ອີຣ່ານ ໄດ້ຮຽກຮ້ອງ ໃນວັນພຸດມື້ນີ້ ໃຫ້ເທີກີ ຍຸຕິການບຸກໂຈມຕີທາງ ທະຫານ ຢູ່ໃນພາກ ເໜືອຂອງຊີເຣຍ ໂດຍໄວ ແລະກ່າວວ່າ ການສືບຕໍ່ມີໜ້າ ຂອງກຳລັງເທີກີ ມີແຕ່ຈະເຮັດ ໃຫ້ການຂັດແຍ້ງເພີ້ມທະວີຂຶ້ນຕື່ມ.
ເທີກີໄດ້ເປີດສາກບຸກໂຈມຕີເຂົ້າໄປໃນຊີເຣຍ ໂດຍແນເປົ້າໝາຍໃສ່ ພວກຫົວຮຸນແຮງ ລັດອິສລາມ ພ້ອມກັບພວກນັກລົບຊາວເຄີດທີ່ໜູນຫຼັງໂດຍສະຫະລັດ ເຊິ່ງລັດຖະບານ ເທີກີ ຖືວ່າ ມີຄວາມສຳພັນກັບພວກກະບົດ ຈາກພັກກຳມະກອນຊາວເຄີດໃນປະເທດ ຂອງຕົນ. ການປະທະກັນ ລະຫວ່າງກຳລັງເທີກີ ແລະ ຊາວເຄີດ ໄດ້ກາຍເປັນເລື່ອງ ສັບສົນເພີ້ມຕື່ມອີກ ອັນເປັນສະຖານະການ ທີ່ສະລັບສັບຊ້ອນຢູ່ແລ້ວນັ້ນ ໃນຊີເຣຍ ບ່ອນທີ່ລັດຖະບານ ໄດ້ຮັບການສະໜັບສະໜູນຈາກອີຣ່ານ ຣັດເຊຍ ແລະ ກຸ່ມພວກຫົວ ຮຸນແຮງ Hezbollah ທີ່ມີຖານປະຕິບັດງານຢູ່ໃນ Lebanon ໃນຂະນະດຽວກັນ ສະຫະລັດ ແລະ ບັນດາມະຫາອຳນາດຕາເວັນຕົກອື່ນໆ ໄດ້ໜູນຫຼັງພວກນັກລົບຝ່າຍ ຕໍ່ຕ້ານລັດຖະບານ ໃນຊີເຣຍ.
ໂຄສົກກະຊວງການຕ່າງປະເທດອີຣ່ານ ທ່ານ Bahram Ghasemi ໄດ້ເອີ້ນການເຄື່ອນ ໄຫວຂອງເທີກີ ນັ້ນວ່າ ເປັນການລ່ວງລະເມີດຕໍ່ອະທິປະໄຕແລະຜືນແຜ່ນດິນອັນຄົບຖ້ວນ ຂອງພັນທະມິດຊີເຣຍ ໂດຍໄດ້ສະທ້ອນເຖິງຄຳເວົ້າ ຂອງກະຊວງການຕ່າງປະເທດ ຂອງ ຊີເຣຍ ທີ່ໄດ້ກ່າວ ໄປເມື່ອສັບປະດາແລ້ວນີ້.
ທ່ານ Ghasemi ໄດ້ກ່າວວ່າ ການທະວີຂຶ້ນນັ້ນ ພຽງຈະນຳໄປສູ່ການເສຍຊີວິດຫຼາຍຂຶ້ນ ຂອງພວກຄົນບໍລິສຸດ ຢູ່ໃນຊີເຣຍ.
ການບຸກໂຈມຕີຂອງເທີກີ ໄດ້ປະສົບຜົນສຳເລັດໃນການກົດດັນໃຫ້ກຸ່ມລັດອິສລາມ ຖອນ ອອກໄປຈາກເມືອງ Jarablus ກ່ອນທີ່ຈະເກີດການ ປະທະກັນກັບພວກຊາວເຄີດຊຶ່ງຕັ້ງ ຢູ່ທາງໃຕ້ລົງໄປ ທີ່ໄດ້ຊ່ອຍຍຶດເອົາ ເມືອງ Manbij ຄືນມາຈາກກຸ່ມລັດອິສລາມນັ້ນ.
ນາຍພົນຄົນສຳຄັນຂອງສະຫະລັດ ໄດ້ກ່າວໃນວັນອັງຄານວ່າ ພວກຊາວເຄີດ ໄດ້ຂ້າມ ກັບຄືນໄປຍັງຟາກຕາເວັນອອກ ຂອງແມ່ນ້ຳ Euphrates ຫ່າງອອກໄປຈາກເມືອງ Manbij ອັນເປັນການເຄື່ອນ ໄຫວທີ່ສະຫະລັດຫວັງວ່າ ຈະສາມາດຍຸຕິການປະທະກັນ ໄດ້.
ນາຍພົນ Joseph Votal ຜູ້ບັນຊາການ Centcom ທີ່ກຳກັບນຳການປະຕິບັດງານຂອງ ສະຫະລັດໃນພາກຕາເວັນອອກກາງ ກ່າວຕໍ່ພວກນັກຂ່າວທີ່ທຳນຽບຫ້າແຈ ໃນວັນອັງຄານວານນີ້ວ່າ "ກຳລັງສ່ວນນຶ່ງ ຂອງຊາວເຄີດ ທີ່ເປັນພາກສ່ວນຂອງກຳລັງປະຊາ ທິປະໄຕຊີເຣຍນັ້ນ ແມ່ນຢູ່ຝັ່ງຕາເວັນອອກຂອງແມ່ນ້ຳ Euphrates ໃນເວລານີ້. ເຂົາເຈົ້າໄດ້ປະຕິບັດຕາມຄວາມໝັ້ນໝາຍຂອງພວກເຂົາເຈົ້າຕໍ່ພວກເຮົາ."
ຕົ້ນຕໍແລ້ວ ກຳລັງປະຊາທິປະໄຕຊີເຣຍ ແມ່ນປະກອບດ້ວຍພວກນັກລົບຊາວເຄີດ ແຕ່ຊາວອາຣັບແລະເທີກີຈາກຊີເຣຍ ກໍເປັນອີກສ່ວນນຶ່ງ ຂອງກອງກຳລັງ ດັ່ງກ່າວ.
Iran called Wednesday for a quick end to Turkey's military offensive in northern Syria, saying the continued presence of Turkish forces will only escalate the conflict.
Turkey launched the offensive last week targeting Islamic State militants as well as U.S.-backed Kurdish fighters that the Turkish government considers linked to Kurdistan Workers' Party rebels at home.Clashes between the Turks and Kurds have further complicated an already complex situation in Syria where the government has received support from Iran, Russia and Lebanon-based Hezbollah militants while the U.S. and other western powers backed rebel fighters.
Iranian foreign ministry spokesman Bahram Ghasemi called Turkey's move a violation of ally Syria's territorial sovereignty, echoing comments the Syrian foreign ministry made last week.Ghasemi said escalation will only lead to more innocent people dying in Syria.
The Turkish offensive succeeded in pushing Islamic State out of the town of Jarablus before skirmishing further to the south with Kurds who had themselves helped retake control of Manbij.
A top U.S. general said Tuesday the Kurds had crossed back over to the eastern side of the Euphrates River, away from Manbij, in a move the U.S. hopes will put an end to the clashes.
