ບັນດາເຈົ້າໜ້າທີ່ອິຣັກກ່າວວ່າ ລະເບີດໃນລົດ 2 ຄັນໄດ້
ແຕກຂຶ້ນຢູ່ໃກ້ໆກັບທາງເຂົ້າເຂດສີຂຽວທີ່ມີການປົກປັກ
ຮັກສາຢ່າງໜາແໜ້ນ ອັນທີ່ເອີ້ນກັນວ່າ Green Zone
ໃນກຸງແບກແດ໊ດເຮັດໃຫ້ຜູ້ຄົນເສຍຊີວິດໄປຢ່າງນ້ອຍ 5
ຄົນ.
ພວກເຈົ້າໜ້າທີ່ຮັກສາຄວາມປອດໄພກ່າວວ່າ ລະເບີດ
ທີ່ແຕກຂຶ້ນໃນວັນຈັນມື້ນີ້ ເກີດຂຶ້ນໃນເວລາປະມານ 8:30
ຕອນເຊົ້າຕາມເວລາໃນທ້ອງຖິ່ນໃນຂະນະທີ່ພວກລົດຂອງ
ພວກພະນັກງານແລະພວກເຈົ້າໜ້າທີ່ລັດຖະບານ ລໍຖ້າເຂົ້າ
ໄປໃນຂົງເຂດນັ້ນ.
ປະຊາຊົນຢ່າງນ້ອຍ 15 ຄົນໄດ້ຮັບບາດເຈັບຈາກການວາງລະເບີດດັ່ງກ່າວ ຮວມທັງພວກທະຫານອິຣັກ 5 ຄົນນໍາ.
ເຂດ Green Zone ເປັນບໍລິເວນນຶ່ງໃນໃຈກາງກຸງແບກແດ໊ດ ທີ່ເປັນທີ່ຕັ້ງຂອງພວກຕຶກອາຄານຕ່າງໆຂອງລັດຖະບານອິຣັກແລະພວກສະຖານທູດຕ່າງປະເທດ.
ໃນແຫ່ງອື່ນໆອີກໃນນະຄອນຫລວງອີຣັກນັ້ນ ປະຊາຊົນ 5 ຄົນໄດ້ຮັບບາດເຈັບເວລາລະເບີດ 2 ລູກທີ່ຫ້າງໄວ້ແຄມທາງແຕກຂຶ້ນໃນຄຸ້ມ Jadriyah ໃນພາກຕາເວັນອອກສຽງໃຕ້ຂອງນະຄອນຫລວງນັ້ນ.
