ລິ້ງ ສຳຫລັບເຂົ້າຫາ

logo-print

ສື່​ມວ​ນ​ຊົນ​ອີ​ຣ່ານ ອ້າງວ່າ ມີ​ຄົນ​ໄປ​ປ່ອນ​ບັດ ​ເລືອກ​ຕັ້ງ​ສະ​ພາ​ ຢ່າງ​ໜາ​ແໜ້ນ


ແມ່​ຍິງ​ຄົນ​ນຶ່ງ​ຍົກ​ມື​ດ້ວຍ​ສັນ​ຍານ​ໄຊຊະ​ນະ ທີ່​ເຫັນ​ມີ​ນ້ຳ​ໝຶກຕິດ​ຢູ່​ມື​ຂອງ​ນາງ ໃນ​ຂະ​ນະ​ທີ່​ນາງ​ໄປປ່ອນ​ບັດ​ຢູ່ ​ໃນ​ການ​ເລືອກ​ຕັ້ງ ເມື່ອວັນ​ທີ 21 ກຸມ​ພາ 2020.

ສື່​ມວນ​ຊົນ​ຂອງລັດ​ຖະ​ບານ​ອີ​ຣ່ານ​ອ້າງວ່າ​ ມີ​ຜູ້​ໄປ​ປ່ອນ​ບັດ​ເລືອກ​ຕັ້ງສະ​ພາ​ເປັນ​ຈຳ​ຫຼວງ
​ຫຼາຍຢູ່​ທົ່ວ​ປະ​ເທດ​ໃນ​ວັນ​ສຸກວາ​ນ​ນີ້ ເຖິງ​ແມ່ນ​ມີ​ລາຍ​ງານ​ທາງວີ​ດີ​ໂອຈຳ​ນວນນຶ່ງທີ່​ຖ່າຍ
​ໂດຍ​ນັກ​ຂ່າວ​ປະ​ຊາ​ຊົນ​ຢູ່​ສື່​ສັງ​ຄົມ​ສະ​ແດງ​ໃຫ້​ເຫັນ​ວ່​າ ບັນ​ດາ​ໜ່ວຍ​ປ່ອນ​ບັດໄດ້​ຫວ່າງ​ເປົ່າ.

ໂທ​ລະ​ພາບ​ລັດຖະ​ບານ​ອີ​ຣ່ານ​ໄດ້​ສະ​ແດງ​ໃຫ້​ເຫັນ​ຝູງ​ຊົນທີ່​ໄປ​ປ່ອນ​ບັດ​ທີ່​ໜາ​ແໜ້ນ​ໃນ​ວັນ​ສຸກວານ​ນີ້ ຢູ່​ໜ່ວຍ​ປ່ອນ​ບັດ​ແຫ່ງ​ນຶ່ງ​ໃນ​ນະ​ຄອນ​ຫຼວງ​ເຕ​ຫະ​ຣ່ານ ບໍ່​ນານ​ຫຼັງ​ຈາກ​ໜ່ວຍ​
ປ່ອນ​ບັດ​ໄດ້​ເປີດ ​ໃນ​ເວ​ລາ 8 ໂມງ​ຕອນ​ເຊົ້າ ໃນວັນ​ສຸກວານ​ນີ້. ພ​ວກ​ທີ່​ໄປ​ປ່​ອນ​ບັດ​ສ່ວນ
​ໃຫ​ຍ່​ເປັນ​ຊາວ​ໜຸ່ມ​ຜູ້​ຊາຍນັ້ນ ໄດ້​ອະ​ທິ​ບາຍ​ວ່າ​ເຂົາ​ເຈົ້າ​ໄດ້​ປ່ອນ​ບັດ​ເພາະ​ວ່າ​ມັນ​ເປັນ​
ໜ້າ​ທີ່​ຂອງ​ເຂົາ​ເຈົ້າ.

