ລະເບີດໄດ້ແຕກຂຶ້ນ ສັ່ນສະເທືອນຫົວເມືອງນ້ອຍໃຫຍ່ຫຼາຍແຫ່ງໃນອິຣັກ ໃນວັນຈັນມື້ນີ້ ໂດຍໄດ້ສັງຫານຫຼາຍສິບຄົນ.
ເຈົ້າໜ້າທີ່ອິຣັກກ່າວວ່າ ເຫດລະເບີດທີ່ຮ້າຍແຮງສຸດນັ້ນແມ່ນເກີດຂຶ້ນຢູ່ເມືອງ Kut ທາງພາກໃຕ້ຂອງປະເທດ ບ່ອນທີ່ມີລະເບີດແຕກຂຶ້ນຢູ່ 2 ບ່ອນ ທີ່ໄດ້ເອົາຊີວິດໄປ 35 ຄົນແລະບາດເຈັບອີກ 60 ຄົນ.
ເຈົ້າໜ້າທີ່ຕໍາຫຼວດທີ່ Najaf ເມືອງສັກສິດຂອງຊາວ Shi'ite ໃນພາກໃຕ້ ກ່າວວ່າ ລະເບີດລົດສອງຄັນໄດ້ສັງຫານຢ່າງນ້ອຍ 3 ຄົນ ແລະອີກ 32 ຄົນ ໄດ້ຮັບບາດເຈັບ. ແລະທີ່ພາກໃຕ້ເຊ່ນກັນລະເບີດລົດຄັນນຶ່ງທີ່ແຕກຂື້ນໃນເມືອງ Karbala ໄດ້ເອົາຊີວິດໄປຢ່າງນ້ອຍ 2 ຄົນ.
ໃນພາກເໜືອ, ເຈົ້າໜ້າທີ່ກ່າວວ່າ ຄົນວາງລະເບີດສະລະຊີບ 2 ຄົນໄດ້ທໍາການໂຈມຕີໜ່ວຍຕໍ່ຕ້ານການກໍ່ການຮ້າຍ ທີ່ເມືອງ Tikrit, ເຮັດໃຫ້ຕໍາຫຼວດຢ່າງນ້ອຍ 3 ຄົນເສຍຊີວິດ ໂຮມທັງຕໍາຫລວດສອງຄົນ ແລະອີກ 7 ຄົນ ບາດເຈັບ.
ໃນແຫ່ງອື່ນໆອີກທາງພາກເໜືອນັ້ນ ຕໍາຫລວດກ່າວວ່າ ການໂຈມຕີດ້ວຍລະເບີດຫລາຍໆ
ບັ້ນໃນແຂວງ Diyala ໄດ້ເອົາຊີວິດຢ່າງນ້ອຍ 8 ຄົນ ໃນຂະນະທີ່ ລະເບີດສອງລູກທີ່ແຕກ
ຂຶ້ນຢູ່ຄົນລະບ່ອນໃນເມືອງ Kirkuk ເຮັດໃຫ້ 1 ຄົນເສຍຊີວິດ ແລະຢ່າງນ້ອຍ 12 ຄົນໄດ້ຮັບ ບາດເຈັບ.
ການໂຈມຕີດັ່ງກ່າວນີ້ໄດ້ມີຂຶ້ນ ນຶ່ງວັນຫຼັງຈາກທີ່ການວາງລະເບີດຢ່າງຕໍ່ເນື່ອງທີ່ໄດ້ມີການປ
ສານງານຢ່າງດີ ໃນນະຄອນຫລວງແບກແດດນັ້ນ ໄດ້ສັງຫານສະມາຊິກກໍາລັງຮັກສາຄວາມ
ປອດໄພ 5 ຄົນ. ແລະການວາງລະເບີດອີກບັ້ນນຶ່ງ ໃນເມືອງຫລວງໃນວັນຈັນວານນີ້ ໄດ້ເຮັດ
ໃຫ້ມີຄົນເສຍຊີວິດອີກ 1 ຄົນ.
ສະຫະລັດແລະເຈົ້າໜ້າທີ່ອິຣັກ ໄດ້ສະແດງຄວາມເປັນຫ່ວງນໍາຄວາມສາມາດຂອງອີຣັກໃນ
ການຄວບຄຸມສະຖານະການດ້ານຄວາມປອດໄພ ຫຼັງຈາກທີ່ສະຫະລັດຖອນກອງກໍາລັງ
ອອກໄປພາຍໃນທ້າຍປີນີ້ນັ້ນ.
ເຈົ້າໜ້າທີ່ອິຮັກໄດ້ກ່າວໃນຕົ້ນເດືອນນີ້ວ່າ ພວກເຂົ້າເຈົ້າຈະເລີ່ມທໍາການໂອ້ລົມກັບສະຫະລັດ
ກ່ຽວກັບການຈະໃຫ້ໜ່ວຍຝຶກອົບຮົມຂອງສະຫະລັດຢູ່ໃນອິຣັກຕໍ່ໄປ ຫຼັງຈາກການຖອນອອກ
ຢ່າງເປັນທາງກາໃນເດືອນທັນວາທີ່ຈະມາເຖິງນີ້.
