃຫ້ເປັນປີທີ່ມີການເສຍຊີວິດທີ່ຮ້າຍແຮງ
ສຸດນັບແຕ່ປີ 2007 ເປັນຕົ້ນມາ.
ໂຕເລກທີ່ເກັບກຳໂດຍກະຊວງສາທາລະນະສຸກ ກະຊວງພາຍ
ໃນ ແລະກະຊວງປ້ອງກັນປະເທດ ໄດ້ລາຍງານກ່ຽວກັບການ
ເສຍຊີວິດ ເຖິງ 15,538 ຄົນ ທຽບໃສ່ກັບ 17,956 ຄົນ ທີ່ເສຍ
ຊີວິດໃນປີ 2007 ຊຶ່ງເປັນໄລຍະທີ່ເກີດຄວາມວຸ້ນ ວາຍທາງສາ
ສະໜາ ລະຫວ່າງ Sunni-Shi’’ite ຮ້າຍແຮງສຸດນັ້ນ.
ໂຕເລກໃນປີກາຍນີ້ ແມ່ນເພີ້ມຂຶ້ນເປັນຫລາຍກວ່າສອງເທົ່າ 6,522 ຄົນຂອງ ຈຳນວນ
ພວກເສຍຊີວິດ ໃນປີ 2013.
ອົງການນັບຜູ້ເສຍຊີວິດໃນອີຣັກ ຊຶ່ງເປັນກຸ່ມຈັດຕັ້ງອິດສະຫຼະ ທີ່ມີຫ້ອງການໃນອັງກິດ ທີ່
ຕິດຕາມເບິ່ງຄວາມຮຸນແຮງໃນອີຣັກ ແຈ້ງວ່າ ມີຈຳນວນສູງກວ່ານັ້ນ ອີກໃນປີ 2014 ໂດຍ
ລາຍງານວ່າ ມີພົນລະເຮືອນໄດ້ຖືກຂ້າຕາຍເຖິງ 17,073 ຄົນ.
ຄວາມຮຸນແຮງທາງສາສະໜາ ແລະການສັງຫານຂອງພວກນັກລົບກຸ່ມລັດອິສລາມ ແມ່ນ
ມີສ່ວນໃນການນອງເລືອດດັ່ງກ່າວນີ້.
ໃນຄໍາຖະແຫລງເນື່ອງໃນວັນບຸນປີໃໝ່ ນາຍົກລັດຖະມົນຕີອີຣັກ ທ່ານ Haider al-Abadi
ໄດ້ຮ້ອງປີ 2014 ວ່າ “ເປັນປີທີມີຄວາມຍາກລຳບາກ ແລະເຈັບແສບທີ່ສຸດ” ສຳລັບຊາວ
ອີຣັກເພາະວ່າການໂຈມຕີທີ່ກະທຳໂດຍກຸ່ມລັດອິສລາມ. ກຸ່ມດັ່ງກ່າວ ປັດຈຸບັນນີ້ ຄວບ
ຄຸມຂົງເຂດອັນກວ້າງຂວາງໃນຫ້າແຂວງຂອງອີຣັກ.
ກອງທັບສະຫະລັດ ກ່າວວ່າ ແນວໂຮມພາຍໃຕ້ການນຳພາຂອງສະຫະລັດ ໄດ້ປະຕິບັດ
ງານໂຈມຕີ 29 ຖ້ຽວ ຕໍ່ເປົ້າໝາຍຂອງລັດອິສລາມໃນວັນພຸດທີ່ຜ່ານມາ 12 ຖ້ຽວ ແມ່ນ
ໃນອີຣັກ ແລະ 17 ຖ້ຽວໃນຊີເຣຍ. ຖະແຫລງການກ່າວວ່າ ການໂຈມຕີທາງອາກາດໄດ້
ທໍາລາຍ ບັນດາຕຶກອາຄານຂອງພວກລັດອິສລາມ ທີ່ຕັ້ງ ດ່ານກວດ ໜ່ວຍຍຸດທະສາດ
ແລະລະບົບປືນຄົກ.
