ເບິ່ງວີດິໂອພາສາລາວ
ໃນທ້າຍປີນີ້ ທຸງຊາດອາເມຣິກາຈະຖືກຊັກລົງ ໃນຄ້າຍທະຫານແຫ່ງນີ້ໃນເຂດພາກໃຕ້
ອີຣັກ ຊຶ່ງເປັນຂີດໝາຍຂອງການສິ້ນສຸດການມີໜ້າຂອງກອງ ທັບສະຫະລັດໃນອີຣັກ
ເກືອບ 9 ປີນັ້ນ.
ຈ່າເອກ Butler Kendrick Jr. ກອງພົນນ້ອຍທະຫານຊ່າງທີ່ 20 ເປັນຜູ້ນຶ່ງໃນຈຸທໍາ
ອິດທີ່ເລິ່ມເຂົ້າໄປປະຈໍາການໃນອີຣັກ ໃນການບຸກລຸກອີຣັກ ຂັ້ນເບື້ອງຕົ້ນໃນປີ 2003
ຜູ້ກ່ຽວໄດ້ປະຈໍາການໄປໆມາໆຫລາຍຄັ້ງ ແລະຜູ້ກ່ຽວຈະກັບຄືນບ້ານອີກໃນປີນີ້
ແລະເປັນຜູ້ສຸດທ້າຍທີ່ອອກຈາກອີຣັກ.
ລາວເລິ່ມໃຊ້ຊີວິດບັ້ນໃໝ່ທີ່ເຮືອນຂອງລາວ.
“ຂ້ອຍຕັ້ງໜ້າລໍຄອຍການກັບມາໃຊ້ຊີວິດຢູ່ກັບລູກສາວແລະເມຍຂ້ອຍ ແລະ
ພຽງສາມາດມ່ວນຊຶ່ນ ກັບຊີວິດແບບງ່າຍໆກໍພໍແລ້ວ”.
ແຕ່ຈ່າເອກ Kendrick ກໍນໍາເອົາຄວາມຊົງຈໍາ ທີ່ຫຼົງລືມໄດ້ຍາກກັບມາບ້ານນໍານັ້ນ ກໍຄື
ການສູນເສຍຜູ້ບັງຄັບກອງຮ້ອຍ ພັນຕີ James Ahearn ຂອງລາວເມື່ອສີ່ປີຜ່ານມາ
ຍ້ອນລະເບີດລູກນຶ່ງໃນລະດູຮ້ອນປີ 2007 ອັນເປັນເຫດການນຶ່ງ ທີ່ລາວລືມບໍ່ໄດ້.
“ນາຍຂ້ອຍຖືກລະເບີດແຄມທາງ ແລະເວລານັ້ນຂ້ອຍບໍ່ໄດ້ອອກໄປລາດຕະເວນ
ກັບລາວ ແລະຜູ້ນັ້ນ ໃນໝູ່ທະຫານທີ່ເສຍຊີວິດຫລາຍໆຄົນ ຜູ້ນັ້ນຫລະທີ່ຂ້ອຍ
ຈື່ຈໍາຫລາຍທີ່ສຸດ ເພາະວ່າລາວເປັນເພື່ອນຮ່ວມລົບກັນມາຕະຫລອດ.”
ທະຫານອາເມຣິກັນເສຍຊີວິດຫລາຍກວ່າ 4,400 ຄົນໃນອີຣັກ ອີກຫລາຍຄົນອີກທີ່
ບາດເຈັບ. ສະຫະລັດກ່າວວ່າມັນເປັນການສູ້ລົບເພື່ອນໍາເອົາປະຊາທິປະໄຕມາແທນ
ທີ່ລະບອບຜະເດັດການ.
ພົນເອກ Jeffrey Buchanan ກ່າວວ່າ ມັນກໍມີຄວາມກ້າວໜ່້າຢູ່ ແຕ່ບັດນີ້ ເລຶ່ອງ
ອະນາຄົດແມ່ນຂຶ້ນຢູ່ກັບອີຣັກເອງ.
