ໃນວັນພຸດວານນີ້ ເທີກີ ໄດ້ປະຕິເສດ ຕໍ່ການກ່າວອ້າງຂອງສະຫະລັດ ທີ່ວ່າ ຕົນໄດ້ຕົກ ລົງຢຸດຍິງ ກັບພວກນັກລົບຊາວເຄີດ ແລະ ກ່າວວ່າ ຕົນຈະບໍ່ຢຸດການບຸກໂຈມຕີ ຢູ່ໃນ ພາກເໜືອຂອງຊີເຣຍ ຈົນກວ່່າ ໄພຂົ່ມຂູ່ທັງໝົດ ຈະຖືກກຳຈັດໃຫ້ໝົດສິ້ນໄປ.
ສະຫະລັດ ໄດ້ຂໍໃຫ້ເທີກີ ຍຸຕິການບຸກໂຈມຕີຕໍ່ຊາວເຄີດແລະເພັ່ງເລັງ ຄວາມພະຍາຍາມ ໃສ່ ການຕໍ່ສູ້ຕ້ານກຸ່ມລັດອິສລາມແທນ ແຕ່ໂຄສົກຂອງ ທ່ານ Recep Tayyip Erdogan ປະທານາທິບໍດີ ຂອງເທີກີ ໄດ້ເອີ້ນການຢຸດຍິງນັ້ນວ່າ “ເປັນໄປບໍ່ໄດ້.”
ທ່ານໄດ້ເວົ້າວ່າ “ພວກເຂົາເຈົ້າ ຍັງຄົງເປັນເປົ້າໝາຍຂອງພວກເຮົາຢູ່ ເວັ້ນເສຍແຕ່ວ່າ ພວກເຂົາເຈົ້າ ຈະຖອຍໄປ ທາງຟາກຕາເວັນອອກ ຂອງແມ່ນ້ຳ Euphrates.”
ໃນຂະນະທີ່ເທີກີ ໄດ້ປະຕິເສດວ່າ ຕົນໄດ້ທຳການຢຸດຍິງກັບພວກຊາວເຄີດ ແລະວັນພຸດ ວານນີ້ ເປັນຂີດໝາຍຂອງມື້ທີສາມ ທີ່ບໍ່ມີລາຍງານການສູ້ລົບກັນລະຫວ່າງທັງສອງຝ່າຍ ເຊິ່ງຕ່າງກໍເປັນພັນທະມິດຂອງສະຫະລັດ ໄດ້ເຮັດຕາມການຮຽກຮ້ອງໃຫ້ມີຄວາມສະຫງົບ ຢ່າງນ້ອຍກໍໃນເວລານີ້.
ເທີກີໄດ້ເປີດສາກບຸກໂຈມຕີເຂົ້າໄປໃນຊີເຣຍ ເມື່ອສັບປະດາແລ້ວນີ້ ໂດຍແນເປົ້າໝາຍ ໃສ່ ພວກຫົວຮຸນແຮງ ລັດອິສລາມ ພ້ອມກັບພວກນັກລົບຊາວເຄີດທີ່ໜູນຫຼັງ ໂດຍ ສະຫະລັດ ເຊິ່ງລັດຖະບານ ເທີກີ ຖືວ່າ ມີຄວາມສຳພັນກັບພວກກະບົດ ຈາກພັກ ກຳມະກອນ ຊາວເຄີດໃນປະເທດ ຂອງຕົນ. ການປະທະກັນ ລະຫວ່າງກຳລັງເທີກີ ແລະ ຊາວເຄີດ ໄດ້ກາຍເປັນເລື່ອງ ສັບສົນເພີ້ມຕື່ມອີກ ອັນເປັນສະຖານະການ ທີ່ສະລັບສັບ ຊ້ອນຢູ່ແລ້ວນັ້ນ ໃນຊີເຣຍ ບ່ອນທີ່ລັດຖະບານ ໄດ້ຮັບການສະໜັບສະໜູນຈາກອີຣ່ານ ຣັດເຊຍ ແລະ ກຸ່ມພວກຫົວ ຮຸນແຮງ Hezbollah ທີ່ມີຖານປະຕິບັດງານຢູ່ໃນ Lebanon ໃນຂະນະດຽວກັນ ສະຫະລັດ ແລະ ບັນດາມະຫາອຳນາດຕາເວັນຕົກອື່ນໆ ໄດ້ໜູນຫຼັງ ພວກນັກລົບຝ່າຍ ຕໍ່ຕ້ານລັດຖະບານ ໃນຊີເຣຍ.
ນາຍົກລັດຖະມົນຕີຂອງເທີກີ ທ່ານ Binali Yildrim ໄດ້ກ່າວຕໍ່ບັນດານັກຂ່າວວ່າ “ຈົນ ກວ່າ ກຸ່ມກໍ່ການຮ້າຍ ແລະ ໄພຂົ່ມຂູ່ທັງຫຼາຍ ຕໍ່ເຂດຊາຍແດນ ແລະພົນລະເມືອງ ຂອງພວກເຮົາ ໄດ້ຖືກກຳຈັດໃຫ້ໝົດໄປ ການປະຕິບັດການຂອງພວກເຮົາຈະດຳເນີນຕໍ່ໄປ.”
ກ່ອນໜ້າ ມື້ວັນພຸດວານນີ້ ອີຣ່ານໄດ້ຮຽກຮ້ອງໃຫ້ເທີກີ ຍຸຕິການບຸກໂຈມຕີທາງ ທະຫານ ຢູ່ໃນພາກ ເໜືອຂອງຊີເຣຍ ໂດຍໄວ ແລະກ່າວວ່າ ການສືບຕໍ່ມີໜ້າ ຂອງກຳລັງເທີກີ ມີແຕ່ຈະເຮັດ ໃຫ້ການຂັດແຍ້ງເພີ້ມທະວີຂຶ້ນຕື່ມ.
ອ່ານຂ່າວນີ້ຕື່ມ ເປັນພາສາອັງກິດ
