ຜູ້ບັນຊາການໜ່ວຍພິທັກປະຕິວັດລະດັບສູງຂອງ ອີຣ່ານ ໄດ້ເຕືອນ ອິສຣາແອລ ໃນວັນພະຫັດມື້ນີ້ຕໍ່ການໂຈມຕີສາທາລະນະລັດ ອິສລາມ ໃນການແກ້ແຄ້ນສຳລັບການລະດົມຍິງດ້ວຍລູກສອນໄຟໃສ່ ໃນຂະນະທີ່ສັດຕູຂອງ ອີີຣ່ານ ໄດ້ຍົກລະດັບການການໂຈມຕີໃນປະເທດ ເລບານອນ ຕໍ່ກຸ່ມ ເຮັສໂບລລາ ທີ່ໄດ້ຮັບການໜູນລັງໂດຍລັດຖະບານ ເຕຫະຣ່ານ ນັ້ນ.
ຄວາມຢ້ານກົວ ກ່ຽວກັບ ຄວາມຂັດແຍ້ງທີ່ກວ້າງອອກໃນເຂດຕາເວັນອອກໄດ້ເພີ່ມຂຶ້ນ ໃນຂະນະທີ່ ອິສຣາແອລ ມີແຜນທີ່ຈະທຳການຕອບໂຕ້ຂອງເຂົາເຈົ້າຕໍ່ການໂຈມຕີດ້ວຍລູກສອນໄຟເມື່ອວັນທີ 1 ຕຸລາທີ່ຜ່ານມາ ທີ່ດຳເນີນໂດຍ ອີຣ່ານ ຫຼັງຈາກ ອິສຣາແອລ ທຳການໂຈມຕີທາງອາກາດໃສ່ພວກຫົວຮຸນແຮງທີ່ເປັນພັນທະມິດຂອງ ອີຣ່ານ ນັ້ນ.
ທ່ານ ຮອສເຊນ ຊາລາມີ ໄດ້ກ່າວໃນຄຳປາໄສອອກໂທລະພາບ ວ່າ “ພວກເຮົາຢາກບອກພວກເຈົ້າວ່າ ຖ້າເຈົ້າທຳການຮຸກຮານໃດໆຕໍ່ຈຸດໃດໆ ພວກເຮົາຈະໂຈມຕີຈຸດດຽວກັນຂອງພວກເຈົ້າຢ່າງເຈັບປວດ,” ເຊິ່ງທ່ານກ່າວຕື່ມວ່າ ອີຣ່ານ ສາມາດທີ່ຈະບຸກຜ່ານລະບົບປ້ອງກັນຂອງ ອິສຣາແອລ.
ລັດຖະມົນຕີປ້ອງກັນປະເທດ ສະຫະລັດ ທ່ານ ລອຍດ໌ ອອສຕິນ ໄດ້ລົມກັບລັດຖະມົນຕີປ້ອງກັນປະເທດ ອິສຣາແອລ ທ່ານ ໂຢອາຟ ກາລແລ້ນ ໃນວັນພຸດວານນີ້ ກ່ຽວກັບ ການປະຕິບັດການຂອງ ອິສຣາແອລ ໃນ ເລບານອນ ແລະ ກາຊາ, ໂດຍແນເປົ້າເພື່ອຫຼີກລ່ຽງສົງຄາມໃນພາກພື້ນ. ລັດຖະມົນຕີການຕ່າງປະເທດຂອງ ອີຣ່ານ ທ່ານ ອັບບາສ ອາຣັກຈີ ໄດ້ເດີນທາງຮອດນະຄອນຫຼວງ ໄຄໂຣ ຂອງ ອີຈິບ ສຳລັບການເຈລະຈາກັບບັນດາເຈົ້າໜ້າທີ່ ອີຈິບ ດັ່ງກັບສ່ວນນຶ່ງຂອງການເດີນທາງຢ້ຽມຢາມເຂດຕາເວັນອອກກາງ ໃນຂະນະທີ່ຄວາມເຄັ່ງຕຶງເພີ່ມສູງຂຶ້ນ.
ສະຫະພາບ ຢູໂຣບ ໄດ້ຈັດກອງປະຊຸມສຸດຍອດຄັ້ງທຳອິດກັບບັນດາປະເທດອ່າວທະເລ ແລະ ໄດ້ອອກຖະແຫຼງການສະບັບນຶ່ງເພື່ອຮຽກຮ້ອງສຳລັບຄວາມສະຫງົບ. ເຂົາເຈົ້າກ່າວວ່າ “ພວກເຮົາກ່າວຢ້ຳເຖິງຄວາມສຳຄັນຂອງການພົວພັນທາງການທູດກັບ ອີຣ່ານ ເພື່ອດຳເນີນການຫຼຸດຜ່ອນຄວາມຮຸນແຮງໃນພາກພື້ນ.”
ອິສຣາແອລ ບໍ່ໄດ້ສະແດງໃຫ້ເຫັນສັນຍານຂອງການຫຼຸດຜ່ອນການໂຈມຕີທາງທະຫານຕໍ່ກຸ່ມ ເຮັສໂບລລາ ໃນປະເທດ ເລບານອນ ຫຼັງຈາກການລອບສັງຫານຜູ້ນຳຂອງເຂົາເຈົ້າຫຼາຍຄົນ, ແລະ ກຸ່ມຮາມາສ ໃນເຂດ ກາຊາ ແລະ ເຂົາເຈົ້າໄດ້ປະຕິຍານທີ່ຈະລົງໂທດ ອີຣ່ານ ສຳລັບການໂຈມຕີໃນວັນທີ 1 ຕຸລານັ້ນ.
ອ່ານຂ່າວນີ້ເປັນພາສາອັງກິດ
The commander of Iran's elite Revolutionary Guards warned Israel on Thursday against attacking the Islamic Republic in retaliation for a missile barrage as its arch-foe stepped up its offensive in Lebanon against Tehran-backed Hezbollah.
Fears of a wider Middle East conflict have grown as Israel plans its response to the Oct. 1 missile attack carried out by Iran after Israeli airstrikes on Iranian-allied militants.
"We tell you (Israel) that if you commit any aggression against any point we will painfully attack the same point of yours," Hossein Salami said in a televised speech, adding that Iran can penetrate Israel's defences.
U.S. Defense Secretary Lloyd Austin spoke to Israeli Defense Minister Yoav Gallant on Wednesday about Israel's operations in Lebanon and Gaza, aiming to avert a regional war. Iran's Foreign Minister Abbas Araqchi landed in Cairo for talks with Egyptian officials as part of a Middle Eastern tour as tension builds.
The European Union held its first summit with Gulf states and issued a statement calling for calm: "We underscore the importance of diplomatic engagement with Iran –– to pursue regional de-escalation," it said.
Israel shows no signs of easing its military campaigns against Hezbollah in Lebanon after assassinating several of its leaders, and Hamas in Gaza and it has vowed to punish Iran for its Oct. 1 attack.
ຟໍຣັມສະແດງຄວາມຄິດເຫັນ