ຕໍາຫລວດອີຣັກກ່າວວ່າ ຢ່າງໜ້ອຍປະຊາຊົນ 7 ຄົນເສຍຊີວິດແລະບາດເຈັບຫລາຍກວ່າ
15 ຄົນຫລັງຈາກພວກກະບົດຈຸນຶ່ງບຸກໂຈມຕີເຂົ້າໄປໃນບໍລິເວນໂຮງການແຂວງແຫ່ງນຶ່ງ
ໃນອີຣັກໃນວັນອັງຄານມື້ນີ້.
ພວກເຫັນເຫດການກ່າວວ່າ ພວກບຸກໂຈມຕີໄດ້ລະເບີດລົດ 2 ຄັນ ໃກ້ໆກັບບໍລິເວນ
ທາງເຂົ້າໂຮງການແຂວງທີ່ເມືອງ Baquba ນະຄອນ ຫລວງຂອງແຂວງ Diyala ນັ້ນ.
ການໂຈມຕີດັ່ງກ່າວພາໃຫ້ເກີດຄວາມເປັນຫ່ວງຂຶ້ນມາກ່ຽວກັບຄວາມແຂງແຮງຂອງພວກກໍາລັງຮັກສາຄວາມປອດໄພຂອງອີຣັກໃນຂະນະທີ່ພວກທະຫານສະຫະລັດກຽມຖອນອອກຈາກອີຣັກໃນເວລາພຽງບໍ່ເທົ່າໃດເດືອນຂ້າງໜ້ານີ້.
ລາຍງານເວົ້າວ່າ ໄດ້ຍິນສຽງປືນຍິງຕໍ່ສູ້ກັນຍັງດັງຢູ່ຕໍ່ມາ ຫລັງຈາກພວກມືປືນເຫລົ່ານີ້ບຸກເຂົ້າໄປໃນບໍລິເວນໂຮງການແຂວງນັ້ນແລ້ວ.
ມີລາຍງານວ່າ ພວກມືປືນໄດ້ຈັບຜູ້ຄົນເປັນໂຕປະກັນໄປນໍາ ແຕ່ລາຍລະອຽດຂອງເລື້ອງນີ້ຍັງບໍ່ທັນແຈ້ງຂາວເທື່ອໃນເວລານີ້.
