ຊາວອີຣັກຈຳນວນຫຼາຍພັນຄົນ ໄດ້ພາກັນລົງຖະໜົນຫົນ
ທາງໃນມື້ວັນສຸກວານນີ້ ເພື່ອເຂົ້າຮ່ວມການໂຮມຊຸມນຸມ
ປະທ້ວງ “ວັນແຫ່ງຄວາມໂກດແຄ້ນ” ໃນທົ່ວປະເທດທີ່
ເປັນເຫດໃຫ້ມີຜູ້ເສຍຊີວິດຢ່າງນ້ອຍ 11 ຄົນໃນການປະ
ທະກັນກັບກຳລັງຮັກສາຄວາມສະຫງົບ.
ມີລາຍງານວ່າມີຢ່າງນ້ອຍ 5 ຄົນເສັຍຊີວິດທີ່ເມືອງ Mo-
sul ໃນພາກເໜືອຂອງອີຣັກ ຂະນະທີ່ການປະທະກັນຍັງ
ໄດ້ລະເບີດຂຶ້ນຢູ່ຕາມຫົວເມືອງຕ່າງໆ ຮວມທັງເມືອງ Ti-
krit, Fallujah, Samarra ແລະ ນະຄອນຫຼວງແບັກ
ແດັດນຳດ້ວຍ.
ທີ່ກຸງແບັກແດັດ ພວກເດີນຂະບວນປະທ້ວງໄດ້ລົ້ມແທ່ງຊີມັງ ແລະແກວ່ງກ້ອນຫີນໃສ່ຕຳ
ຫຼວດປາບຈະລາຈົນ ທີ່ຕັນຂົວແຫ່ງນຶ່ງມຸ່ງໜ້າໄປຫາເຂດ Green Zone ຊຶ່ງເປັນເຂດທີ່
ມີການຮັກສາຄວາມສະຫງົບຢ່າງແໜ້ນໜາ ສຳລັບຕຶກໂຮງການລັດຖະບານແລະສະຖານ
ທູດຕ່າງປະເທດ.
ພວກເດີນຂະບວນຊາວອີຣັກພາກັນຮຽກຮ້ອງໃຫ້ລັດຖະບານໃຫ້ການບໍລິການທາງດ້ານສັງ
ຄົມທີ່ດີຂຶ້ນແລະກຳຈັດການສໍ້ລາດບັງຫຼວງຢູ່ໃນລັດຖະບານ.
