ລິ້ງ ສຳຫລັບເຂົ້າຫາ

ວັນຈັນ, ໒໐ ພຶດສະພາ ໒໐໒໔

ກຸ່ມທະຫານບ້ານໃນອີຣັກ ປ່ອຍໂຕ ອະດີດທະຫານສະຫະລັດ


ນາຍ Randy Michaels ອະດີດທະຫານສະຫະລັດ ທີ່ເຫັນພາບໃນໂທລະພາບອີຣັກ ກ່າວຕໍ່ກອງປະຊຸມນັກຂ່າວທີ່ກຸງແບກແດ໊ດ ຫລັງຈາກຖືກປ່ອຍໂຕ.
ວັນທີ 18 ມີນາ 2012.
ນາຍ Randy Michaels ອະດີດທະຫານສະຫະລັດ ທີ່ເຫັນພາບໃນໂທລະພາບອີຣັກ ກ່າວຕໍ່ກອງປະຊຸມນັກຂ່າວທີ່ກຸງແບກແດ໊ດ ຫລັງຈາກຖືກປ່ອຍໂຕ. ວັນທີ 18 ມີນາ 2012.

ກຸ່ມ​ທະຫານ​ບ້ານ​ຈຸ​ນຶ່ງ​ທີ່​ຈົງ​ຮັກ​ພັກດີຕໍ່​ນັກ​ບວກ Moqtada al-Sadr ນິກາຍ Shi’ite
ແຫ່ງ​ອີຣັກ ກ່າວ​ໃນ​ວັນ​ເສົາ​ວານ​ນີ້​ວ່າ ຕົນ​ໄດ້​ປ່ອຍໂຕ​ ອະດີດ​ທະຫານ​ສະຫະລັດ​ຄົນ​ນຶ່ງ
ຫລັງ​ຈາກກັກຜູ້ກ່ຽວ​ໄວ້​ເປັນ​ໂຕ​ປະກັນມາ​ໄດ້​ດົນ​ກວ່າ 9 ​ເດືອນ ​ແລະ​ໄດ້​ມອບ​ໂຕ​ຜູ້ກ່ຽວ
ເຈົ້າ​ໜ້າ​ທີ່​ອົງການ​ສະຫະ​ປະຊາ​ຊາດ​ໃນ​ອີຣັກ.

ຄົນ​ອະ​ເມ​ຣິກາ​ຄົນ​ນີ້​ ທີ່ຖືກ​ລະບຸຊື່ວ່າ Randy Michael Hultz ​ໄດ້​ປາກົດ​ໂຕ​ຢູ່​ໃນໂທລະ
ພາບ​ອີຣັກ ພ້ອມ​ກັບ​ພວກ​ສະມາຊິກ​ສະພາ​ຜູ້​ແທນ ອິຣັກສອງ​ຄົນ​ຈາກ​ຂະບວນການຂອງ​
ນັກບວດ al-Sadr. ຜູ້​ແທນ​ຄົນ​ນຶ່ງ​ ທ່ານ​ນາງ Maha al-Douri ກ່າວ​ວ່າ ນາຍ Hultz
ຖືກ​ປ່ອຍ​ໂຕ ​ໂດ​ບໍ່​ໄດ້​ເສຍຄ່າ​ຊົດ​ເຊີຍ​ໃດໆ ຊຶ່ງ​ທ່ານ​ນາງ​ເອີ້ນ​ການ​ປ່ອຍ​ໂຕຜູ້ກ່ຽວ ​ວ່າເປັນ
ຂອງ​ຂວັນ​ໃຫ້​ແກ່​ຄອບຄົວ​ຂອງ​ລາວ ​ແລະ​ສະ​ແດງ​ໃຫ້​ເຫັນ​ພາບ​ພົດຂອງ​ສາສະໜາ​ອິສ
ລາມ​ອັນແທ້​ຈິງ.

ນາຍ Hultz ກ່າວ​ຕໍ່​ກອງ​ປະຊຸມ​ນັກ​ຂ່າວ​ ທີ່​ຈັດ​ຂຶ້ນ​ຢ່າງ​ກະທັນຫັນ​ຢູ່​ນອກ​ບໍລິ​ເວນ​ເຂດ​ສີ
ຂຽວ​ຫລື Green Zone ​ໃນ​ກຸງ​ແບກ​ແດ໊ດວ່າ ລາວ​ໄດ້ຖືກ​ສົ່ງ​ໄປ​ປະ​ຈໍາ​ການຢູ່​ອີຣັກ​ໃນ​ປີ
2003​ແລະ​ໄດ້​ຮັບ​ໃຊ້​ໃນ ​ຖານະ​ທະຫານເປັນ​ເວລາ 15 ​ເດືອນ​. ນາຍ Hultz ກ່າວ​ວ່າ
ຫລັງ​ຈາກ​ນັ້ນລາວໄດ້​ອາ​ໄສ​ຢູ່​ໃນ​ອີຣັກ​ ​ໃນ​ຖານະ​ເປັນ​ພົນລະ​ເຮືອນ ຈົນ​ຮອດ​ເວລາ​ຖືກ
ລັກພາ​ໂຕ​ໄປ​ໃນ​ເດືອນ​ມິຖຸນາ​ ປີ 2011 ​ໂດຍພວກ​ກຸ່ມ​ຂອງໜ່ວຍ​ກອງ​ພົນ​ນ້ອຍ Pro
mised Day Brigade ຊຶ່ງ​ເປັນ​ສາຂາ​ນຶ່ງ​ຂອງ​ກອງທັບ Mahdi ທີ່​ຄອບ​ຄຸມ​ໂດຍ​ນັກ
ບວດຕໍ່ຕ້ານອາ​ເມຣິກັນ ​al-Sadr ນັ້ນ.

ບັນດາ​ເຈົ້າ​ໜ້າ​ທີ່​ກຸ່ມ Sadr ກ່າວ​ວ່າ ນາຍ Hultz ​ໄດ້​ຖືກ​ນໍາ​ເຂົ້າ​ໄປ​ຍັງ​ເຂດ​ສີຂຽວ​ໃນ
ທັນທີ ຫລັງ​ຈາກ​ປາກົດ​ໂຕ​ຕໍ່​ກອງ​ປະຊຸ​ມນັກຂ່າວແລ້ວ ແລະ​ຖືກ​ມອບ​ໂຕ​ໃຫ້​ເຈົ້າ​ໜ້າ​ທີ່​ສະ
ຫະ​ປະຊາ​ຊາດ ຊຶ່ງ​ຕໍ່​ມາ​ທາງອົງການ​ສະຫະ​ປະຊາຊາດ​ກໍໄດ້​ມອບ​ໂຕ​ຜູ້ກ່ຽວ​ ໃຫ້​ສະຖານ
ທູດ​ສະຫະລັດ​ໃນຕອນ ​ແລງ​ວັນ​ເສົາ​ວານ​ນີ້.

XS
SM
MD
LG