ບັນດາເຈົ້າໜ້າທີ່ອິຣັກກ່າວວ່າ ປະຊາຊົນ 52 ຄົນຮວມ
ທັງພວກໄປໂບດຢ່າງນ້ອຍ 30 ຄົນເສຍຊີວິດຫລັງຈາກ
ການປະເຊີນໜ້າກັນຢ່າງນອງເລືອດໃນໂບດຄຣີສຕຽນ
ແຫ່ງນຶ່ງທີ່ຖືກພວກຫົວຮຸນແຮງເຂົ້າຍຶດເອົາໃນກຸງແບກ ແດ໊ດ.
ກໍາລັງຂອງອິຣັກໄດ້ບຸກເຂົ້າໂຈມຕີໂບດດັ່ງກ່າວໃນແລງ
ວັນອາທິດວານນີ້ ຫລາຍຊົ່ວໂມງຫລັງຈາກພວກນັກຕໍ່
ສູ້ຫົວຮຸນແຮງບຸກເຂົ້າໄປ ໃນອາຄານແລະກັກໂຕພວກ
ປະຊາຊົນໃນໂບດ ຫລາຍກວ່າ 100 ຄົນໄວ້ເປັນຕົວ ປະກັນ.
ຍັງບໍ່ທີ່ແຈ້ງຂາວເທື່ອວ່າ ມີຄົນຈັກຄົນເສຍຊີວິດຍ້ອນ
ຖືກພວກຫົວຮຸນແຮງຂ້າ ແລະມີຈັກຄົນເສຍຊີວິດໃນ
ລະຫວ່າງການພະຍາຍາມບຸກເຂົ້າໄປຊ່ອຍກູ້ຊີວິດຜູ້ຄົນ
ໃນໂບດ. ບັນດາເຈົ້າໜ້າທີ່ອິຣັກກ່າວວ່າ ປະຊາຊົນ 70
ຄົນໄດ້ຮັບບາດເຈັບ. ພວກທີ່ລອດຊີວິດມາເວົ້າວ່າ ພວກ
ຫົວຮຸນແຮງໄດ້ເຂົ້າໄປໃນໂບດ ພ້ອມກັບລະດົມຍິງໃສ່ຜູ້ຄົນ ແລະໄດ້ຍິງນັກບວດຄົນນຶ່ງ
ຕາຍໃນໄລຍະເຜົາຂົນໃນທັນທີ. ກຸ່ມທີ່ເອິ້ນວ່າ ລັດອິສລາມແຫ່ງອິຣັກຫລື Islamic State
of Iraq ຊຶ່ງເປັນສາຂານຶ່ງຂອງກຸ່ມ al-Qaida ໃນອິຣັກ ໄດ້ອ້າງເອົາຄວາມຮັບຜິດຊອບ ສໍາລັບການໂຈມຕີຄັ້ງນີ້.
