ຫຼັງຈາກໄດ້ມີການຂັດແຍ້ງກັນ ມາໄດ້ຫຼາຍເດືອນແລ້ວ
ສະພາແຫ່ງຊາດຂອງອີຣັກ ໄດ້ໃຫ້ການອະນຸມັດດ້ວຍ
ຄະແນນສຽງຢ່າງເປັນເອກກະສັນ ຕໍ່ຄະນະລັດຖະບານ
ຊຸດໃໝ່ ຊຶ່ງມີນາຍົກລັດຖະມົນຕີ ຂອງລັດຖະບານຊຸດ
ແລ້ວ ທ່ານ Nouri Al-Maliki ເຂົ້າຮັບຕຳແໜ່ງເປັນ
ນາຍົກລັດຖະມົນຕີຕື່ມອີກ.
ສະພາແຫ່ງຊາດຂອງອີຣັກ ໄດ້ໃຫ້ການອະນຸມັດຕໍ່ສະ
ມາຊິກ 29 ທ່ານຂອງຄະນະລັດຖະບານທີ່ມີທັງໝົດ
42 ທ່ານ ໃນການລົງຄະແນນສຽງ ໃນວັນອັງຄານ
ວານນີ້ ໂດຍໄດ້ຍຸດຕິສະພາບການບໍ່ໄປບໍ່ມາທາງດ້ານການເມືອງເປັນເວລາ 9 ເດືອນລຸນ
ຫຼັງການເລືອກຕັ້ງໃນເດືອນມີນາ ທີ່ບໍ່ມີພັກຝ່າຍໃດ ໄດ້ຮັບໄຊຊະນະແບບເດັດຂາດນັ້ນ.
ລັດຖະມົນຕີຮັກສາການ ຈະກຳຕຳແໜ່ງລັດຖະມົນຕີອີກ 13 ຕໍາແໜ່ງ ເປັນການຊົ່ວຄາວ
ຈົນກວ່າພວກທີ່ຖືກແຕ່ງຕັ້ງໃຫ້ເປັນລັດຖະມົນຕີຖາວອນ ຈະໄດ້ຮັບການອະນຸມັດຈາກສະ
ພາແຫ່ງຊາດ.
ພວກນັກວິເຄາະເວົ້າວ່າ ການປ່ອຍໃຫ້ມີລັດຖະມົນຕີຮັກສາການຊົ່ວຄາວ ຢູ່ໃນຕຳແໜ່ງ
ຕ່າງໆເກືອບ 1 ສ່ວນ 3 ຂອງຄະນະລັດຖະບານນັ້ນ ອາດເປັນສິ່ງທີ່ພາໃຫ້ລັດຖະບານ
ຊຸດໃໝ່ບໍ່ມີສະເຖຍລະພາບໄດ້ແລະພວກເຂົາເຈົ້າທຳນາຍວ່າຈະມີການຜິດຂ້ອງຕ້ອງຖຽງ
ທາງດ້ານການເມືອງເພີ່ມຕື່ມ.
ທ່ານ Maliki ຈະເຂົ້າກຳຕຳແໜ່ງ ໃນຖານະລັດຖະມົນຕີຮັກສາການ ຂອງ 3 ກະຊວງທີ່
ສຳຄັນໆ ຄືກະຊວງພາຍໃນ ປ້ອງກັນປະເທດ ແລະຄວາມໝັ້ນຄົງແຫ່ງຊາດ ຈົນກວ່າລັດ
ຖະມົນຖາວອນ ຂອງກະຊວງເຫຼົ່ານີ້ຈະໄດ້ຖືກຄັດເລືອກ ບາງທີຫຼັງຈາກການເຈລະຈາທາງ
ດ້ານການເມືອງກັບອະດີດນາຍົກລັດຖະມົນຕີ Ayad Allawi. ພັກປະສົມ Iraqiya ຂອງ
ທ່ານ Allawi ໄດ້ຮັບບ່ອນນັ່ງ ຫຼາຍກວ່າພັກຂອງທ່ານ Maliki ໃນການເລືອກຕັ້ງ ແຕ່ບໍ່
ສາມາດຊອກຫາພາຄີ ທີ່ຈະມາຈັດຕັ້ງລັດຖະບານປະສົມສຽງສ່ວນຫຼາຍໄດ້.