ອິຣ່ານໄດ້ປະຫານຊີວິດຜູ້ນຳຄົນນຶ່ງຂອງກຸ່ມຫົວຮຸນແຮງມຸສລິມ ຊຸນນີ ທີ່ໄດ້ທຳການໂຈມຕີຫລາຍໆບັ້ນ ຢ່າງຮຸນແຮງ
ເຖິງຂັ້ນມີຄົນເສຍຊີວິດ ໃນເຂດຕາເວັນອອກສຽງໃຕ້ຂອງອິຣ່ານນັ້ນ.
ຊື່ມວນຊົນຂອງລັດອິຣ່ານກ່າວວ່າ ນາຍ Abdolmalek Rigi ຜູ້ນຳມຸສ ລິມຊຸນນີດັ່ງກ່າວຖືກແຂນຄໍ ເມື່ອຕອນເຊົ້າ
ຂອງວັນອາທິດມື້ນີ້ຢູ່ໃນຄຸກ Evin ຂອງອິຣ່ານ. ຜູ້ກ່ຽວຖືກສານຕັດສິນວ່າ ມີຄວາມຜິດໃນຂໍ້ຫາກໍ່ ການຮ້າຍ ແລະ
ເປັນສະມາຊິກຂອງກຸ່ມຫົວຮຸນແຮງ Jundallah ຫລື ພວກທະຫານຂອງພະເຈົ້າ. ລາຍງານຂ່າວເວົ້າວ່າ ນາຍຣິກີ ຖືກປະ ຫານຊີວິດຕໍ່ໜ້າພວກຄອບຄົວຂອງຜູ້ເສຍຊີວິດຈຳນວນນຶ່ງ.
ຜູ້ກ່ຽວໄດ້ຖືກໜ່ວຍສືບລັບຂອງອິຣ່ານຈັບໃນເດືອນກຸມພາປີນີ້ ເທິງຖ້ຽວ ບິນຈາກດູບາຍ ໄປຍັງກຽກກິດສະຖານ
ຫລາຍເດືອນຫລັງຈາກກຸ່ມຫົວ ຮຸນແຮງມູສລິມຊຸນນີຂອງເຂົາ ອ້າງເອົາຄວາມຮັບຜິດຊອບສຳລັບການ ວາງລະເບີດ
ຂະໜາດໃຫຍ່ ທີ່ຍັງຜົນໃຫ້ມີຜູ້ເສຍຊີວິດຫລາຍສິບຄົນ.
ກຸ່ມ Jundallah ກ່າວວ່າ ຕົນເປັນຜູ້ຢູ່ເບຶ້ອງຫລັງຂອງການໂຈມຕີ ດ້ວຍລະເບີດໃນເດືອນຕຸລາປີກາຍ ທີ່ແຂວງ
Sistan-Baluchestan ທີ່ຍັງຜົນໃຫ້ມີຜູ້ເສຍຊີວິດ 57 ຄົນ ຊຶ່ງໂຮມທັງພວກທະຫານພິທັກການປະຕິວັດຂອງ
ອິຣ່ານນຳ ຫລາຍຄົນ.
