ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຄະນະເຈລະຈາ ນິວ​ເຄລຍ ຂອງ​ອີຣ່ານ ແລະ 6 ປະເທດ ເລີ້ມປະຊຸມ ກັນອີກ (ວີ​ດີ​ໂອ)


Iran, US Outline Expectations for Nuclear Talks
please wait

No media source currently available

0:00 0:02:05 0:00
ລິງໂດຍກົງ

ຄະນະເຈລະຈາຂອງ​ອີຣານ ​ແລະ​ກຸ່ມ​ 6 ປະ​ເທດ​ມະຫາ​ອໍານາດ
​ຂອງ​ໂລກ ພົບ​ປະກັນ​ອີກ ​ທີ່ກຸງ​ຈີ​ນີວາ​ ໃນ​ວັນ​ພຸດ​ມື້​ນີ້ ​ເພື່ອຊອກ
​ຫາ​ຊ່ອງ​ທາງ​ ທີ່​ຈະ​ສືບ​ຕໍ່​ສ້າງ​ຄວາມ​ກ້າວໜ້າ​ໃຫ້​ແກ່ ການ​ໂອ້​ລົມ
ກັນ​ເມື່ອ 2 ອາທິດກ່ອນ​ໜ້າ​ນີ້ ​ແລະ​ໃຫ້​ບັນລຸການ​ຕົກລົງ​ໃນ
​ການ​ປະ​ເຊີນໜ້າ ​ທີ່​ມີ​ມາ​ເປັນ​ເວລາ ​ນຶ່ງ​ທົດ​ສະ​ວັດ ກ່ຽວ​ກັບ​
ໂຄງການ​ນິວ​ເຄລຍຂອງ​ອີຣານນັ້ນ.

ທັງ 5 ປະ​ເທດສະມາຊິກຖາວອນ ​ຂອງສະພາ​ຄວາມ​ໝັ້ນຄົງ​ອົງ
ການ​ສະຫະ​ປະຊາ​ຊາດ ບວກ​ກັບ​ເຢຍຣະມັນ ຕ້ອງການ​ທີ່​ຈະ​ໃຫ້
​ມີການ​ຕົກລົງຊົ່ວຄາວ ທີ່​ຮຽກຮ້ອງ​ໃຫ້​ອີຣ່ານຍຸຕິ ການ​ກັ່ນ​ທາດ​
ຢູ​ເຣນຽມສ່ວນ​ນຶ່ງ ​ແລະ​ຍອມຮັບເອົາການ​ກວດກາ​ຫຼາຍ​ຂຶ້ນ
​ເພື່ອ​ແລກປ່ຽນ​ກັບ​ການ​ຜ່ອນຜັນ​ການ​ລົງ​ໂທ​ດ​ແບບ​ຈໍາກັດ​.

ຜູ້ນຳ​ສູງ​ສຸດ​ຂອງ​ອີຣ່ານ Ayatollah Ali Khamenei ກ່າວ​ໃນ​ວັນ​ພຸດ​ມື້ນີ້ວ່າ ອີຣ່ານຈະບໍ່​
ຍອມ​ຜ່ອນຜັນ ກ່ຽວ​ກັບ​ສິດທິ​ທາງ​ດ້ານ​ນິວ​ເຄລຍຂອງ​ຕົນ ​ແລະ​ທານ​ໄດ້​ຂີດ “​ເສັ້ນ​ແດງ”
ສຳລັບ​ຄະນະ​ເຈລະຈາ​ຂອງ​ທ່ານ.

ເບິ່ງ​ວີ​ດີ​ໂອ​ທີ່​ກ່ຽວຂ້ອງ

Iran Nuclear Talks Resume Wednesday
please wait

No media source currently available

0:00 0:02:32 0:00
ລິງໂດຍກົງ


ກ່ອນ​ການ​ເຈລະຈາ ທັງ​ສອງ​ຝ່າຍໄດ້​ສະ​ແດງ​ຄວາມຫັວງ ທີ່​ຈະດຳ​ເນີນ​ງານ​ເພື່ອ​ໃຫ້​ບັນລຸ
​ການ​ຕົກລົງ​ກັນ.

ລັດຖະມົນຕີ ​ການ​ຕ່າງປະ​ເທດ​ອີຣານ ​ແລະ​ຫົວໜ້າເຈລະຈາກ່ຽວ​ກັບ​ໂຄງການ​ນິວ​ເຄລຍ
ທ່ານ Mohammad Javad Zarif ​ໄດ້ກ່າວໃນ​ວີ​ດີ​ໂອ ທີ່​ລົງ​ເຜີຍ​ແຜ່ທາງ YouTube ວ່າ
ທຸກ​ຢ່າງເປັນໄປໄດ້ ໃນການຕົກລົງທີ່ຈະ​ມີ​ຂຶ້ນນີ້.

ທຳນຽບຂອງນາຍົກລັດຖະມົນຕີ ​ອັງກິດ ທ່ານ David Cameron ໄດ້ກ່າວວ່າ ​ທ່ານແລະ
ປະທານາທິບໍດີ​ອີຣ່ານ ທ່ານ Hassan Rouhani ໄດ້ຕົກລົງກັນ ທາງໂທລະສັບ ໃນວັນ
ອັງຄານວານນີ້ວ່າ ໄດ້ມີຄວາມກ້າວໜ້າຢ່າງ​ສຳຄັນ ໃນການ​ເຈລະຈາ​ຮອບ​ທີ່​ແລ້ວ ຊຶ່ງ​ໄດ້
ມີ​ຂຶ້ນ​ເມື່ອຕົ້ນເດືອນນີ້.
XS
SM
MD
LG