“ໃນຖານະຄົນຜູ້ນຶ່ງທີ່ຮັບໃຊ້ຢູ່ທີ່ນີ້ສໍາລັບຫລາຍໆຢ່າງໃນໄລຍະແປດປີນັ້ນ ຊຶ່ງ
ມັນເປັນສິ່ງດົນໃຈຫລາຍທີ່ຈະສິ້ງຊອມເບິ່ງຄວາມກ້າວໜ້າແຕ່ໃນຂະນະດຽວກັນ
ຂ້າພະເຈົ້າບໍ່ມີວັນລືມຄວາມສູນເສຍແລະຄວາມເສຍສະຫລະ ຂ້າພະເຈົ້າຄິດວ່າ
ບັດນີ້ຊາວອີຣັກທັງຫລາຍມີໂອກາດອັນໃຫຍ່ຫຼວງ ທີ່ ພວກເຂົາເຈົ້າບໍ່ເຄີຍໄດ້ຮັບ
ມາກ່ອນ. ຄວາມຫວັງອັນຍິ່ງໃຫຍ່ທີ່ສຸດຂອງ ຂ້ອຍ ກໍຄືວ່າໃຫ້ສວຍເອົາໂອກາດ
ທີ່ພວກເຂົາເຈົ້າມີນັ້ນໄວ້”
ຊາວອີຣັກບາງຄົນຍັງບໍ່ແນ່ໃຈປານໃດວ່າ ການບຸກລຸກຂອງອາເມຣິກາ ທີ່ຍັງຜົນໃຫ້ຊາວ
ອີຣັກຫລາຍພັນຄົນເສຍຊີວິດໄປນັ້ນ ມັນຄຸ້ມຄ່າບໍ່.
ເອື້ອຍຂອງນາງ Heba Hisham ກໍເປັນຜູ້ນຶ່ງທີ່ເສຍຊີວິດໃນຈໍານວນນັ້ນ ລາວເສຍຊີວິດ
ຕອນອາຍຸ 22 ປີທີ່ໂຮງໝໍແບກແດດ. ພວກໝໍຢູ່ທີ່ນັ້ນບໍ່ສາມາດຊ່ວຍຊີວິດລາວໄວ້ໄດ້
ຍ້ອນບໍ່ມີອຸບປະກອນການແພດແລະຢຸກຢາທີ່ເໝາະສົມ.
“ມັນບໍ່ສໍາຄັນປານໃດວ່າຊີວິດແມ່ນ ຍຸ່ງຍາກສໍ່າໃດກ່ອນຊັດດາມ ກ່ອນສົງຄາມ
ແຕ່ຂ້າພະເຈົ້າຄິດວ່າມັນຄຸ້ມຄ່າບໍ່ ທີ່ເຂັ່ນຂ້າຫລາຍໆຄົນໄປນັ້ນ ມັນຄຸ້ມຄ່າບໍ່ທີ່
ພວກຄົນໜຸ່ມເສຍຊີວິດ ຂ້າພະເຈົ້າຄິດວ່າມັນບໍ່ຄຸ້ມຄ່າເລີຍ. ຂ້ອຍບໍ່ຄິດແທ້ໆ
ແລະບັນຫາກໍຄືວ່າ ພວກເຮົາກໍບໍ່ເຫັນມີຫຍັງປ່ຽນແປງ ຄືແບບວ່າຍັງມີເຫດ
ການລະເບີດຢູ່ພໍປານນັ້ນມີການວາງລະເບີດໃສ່ພວກຄົນ ພວກຄົນກໍຍັງລົ້ມ
ຕາຍໄປນັບມື້.”
ເວລາແປດປີເຄິ່ງຂອງສົງຄາມ ແມ່ນໄດ້ປະຮອຍແຜທີ່ລໍ້າເລິກໄວ້ກັບຊາວອາເມຣິກັນທີ່ໄດ້
ຮັບໃຊ້ໃນກອງທັບ ແລະຊາວອີຣັກທີ່ຕ້ອງທົນກັບມັນນັ້ນ.
ເບິ່ງວີດິໂອຂ່າວພາສາອັງກິດ
