ອີຣັກ ກຳລັງຮ້ອງຂໍໃຫ້ ສະພາຄວາມໝັ້ນຄົງ ສະຫະປະຊາຊາດ
ສັ່ງໃຫ້ເທິກີ ຖອນທະຫານຂອງຕົນອອກຈາກພາກເໜືອອີຣັກ
ໂດຍທັນທີແລະບໍ່ມີເງື່ອນໄຂ ໃດໆທັງສິ້ນ.
ອີຣັກ ໄດ້ຂຽນຢູ່ໃນໜັງສື ໄປຫາສະພາຄວາມໝັ້ນຄົງ ແລະອົງ
ການຂ່າວຣອຍເຕີ ກໍໄດ້ເຫັນໜັງສືດັ່ງກ່າວທີ່ເວົ້າວ່າ “ນີີ້ແມ່ນຖື
ວ່າເປັນການລະເມີດຢ່າງເປີດແປນຕໍ່ກົດບັດສະຫະປະຊາຊາດ
ແລະລະເມີດຕໍ່ຜືນແຜ່ນດິນອັນຄົບຖ້ວນແລະອະທິປະໄຕຂອງ
ປະເທດອີຣັກ”
ນາຍົກລັດຖະມັນຕີ ອີຣັກ ທ່ານ Haider al-Abadi ໄດ້ຮ້ອງຮຽນ
ຕໍ່ສະພາ ຄວາມໝັ້ນຄົງລະຫວ່າງການກ່າວຄຳປາໄສທີ່ອອກອາກາດທາງໂທລະພາບ ໃນວັນສຸກວານນີ້. ທ່ານກ່າວວ່າ ອີຣັກ ໄດ້ພະຍາຍາມແກ້ໄຂບັນຫາຂັດແຍ້ງດັ່ງກ່າວກັບເທິກິຢ່າງສັນຕິວິທີ ແລະໂດຍທາງດ້ານການທູດ.
ນາຍົກລົດຖະມົນຕີອີຣັກ ກ່າວວ່່າ “ພວກເຮົາໄດ້ໃຫ້ເວລາທີ່ຈຳກັດແກ່ເທີກີຊຶ່ງ ເປັນເພື່ອນ
ບ້ານຂອງເຮົາ ເພື່ອຖອນທະຫານ ແລະບໍ່ໃຫ້ປິດປະຕູສຳລັບການສົນທະນາ.”
ກຳລັງເທີກີ ໄດ້ເຂົ້າໄປໃນພາກເໜືອອີຣັກ ໃນຖານະທີ່ເປັນພາກສ່ວນນຶ່ງຂອງ ໂຄງການ
ຝຶກແອບກຳລັງອີຣັກ ແລະກຳລັງຊາວເຄີດ ໃນການສູ້ລົບກັບກຸ່ມລັດ ອິສລາມ.
ແຕ່ເທີກີໄດ້ສົ່ງກຳລັງເຂົ້າໄປເພີ້ມໃນອາທິດແລ້ວ ແລະປະທານາທິບໍດີ Recep Tayyip
Erdogan ປະຕິເສດບໍ່ຍອມເຄື່ອນໄຫວໃດໆ. ທ່ານກ່າວວ່າ ການເພີ້ມ ກຳລັງທະຫານ
ແມ່ນເປັນສິ່ງຈຳເປັນ ເພື່ອປົກປ້ອງບັນດາຄູຝຶກຈາກການໂຈມຕີ ຂອງພວກກລັດອິສລາມ
ທີ່ທ່ານກ່າວວ່າ "ທີ່ມີຢູ່ທົ່ວໄປຢ່າງບໍ່ເປັນລະບຽບນັ້ນ."
ທ່ານ Erdogan ກ່າວວ່າ “ພວກເຮົາຕ້ອງລໍຖ້າ ຄໍາເຊື້ອເຊີນຈາກລັດຖະບານກາງອີຣັກ
ເສຍກ່ອນບໍ ເວລາທີ່ມີການໂຈມຕີເກີດຂື້ນຕໍ່ປະເທດຂອງພວກເຮົາ? ພວກເຮົາບໍ່ມີເວລາ
ອັນຫລູຫລາແບບນັ້ນ.”
ອີຣັກ ກ່າວວ່າ ຕົນບໍ່ໄດ້ອະນຸຍາດໃຫ້ທະຫານເທີກີ ຂ້າມຊາຍແດນເຂົ້າໄປໃນ ປະເທດ
ຂອງຕົນ.
