ເຈົ້າໜ້າທີ່ຄວບຄຸມສື່ຂອງອີຣັກໄດ້ສັ່ງອັດ ອົງການສື່ມວນຊົນ 44 ແຫ່ງ ໃນທົ່ວປະເທດ ຮວມທັງຫ້ອງການຂ່າວວີໂອເອນໍາ.
ຄະນະກໍາມາທິການສື່ສານແລະສື່ມວນຊົນກ່າວວ່າ ການເຄື່ອນໄຫວດັ່ງ ກ່າວແມ່ນແນເປົ້າໝາຍ ໃສ່ພວກອົງກອນຕ່າງໆທີ່ດໍາເນີນການໂດຍບໍ່ມີໃບອະນຸຍາດ.
ທ່ານ Awat Najmaddin ເຈົ້າໜ້າທີ່ຝ່າຍສື່ມວນຊົນແລະສື່ສານກ່າວຕໍ່ວີໂອເອ ພະແນກພາສາ Kurdish ວ່າ ຫ້ອງການສື່ຫຼາຍແຫ່ງດໍາເນີນການໄປໂດຍບໍ່ມີໃບອະນຸຍາດ ຫຼືໃບອະນຸຍາດໝົດອາຍຸໄປແລ້ວ.
ຄໍາສັ່ງຂອງຄະນະກໍາມາທິການດັ່ງກ່າວ ໄດ້ບົ່ງຊື່ຂອງພວກອົງການຂ່າວຂອງອີຣັກຫລາຍແຫ່ງ ຕະຫຼອດທັງສະຖານີກະຈາຍສຽງນາໆຊາດທີ່ຮວມທັງອົງການຂ່າວ BBC ທີ່ໄດ້ຮັບທຶນໜຸນຫຼັງຈາກອັງກິດ ແລະວິທະຍຸ Sawa ທີ່ໄດ້ຮັບທຶນໜຸນຫຼັງຈາກລັດຖະບານກາງສະຫະລັດ. ເວລານີ້ຍັງບໍ່ທັນມີການເຄື່ອນໄຫວໃດໆ ເພື່ອຈັດຕັ້ງປະຕິບັດຄໍາສັ່ງດັ່ງກ່າວເທື່ອ ແຕ່ອົງການຂ່າວຈໍານວນນຶ່ງທີ່ມີຊື່ຢູ່ໃນບັນຊີນັ້ນໄອ້ອັດຫ້ອງການຂອງເຂົາເຈົ້າຢູ່ໃນອີຣັກແລ້ວ.
ອົງການສິ້ງຊອມເບິ່ງເສລີພາບໃນວົງການຂ່າວ Journalistic Freedoms Observatory ທີ່
ມີຫ້ອງການປະຕິບັດງານຢູ່ໃນກຸງແບກແດດ ໄດ້ຕໍາໜິຕິຕຽນຄໍາສັ່ງດັ່ງກ່າວ ແລະຮຽກຮ້ອງໃຫ້
ຄະນະກໍາມາທິການດັ່ງກ່າວຖອນກົດລະບຽບຕ່າງໆ ທີ່ທາງອົງການດັ່ງກ່າວເວົ້າວ່າ ລະເມີດ
ການຮັບປະກັນເສລີພາບດ້ານການຂ່າວ ທີ່ບົ່ງໄວ້ໃນກົດໝາຍລັດຖະທໍາມະນູນຂອງອີຣັກນັ້ນ.