ບັນດາເຈົ້າໜ້າທີ່ອີຣັກກ່າວວ່າ ການວາງລະເບີດໂຈມຕີຫລາຍບັ້ນຕິດຕໍ່ກັນໃນທົ່ວນະຄອນ
ຫລວງແບກແດ໊ດ ໄດ້ເຮັດໃຫ້ປະຊາຊົນເສຍຊີວິດໄປຢ່າງນ້ອຍ 23 ຄົນແລະໄດ້ຮັບບາດເຈັບ
ຕື່ມອີກຫລາຍສິບຄົນ. ທາງການອີຣັກກ່າວວ່າ ການໂຈມຕີທີ່ມີຜູ້ຄົນຕາຍຫລາຍທີ່ສຸດໃນວັນ
ພຸດມື້ນີ້ເປັນການໂຈມຕີສະລະຊີບທີ່ໄດ້ເຮັດໃຫ້ຜູ້ ຄົນເສຍຊີວິດໄປ 17 ຄົນຢູ່ນອກສະຖານີ
ຕໍາຫລວດແຫ່ງນຶ່ງໃນໃຈກາງກຸງແບກແດ໊ດ ແລະການໂຈມຕີອີກບັ້ນນຶ່ງໃນເມືອງ Hurriyah
ໃນພາກເໜືອຂອງປະເທດ.
ເຫດລະເບີດໃນອີກບ່ອນນຶ່ງຕ່າງຫາກໃນເມືອງ Hurriyah ໄດ້ສັງຫານ ນຶ່ງຄົນແລະເຮັດ
ໃຫ້ບາດເຈັບຕື່ມອີກ 12 ຄົນ ຊຶ່ງສ່ວນຫລາຍເປັນພວກທະຫານ.
ໃນພາກໃຕ້ກຸງແບກແດ໊ດ ລະເບີດລົດຄັນນຶ່ງໄດ້ສັງຫານປະຊາຊົນ 3 ຄົນ ໃນຂະນະດຽວ
ກັນໃນເມືອງນຶ່ງໃນພາກຕາເວັນຕົກ ລະເບີດທີ່ຫ້າງໄວ້ແຄມທາງໄດ້ສັງຫານ 2 ຄົນແລະ
ເຮັດໃຫ້ບາດເຈັບຕື່ມອີກ 5 ຄົນ.
ການໂຈມຕີເຫລົ່ານີ້ມີຂຶ້ນຫລັງຈາກມີລະເບີດແຕກຂຶ້ນຫລາຍບັ້ນໃນວັນຈັນຜ່ານມານີ້ໃນ
ເມືອງຫລວງທີ່ໄດ້ເຮັດໃຫ້ປະຊາຊົນຕາຍໄປ 10 ຄົນແລະຮັບບາດເຈັບຕື່ມອີກ 19 ຄົນ.
ຄວາມວຸ້ນວາຍໃນອີຣັກໄດ້ລົດລົງຢ່າງຫລວງຫລາຍນັບແຕ່ການສູ້ລົບກັນດ້ານສາສະໜາ
ເພີ່ມທະວີຂຶ້ນລະດັບສູງສຸດໃນປີ 2006 ແລະ 2007 ແຕ່ການວາງລະເບີດໂຈມຕີແລະ
ການຍິງຕໍ່ສູ້ກັນຍັງດໍາເນີນຢ່າງສະໝໍ່າສະເໝີຢູ່ຕໍ່ມາ.
