ຫລາຍສິບຄົນ ເສຍຊີວິດ ​ແລະຮ້ອຍກ່ວາຄົນ ບາດ​ເຈັບ ໃນອີຣັກ (ສະໄລດ໌)

ທາ​ງການ​ອີຣັກກ່າວວ່າ ຄື້ນຟອງ​ຂອງການວາງລະ​ເບີ​ດແລະການ​ຍິງ​ກັນໄດ້ສັງຫານ
ຢ່າງ​ນ້ອຍ 91 ຄົນ ​ແລະ​ເຮັດ​ໃຫ້ບາດ​ເຈັບ 172 ຄົນ ​ໃນ​ວັນ​ທີ່​ນອງ​ເລືອດ​ທີ່​ສຸດໃນ​ອີຣັກ
​ໃນປີ​ນີ້.

ບັນດາ​ເຈົ້າ​ໜ້າ​ທີ່ກ່າວ​ວ່າ ການ​ໂຈມ​ຕີ​ໃນ​ວັນ​ຈັນ​ມື້​ນີ້ ​ແມ່ນ​ຮວມທັງພວກມື​ປືນ​ທີ່​ ໄດ້
​ສັງຫານ​ທະຫານອີຣັກ ຢ່າງ​ນ້ອຍ 7 ຄົນ ​ໃນ​ຄ້າຍ​ທະຫານແຫ່ງ​ນຶ່ງທາງ​ພາກ​ຕາ​ເວັນ
​ອອກສຽງ​ເໜືອ​ຂອງ​ອີຣັກ ພ້ອມ​ທັງ​ການ​ໂຈມ​ຕີ​ດ້ວຍລະ​ເບີດ​ຢ່າງຕໍ່​ເນື່ອງ​ກັນ​ໃນ​ເມືອງ
Kirkuk ທາງ​ພາກ​ເໜືອ​. ນອກ​ນັ້ນ​ແລ້ວ ກໍ​ຍັງ​ມີ​ການວາງລະ​ເບີດ​ລົດ​ໃນ​ນະຄອນຫລວງ
Baghdad ​ໃນ​ຂະນະ​ທີ່ ການ​ໂຈມ​ຕີ​ເຖິງ​ຂັ້ນມີ​ຄົນ​ເສຍ​ຊີວິດຫລາຍໆ​ບັ້ນ ​ໄດ້​ແນເປົ້າ​
ໝາຍ​ໃສ່​ເມືອງ Taji ຢູ່​ກໍ້າເໜືອ​ຂອງ​ແບກ​ແດ​ດ​ນັ້ນ.

ຍັງ​ບໍ່​ທັນ​ມີ​ຜູ້​ໃດ​ອອກ​ມາ​ອ້າງ​ເອົາ​ຄວາມ​ຮັບຜິດຊອບ​ເທື່ອ.

ຄວາມ​ຮຸນ​ແຮງ​ດັ່ງກ່າວ​ມີ​ຂຶ້ນ ຫຼັງ​ຈາກ​ທີ່ website ຂອງ​ພວກ​ຕໍ່ສູ້​ເພື່ອ​ສົງຄາມ​ສັກສິດ
ຫລື jihad ​ໄດ້​ລົງຂໍ້​ຄວາມ​ໃນ​ວັນ​ເສົາ​ຜ່ານ​ມາ​ນີ້​ ທີ່​ກ່າວ​ວ່າ​ມາ​ຈາກຜູ້​ນໍາ​ຂອງເຄືອຂ່າຍ​ກຸ່ມ
al-Qaida ​ໃນອີຣັກ ຊຶ່ງ​ມີ​ເນື້ອ​ໃນວ່າ ກຸ່ມຂອງຕົນກໍາລັງ​ເລີ່​ມ ຕົ້ນ “ຂັ້ນ​ຕອນ​ໃໝ່.”ຂໍ້
ຄວາມ​ທີ່ບັນທຶກ​ເປັນ​ສຽງ ຈາກຜູ້​ທີ່​ບົ່ງຊື່​ວ່າ ນາຍ Abu Bakr al-Baghdi ນັ້ນ ​ກ່າວ​ວ່າ
ລັດ​ອີສລາມອີຣັກ​ ​ກໍາ​ລັງ​ວາງ​ແຜນການທີ່​ຈະ​ໂຈມ​ຕີ​ບັນດາ​ເຈົ້າ​ໜ້າ​ທີ່​ສານ ​ແລະ​ປ່ອຍ​
ພວກ​ນັກ​ໂທດ​ທັງຫຼາຍ​.

​ໃນ​ເດືອນມີ​ຖຸນາຜ່ານ​ມາ​ນີ້ ກຸ່ມ​ດັ່ງກ່າວ​ໄດ້​ອ້າງ​ເອົາ​ຄວາມ​ຮັບຜິດຊອບໃນການວາງລະ
​ເບີດລົດ​ຕິດ​ຕໍ່​ກັນຫລາຍ​ບັ້ນ ທີ່​ໄດ້​ສັງຫານ 72 ຄົນ ​ແລະ​ເຮັດ​ໃຫ້​ບາດ​ເຈັບ​ເກືອບ 260 ຄົນ​.