ປະທານາທິບໍດີອີຣັກໄດ້ຮ້ອງຂໍຢ່າງເປັນທາງການ ໃຫ້ນາຍົກ
ລັດຖະມົນຕີ ທີ່ກໍາລັງຈະພົ້ນຈາກຕໍາເເໜ່ງ ທ່ານ Nouri
al-Maliki ຈັດຕັ້ງຄະນະລັດຖະບານຊຸດໃໝ່ຂຶ້ນ ເພື່ອຍຸດຕິ
ສະພາວະທີ່ບໍ່ໄປບໍ່ມາທາງດ້ານການເມືອງ ທີ່ໄດ້ເຮັດໃຫ້ປະ
ເທດເປັນອຳມະພາດ ນັບຕັ້ງແຕ່ມີການເລືອກຕັ້ງທົ່ວໄປເປັນ ຕົ້ນມານັ້ນ.
ຄຳຮຽກຮ້ອງຢ່າງເປັນທາງການຂອງປະທານາທິບໍດີ
JalalTalabani ໃນວັນພະຫັດ ມື້ນີ້ ໃຫ້ເວລາທ່ານ
Maliki 30 ມື້ ເພື່ອທຳການຄັດເລືອກເອົາຄະນະລັດ ຖະບານຂອງທ່ານ ໃຫ້ສຳເລັດ.
ຄໍາປະກາດກ່ຽວກັບເລື້ອງນີ້ ທີ່ສົມຄວນອອກມາແຕ່ດົນ
ນານນັ້ນ ໄດ້ນຳອອກມາເຜີຍແຜ່ ລຸນຫລັງທີ່ຜູ້ນໍາທາງ
ການເມືອງຂອງຊົນເຜົ່າ Shi’ite (ຊີ ໄອ), Kurd, ແລະ
Sunni ໄດ້ບັນລຸຂໍ້ຕົກລົງແບ່ງປັນອຳນາດກັນ ທີ່ໄດ້ເຮັດໃຫ້ທ່ານ Maliki ກັບມາຢູ່ໃນເສັ້ນ
ທາງທີ່ຈະດຳລົງຕໍາແໜ່ງຕໍ່ໄປອີກ ເປັນສະໄໝ ທີ 2.
ທ່ານ ປະທານາທິບໍດີ Talabani ໄດ້ມີກໍານົດຈະແຕ່ງຕັ້ງທ່ານ Maliki ໃຫ້ເປັນນາຍົກໃນ
ວັນອາທິດແລ້ວນີ້ ແຕ່ວ່າໄດ້ໂຈະການຕັດສິນໃຈນັ້ນໄວ້ ເພື່ອໃຫ້ເວລາທ່ານ Maliki ໄດ້ເຈ
ລະຈາຕໍ່ຮອງ ກ່ຽວກັບຕຳແໜ່ງຕ່າງໆໃນລະດັບລັດຖະມົນຕີ.
ຖ້າທ່ານ Maliki ຫາກບໍ່ສາມາດປະກອບລັດຖະບານຊຸດໃໝ່ ຂຶ້ນໄດ້ພາຍໃນ 1 ເດືອນ
ລັດຖະທຳມະນູນກຳໜົດໃຫ້ປະທານາທິບໍດີ ແຕ່ງຕັ້ງນາຍົກຄົນອື່ນແທນໄດ້.