ຜູ້​ນຳ​ສູງ​ສຸດ ອາ​ຢາ​ໂຕ​ລາ ອາ​ລີ ຄາ​ເມ​ນີ ໄດ້​ຮຽກ​ຮ້ອງ​ໃຫ້​ຊາວ​ອີ​ຣ່ານ ລະ​ຫວ່າງ​ການ​
ໄປຢ້ຽມ​ຢາມອາ​ເຈີ​ບາຍ​ຈານ ເມື່ອ​ສອງ​ສາມ​ມື້ກ່ອນ​ນັ້ນ ໃຫ້​ພ​າ​ກັນ​ໄປ​ປ່ອນ​ບັດ​ໃນ​ຈຳ​
ນວນຫຼວງ​ຫຼາຍ “ເພາ​ະ​ວ່​າ​ເປັນ​ໜ້າ​ທີ່​ທາງ​ສາ​ສະ​ໜາ​ຂອງ​ເຂົາ​ເຈົ້າ” ແລະ​ເພາະ​ວ່າມັນ
ຈະທັບ​ມ້າງ “ແຜນ​ກາ​ນ​ຂອງ​ພວກສັດ​ຕູຂອງ​ອີ​ຣ່ານ.”

ໜ່ວຍ​ປ່ອນ​ບັດ​ເລືອກ​ຕັ້ງຫ້າ​ສິບ​ຫ້າ​ພັນ​ໜ່ວຍ ໄດ້​ຕັ້ງຂຶ້ນ​ຢູ່ຕາມວັດທັງ​ຫຼາຍ​ ໃນ​ບັນ​ດາ​
ເມືອງ​ນ້ອຍໆແລະ​ໂຕ​ເມືອງຕ່າງໆ ຢູ່​ທົ່ວ​ປະ​ເທດ. ມີ​ຫຼາຍໆ​ຄົນ​ທີ່​ເປັນ​ຜູ້​ສະ​ໝັກຫົວເສ​
ລີ ເພື່ອແຂ່ງ​ຂັນເອົາ​ບ່ອນ​ນັ່ງ 290 ບ່ອນ​ ​ຢູ່​ໃນ​ສະ​ພາ​ໄດ້​ຖືກ​ປະ​ຕິ​ເສດ​ໂດຍ ບັນ​ດາ​ຜູ້​
ຊ່ຽວ​ຊານ​ສະ​ພາ ປະ​ໄວ້​ໃຫ້​ເລືອກສ່ວນ​ໃຫຍ່ ​ພຽງ​ແຕ່​ຜູ້​ສະ​ໝັກ​ທີ່​ນິ​ຍົມ​ແນວທາງ​ເດີມ​
ສຳ​ລັບ​ຜູ້​ປ່ອນ​ບັດ.

​ໃນ​ຈຳ​ນວນ​ຜູ້​ສະ​ໝັກກວ່າ 7,000 ຄົນ​ແມ່ນ​ໄດ້​ຖືກ​ຫ້າມ​ໂດຍ​ສະ​ພາ​ຮັກ​ຄຸ້ມ​ຄອງຊຶ່ງ
ສ່ວນ​ໃຫຍ່​ແລ້ວເປັນບັນ​ດານັກກ​ປະ​ຕິ​ຮູບ ແລະ​ພວກນິ​ຍົມ​ແນວ​ທາງປານ​ກາງ​ເພື່ອ
​ທີ່​ຈະ​ສ້າງ​ຄວາມ​ໄດ້​ປຽບ​ໃຫ້​ແກ່​ພວກ​ນິ​ຍົມ​ແນວ​ທາງເດີມ.

ຊາວ​ອີ​ຣ່ານຫ້າ​ສິບ​ແປດ​ລ້ານ​ລ້ານຄົນ ມີ​ສິດ​ໄປ​ປ່ອນ​ບັດ. ນີ້​ແມ່ນ​ການ​ເລືອກ​ຕັ້ງ​ສະ
​ພາ​ຊຸດ​ທີ 11 ນັບ​ແຕ່​ມີ​ການ​ປະ​ຕິ​ວັດ​ອິ​ສ​ລາມ ເມື່ອ 41 ປີ​ກ່ອນ.

