ການໂຈມຕີດ້ວຍລະເບີດລົດສອງບັ້ນ ໃສ່ຖະໜົນທີ່ເຕັມໄປດ້ວຍຜູ້ຄົນ ໃນເມືອງຫຼວງ
ຂອງອີຣັກ ໃນເຊົ້າວັນອັງຄານມື້ນີ້ ໄດ້ສັງຫານຢ່າງໜ້ອຍ 24 ຄົນ ແລະບາດເຈັບອີກ
ສິບກວ່າຄົນ.
ການລະເບີດລົດບັ້ນທຳອິດ ແມ່ນເກີດຂຶ້ນ ໃກ້ໆກັບຮ້ານຂາຍໄອຄຣີມທີ່ນິຍົມໃນເຂດ
Karrada ໃນເມືອງຫຼວງແບກແດດ ທີ່ສັງຫານຢ່າງໜ້ອຍ 15 ຄົນ.
ກຸ່ມລັດອິດສລາມ ໄດ້ກ່າວວ່າ ຕົນເປັນຜູ້ຢູ່ເບື້ອງຫຼັງໃນການໂຈມຕີທີ່ວ່ານີ້.
ຫຼາຍໆຊົ່ວໂມງຕໍ່ມາ ການລະເບີດລົດບັ້ນທີ 2 ໄດ້ເກີດຂຶ້ນໃກ້ໆກັບຫ້ອງການລັດຖະບານ
ໃນເຂດ Shawaka ຂອງເມືອງ ມີຢ່າງໜ້ອຍ 9 ຄົນ ເສຍຊີວິດ.
ການໂຈມຕີດັ່ງກ່າວມີຂຶ້ນ ບໍ່ເທົ່າໃດມື້ ຫຼັງຈາກທີ່ຊາວມຸສລິມ ເລີ່ມທຳການຮັກສາສິນ
ໃນເດືອນສັກສິດ Ramadan ຕອນທີ່ພວກເຂົາເຈົ້າພາກັນເຂົ້າໄປຮັບປະທານ
ໃນຮ້ານກິນດື່ມແລະຮ້ານອາຫານ ໃນຕອນຄ່ຳຄືນ ຫຼັງຈາກທີ່ໄດ້ອົດອາຫານ
ໃນຕອນກາງເວັນມາແລ້ວ.
ກຸ່ມລັດອິດສລາມ ຍັງເປັນຜູ້ຮັບຜິດຊອບໃນການໂຈມຕີໃສ່ລົດບັນທຸກ ໃນເຂດ
Karrada ໃນຂະນະທີ່ຮັກສາສິນໃນເດືອນສັກສິດ Ramadan ໃນປີກາຍນີ້ ທີ່ໄດ້
ສັງຫານ ຢ່າງໜ້ອຍ 300 ຄົນ.
ກຸ່ມຫົວຮຸນແຮງ ໄດ້ສູນເສຍຂົງເຂດທີ່ຕົນເອງຄວບຄຸມໃນອີຣັກ ໃນຂະນະທີ່ກອງ
ກຳລັງທີ່ນິຍົມລັດຖະບານ ແລະການຕໍ່ສູ້ຂອງກອງກຳລັງປະສົມ ທີ່ນຳພາໂດຍສະຫະລັດ
ໄດ້ທຳການໂຈມຕີທາງອາກາດ ໂດຍເຮັດໃຫ້ຂົງເຂດທີ່ຍັງເຫຼືອຢູ່ ຖືກຍຶດຄືນໃນ
ກາງປີ 2014 ນັ້ນ.
ເປົ້າໝາຍຫຼັກ ແມ່ນເຂດ ເມືອງ Mosul ເມືອງໃຫຍ່ຂອງກຸ່ມລັດອິດສລາມ ໄດ້ຖືກຍຶດ
ຄືນໃນອີຣັກ, ແຕ່ວ່າ ຕອນທີ່ລັດຖະບານໄດ້ກັບຄືນໄປຄວບຄຸມເຂດພາກຕາເວັນອອກ
ແລະປະຕິບັດໜ້າທີ່ໃນເສັ້ນທາງສຸດທ້າຍ ໄປຈາກທາງພາກຕາເວັນຕົກ ບ່ອນທີ່ກຸ່ມຫົວ
ຮຸນແຮງຍັງຍຶດຄອງຢູ່.