ເຮືອບິນພານິດລໍານຶ່ງ ທີ່ບິນອອກຈາກຢູໂຣບຕາເວັນຕົກ ໄດ້ລົງຈອດ ທີ່ອີຣັກ ເປັນເທື່ອທໍາອິດໃນຮອບເກືອບ 20 ປີ.
ເຮືອບິນພານິດລໍາດັ່ງກ່າວ ທີ່ປະຕິບັດການໂດຍສາຍການ
ບິນ Aigle Azur ຂອງຝຣັ່ງ ໄດ້ບິນອອກຈາກສະໜາມບິນ
Charles De Gaules ທີ່ກຸງປາຣີ ໃນຕອນບ່າຍຂອງວັນ
ເສົາຜ່ານມານີ້ ແລະໄດ້ໄປລົງຈອດທີ່ສະໜາມບິນນາໆຊາດ ແບກແດດຂອງອີຣັກ ໃນຕອນເຊົ້າຂອງວັນອາທິດມື້ນີ້.
ພວກເຈົ້າໜ້າທີຝຣັ່ງກ່າວວ່າ ຖ້ຽວບິນຖ້ຽວທໍາອິດນີ້ ໂດຍ
ສ່ວນໃຫຍ່ແລ້ວເປັນຖ້ຽວບິນພິທີການຫລາຍກວ່າ ແລະຜູ້
ໂດຍສານທີ່ມາກັບຖ້ຽວບິນນີ້ ສ່ວນຫລາຍແມ່ນພວກນັກ
ການທູດແລະຜູ້ນໍາດ້ານທຸລະກິດຂອງຝຣັ່ງ. ນຶ່ງໃນຈໍານວນ
ຜູ້ໂດຍສານ ກໍຄືທ່ານນາງ Anne-Marie Idrac ລັດຖະ
ມົນຕີກະຊວງການຄ້າຕ່າງປະເທດຂອງຝຣັ່ງ ຊຶ່ງທ່ານນາງກ່າວວ່າເປັນວັນແຫ່ງປະວັດສາດ ສໍາລັບການຮ່ວມມືລະຫວ່າງຝຣັ່ງແລະອີຣັກ.
ການເປີດບໍລິການຖ້ຽວບິນຢ່າງເປັນປົກກະຕິ ລະຫວ່າງປາຣີ ແລະແບກແດດນີ້ ຄາດວ່າຈະ ບໍ່ເລີ່ມຂຶ້ນ ຈົນກວ່າອີກຫລາຍອາທິດ ເປັນຢ່າງໜ້ອຍ
ສາຍການບິນ Aigle Azur ເປັນພຽງແຕ່ສາຍການບິນນຶ່ງໃນຫລາຍໆສາຍການບິນທີ່ເລີ່ມ ບິນໄປຍັງກຸງແບກແດດ.
ສາຍການບິນ Etihad ແລະ Emirates ຊຶ່ງບິນອອກ United Arab Emirates ທັງ ສອງສາຍການບິນນັ້ນ ໄດ້ເລີ່ມບິນໄປຍັງກຸງແບກແດດ ເມື່ອຕົ້ນປີນີ້.