​ພັກ​ຝ່າຍ​ຕ່າງໆ​ທີ່​ນິ​ຍົມ​ແນວ​ທາງ​ເດີມສະ​ໜັບ​ສະ​ໜູນ​ຜູ້​ນຳ​ສູງ​ສຸດອາ​ລີ ຄາ​ເມນີ ຄາດ​
ວ່າ​ຈະ​ໄດ້​ຮັບ​ບ່ອນ​ນັ່ງ​ສ່ວນ​ໃຫຍ່ຢູ່​ໃນ​ສະ​ພາ ​ຊຶ່ງ​ອາດ​ເປັນ​ການ​ເຄື່ອນ​ໄຫວ​ທີ່ອາດ​ຈະ
ມີ​ຜົນ​ກະ​ທົບ ​ຕໍ່​ປະ​ທາ​ນາ​ທິ​ບໍ​ດີ ຮາສຊານ ຣູ​ຮາ​ນີ ຜູ້​ທີ່ເຕັມ​ໃຈ ຈະ​ຮ່ວມ​ມື​ກັບປະ​ເທດ
​ຕາ​ເວັນ​ຕົກ ທີ່​ໄດ້​ຖືກປະ​ນາມ ​ໂດຍ​ພວກ​ຫົວ​ແຂງ​ກະ​ດ້າງນັ້ນ.

ອະ​ດີດ​ປະ​ທາ​ນາ​ທິ​ບໍ​ດີ​ອີ​ຣ່ານ ທ່ານ​ອາ​ໂບ​ລ​ຮາສ​ຊານ ບາ​ນີ ຊາ​ດເດີ ກ່າວ​ຕໍ່ ວີ​ໂອ​ເອ
ວ່າ ຊາວ​ອີ​ຣ່ານ​ປາ​ກົດ​ວ່າ ໄດ້​ຮັບ​ຄວາມ​ສົນ​ໃຈ​ຕໍ່​ການ​ຮຽກ​ຮ້ອງໂດຍ​ບັນ​ດາ​ຜູ້​ນຳ​ຝ່າຍ
​ຄ້ານ ໃຫ້ບອຍ​ຄອດ ການ​ເລືອກ​ຕັ້ງ​ສະ​ພາ. ທ່ານ​ກ່າວ​ວ່າ​ ອີງ​ຕາມ​ຂໍ້​ມູນ​ທີ່​ວ່າ​ທ່ານ​ໄດ້
​ຮັບ​ຈາກ​ທົ່ວ​ປະ​ເທດ ການບອຍ​ຄອດ​ໄດ້​ແຜ່ລາມ​ອອກ​ໄປ ແລະ​ມີຫຼາຍ​ຄ​ົນ​ພະ​ຍາ​ຍາມ
ປະ​ສົມ​ປະ​ສານ ການ​ກົດ​ດັນ​ໂດຍ​ມະ​ຫາ​ຊົນ​ພາຍ​ໃນ​ຕໍ່​ລັດ​ຖະ​ບານ ໃສ່​ກັບ​ການ​ກົດດັນ
ທາງ​ດ້ານ​ເສດ​ຖະ​ກິດ​ພາຍນອກ ໂດຍປະ​ທາ​ນາ​ທິ​ບໍ​ດີສະ​ຫະ​ລັດ ທ່ານ​ດໍ​ໂນ​ລ ທ​ຣຳ.

ຜົນ​ການ​ນັບ​ຄະ​ແນນ​ສຽງ​ຂັ້ນ​ຕົ້ນ​ຄາດ​ວ່າ ຈະ​ມີ​ການ​ປະ​ກາດ​ໃນ​ວັນ​ເສົາ​ມື້ນີ້.

ອ່ານ​ຂ່າວ​ນີ້​ເປັນ​ພາ​ສາ​ອັງ​ກິ

ທ່ານອາດຈະມັກເລື້ອງນີ້ຄືກັນ

XS
SM
MD
LG