ສະມາຊິກ ສະພາຕໍ່າ ສຫລ ເປັນຫ່ວງ ຂໍ້ຕົກລົງ ກັບອີຣ່ານ (ວີດີໂອ)

ປະທານຄະນະກຳມາທິການກິດຈະການຕ່າງປະເທດຂອງສະພາ
ຕໍ່າສະຫະລັດ ຍັງມີຄວາມລັງເລໃຈໃນການທີ່ຈະໃຫ້ການສະໜັບ ສະໜຸນຕໍ່ຂໍ້ຕົກລົງທາງດ້ານນິວເຄລຍຄັ້ງປະຫວັດສາດກັບເຕຫະ
ຣ່ານ.

ທ່ານ Ed Royce ຊຶ່ງເປັນສະມາຊິກສະພາຕໍ່າ ສັງກັດພັກຣີພັບ
ບລີກັນຈາກລັດແຄລີຟໍເນຍ ກ່າວໃນວັນອາທິດມື້ນີ້ວ່າ ທ່ານຍັງ
ມີຄວາມວິຕົກກັງວົນ ຢ່າງແທ້ຈິງວ່າ ຂໍ້ຕົກລົງທີ່ບັນລຸກັນນີ້ ຍັງບໍ່
ໄດ້ມາດຕະຖານ ທີ່ຈຳເປັນສຳລັບການປົກຄອງສະຫະລັດແລະ
ບັນດາປະເທດພັນທະມິດ.

ທ່ານ Royce ເວົ້າວ່າ ການບັນເທົາການລົງໂທດຕໍ່ອີຣ່ານແມ່ນເປັນການໃຫ້ເສັ້ນຊີວິດຫຼາຍ ກວ່າການຜ່ອນຜັນພໍປະມານ.

ທ່ານເວົ້າວ່າ ຂໍ້ຕົກລົງທີ່ວ່ານີ້ ອຳນວຍໃຫ້ອີຣ່ານສາມາດຮັກສາອົງປະກອບອັນສຳຄັນໆໃນ ຄວາມສາມາດສຳລັບເຮັດອາວຸດນິວເຄລຍໄວ້ຢູ່.

6 ປະເທດມະຫາອຳນານຂອງໂລກ ທີ່ພົບປະກັບອີຣ່ານຢູ່ນະຄອນເຈນີວາໄດ້ບັນລຸການຕົກ ລົງກັບເຕຫະຣ່ານ ເພື່ອຍຸຕິຄວາມກ້າວໜ້າກ່ຽວກັບໂຄງການນິວເຄລຍຂອງອີຣ່ານ.

ລັດຖະມົນຕີການຕ່າງປະເທດສະຫະລັດທ່ານ John Kerry ກ່າວວ່າ ຈຸດໝາຍຂອງຂໍ້ຕົກລົງ ດັ່ງກ່າວ ກໍແມ່ນການບັນລຸຂໍ້ຕົກລົງ ໃນຂອບເຂດທີ່ກວ້າງຂວາງ ກັບອີຣ່ານ ຂະນະທີ່ການລົງ ໂທດຍັງມີຜົນບັງຄັບໃຊ້ຢູ່.

ສະມາຊິກສະພາຕໍ່າ Royce ຢາກໃຫ້ທ່ານ Kerry ໄປປະກົດໂຕຢູ່ຕໍ່ໜ້າຄະນະ ກຳມາທິການກິດຈະການຕ່າງປະເທດເພື່ອໃຫ້ການຊີ້ແຈງກ່ຽວກັບຄວາມວິຕົກກັງ ວົນຫຼາຍໆຢ່າງຢູ່ໃນຂໍ້ຕົກລົງສະບັບນີ້.