ເຈົ້າໜ້າທີ່ອີຣັກກ່າວວ່າ ການໂຈມຕີດ້ວຍລະເບີດລົດໄດ້ສັງຫານຢ່າງນ້ອຍ 28 ຄົນໃນຄຸ້ມ
ທີ່ປະຊາຊົນສ່ວນໃຫຍ່ນັບຖືສາສະໜາອິສລາມນິກາຍຊີໄອທ໌ ໃນນະຄອນຫຼວງອີຣັກ.
ເຈົ້າໜ້າທີ່ໂຮງໝໍກ່າວວ່າ ນອກນັ້ນແລ້ວຍັງມີບໍ່ຕໍ່າກວ່າ 60 ຄົນໄດ້ຮັບບາດເຈັບຈາກການ
ໂຈມຕີ ຊຶ່ງມີຂຶ້ນໃນຕອນເຊົ້າຂອງວັນສຸກມື້ນີ້ຢູ່ທີ່ຄຸ້ມ Zafaraniyah ທາງກໍ້າຕາເວັນອອກ
ຂອງນະຄອນຫຼວງແບັກແດັດ.
ຕຳຫຼວດຫຼາຍໆຄົນກ່າວວ່າ ການໂຈມຕີທີ່ວ່ານີ້ມີຂຶ້ນໃກ້ໆກັບບ່ອນທີີ່ພວກໄວ້ທຸກໄປເຕົ້າ
ໂຮມກັນ ໃນພິທີສົ່ງສະການໃຫ້ແກ່ຜູ້ຊາຍຄົນນຶ່ງ ທີ່ໄດ້ເສຍຊີວິດຍ້ອນຄວາມຮຸນແຮງເມື່ອ
ນຶ່ງມື້ກ່ອນ.
ມີຢ່າງນ້ອຍ 17 ຄົນເສຍຊີວິດໃນການໂຈມຕີຢູ່ໃນທົ່ວປະເທດໃນວັນພະຫັດວານນີ້.
ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີດັ່ງກ່າວນີ້ເທື່ອ.
ມີ 200 ກວ່າຄົນແລ້ວໄດ້ເສຍຊີວິດ ຈາກການໂຈມຕີໃນຮອບເດືອນຜ່ານມາຂະນະທີ່ວິກິດ
ການທາງດ້ານການເມືອງ ຍັງດຳເນີນຢູ່ຕໍ່ມາໃນລັດຖະບານສາມັກຄີຊາດ ພາຍໃຕ້ການນຳ
ພາຂອງພວກຊີໄອທ໌.
ພັກ Iraqiya ຊຶ່ງເປັນກຸ່ມສຳຄັນທີ່ໄດ້ຮັບການໜຸນຫຼັງຈາກພວກຊຸນນີ່ ໄດ້ກ່າວຫານາຍົກ
ລັດຖະມົນຕີ Nouri al-Maliki ທີ່ນັບຖືສາສະໜາຊີໄອທ໌ວ່າຜູກຂາດອຳນາດໄວ້ໃນກຳມື
ຂອງຊາວຊີໄອທ໌ແຕ່ຝ່າຍດຽວ. ພັກ Iraqiya ໄດ້ບອຍຄອດ ບໍ່ຍອມເຂົ້າຮ່ວມໃນຄະນະ
ລັດຖະບານຂອງທ່ານ Maliki.
