ບັນດາເຈົ້າໜ້າທີ່ອິຣັກກ່າວວ່າການວາງລະເບີດໃນລົດ 2 ຄັນ ໄດ້ເຮັດໃຫ້ຜູ້ຄົນຕາຍໄປ ຢ່າງນ້ອຍ 18 ຄົນແລະບາດເຈັບ
ຫລາຍກວ່າ 40 ຄົນໃນນະຄອນຫລວງແບກແດ໊ດຂອງອິຣັກ. ຕຳຫລວດແລະເຈົ້າໜ້າທີ່ໃນໂຮງໝໍອິຣັກກ່າວວ່າ ລະເບີດ
ທ່ີຫ້າງໄວ້ໃນ ລົດສອງຄັນນັ້ນ ໄດ້ແຕກຂຶ້ນໃນເວລາໄລເລ່ຍ ຫ່າງກັນບໍ່ເທົ່າໃດນາທີໃນວັນອາທິດມື້ນີ້ ຢູ່ໃກ້ໆກັບສຳນັກງານ
ໃຫຍ່ຂອງທະນາຄານພານິດຂອງອິຣັກ ແລະໂຮງການລັດຖະບານແຫ່ງນຶ່ງທີ່ອອກບັດປະຈຳຕົວໃຫ້ປະຊາຊົນ.
ໃນການເຄື່ອນໄຫວຢູ່ບ່ອນນຶ່ງອີກ ພວກເຈົ້າໜ້າທີ່ຕຳຫລວດອິຣັກໄດ້ ພົບເຫັນສົບທີ່ເນົ່າເປື້ອຍແລ້ວຂອງພວກແມ່ຍິງ
ຈຳນວນຫລາຍຄົນໃນວັນເສົາວານນີ້ ໃນຄຸ້ມ Zayouna ທາງກ້ຳຕາເວັນອອກຂອງກຸງແບກແດ໊ດ.
ເຫດການເຫລົ່ານີ້ແມ່ນຕິດຕາມມາ ຫລັງຈາກເກີດຄວາມຮຸນແຮງຫລາຍຄັ້ງໃນທົ່ວປະເທດໃນຫວ່າງບໍ່ເທົ່າໃດມື້ຜ່ານມານີ້
ທີ່ໄດ້ເຮັດໃຫ້ປະຊາຊົນຢ່າງນ້ອຍ 20 ຄົນເສຍຊີວິດໄປ.
