ລິ້ງ ສຳຫລັບເຂົ້າຫາ

ຜູ້ນຳອີຣ່ານ ຈະກ່າວຄຳປາໄສ ຕໍ່ສະມັດຊາໃຫຍ່ ສປຊ (ເບິ່ງວີດີໂອ)

  • ໄພສານ ວໍຣະຈັກ

ປະທານາທິບໍດີອີຣ່ານ ທ່ານ Mahmoud Ahmadinejad (ກາງ) ຍົກມືໃສ່ພວກນັກຂ່າວ ທີ່ສະໜາມບິນ Mehrabad ໃນນະຄອນຫຼວງເຕຫະຣ່ານ ກ່ອນອອກເດີນທາງ ມາຍັງນະຄອນນິວຢອກ ເພື່ອເຂົ້າຮ່ວມກອງ ປະຊຸມສະມັດຊາໃຫຍ່ ອົງການສະຫະປະຊາຊາດ (19 ກັນຍາ 2011)

ປະທານາທິບໍດີອີຣ່ານທ່ານ Mahmoud Ahmadinejad ຈະກ່າວຄຳປາໄສຕໍ່ກອງປະຊຸມ
ສະມັດຊາໃຫຍ່ອົງການສະຫະປະຊາຊາດ ໃນອີກສອງສາມຊົ່ວໂມງ ຕໍ່ໜ້ານີ້ ນຶ່ງມື້ຫຼັງຈາກ
ອີຣ່ານໄດ້ປ່ອຍນັກເດີນປ່າຊາວອະເມຣິກັນ 2 ຄົນທີ່ໄດ້ຖືກຄຸມຂັງເປັນເວລາ 2 ປີ ຍ້ອນສົງ
ໄສວ່າເປັນສອດແນມ.

ໃນລະຫວ່າງການກ່າວຄຳປາໄສ ຕໍ່ອົງການສະຫະປະຊາຊາດເທື່ອແລ້ວນີ້ ທ່ານ Ahma-
dinejad ໄດ້ປະຕິເສດວ່າບໍ່ມີການຂ້າລ້າງເຊື້ອຊາດຊາວຢິວແລະໄດ້ສະແດງຄວາມສົງໄສ
ບໍ່ແນ່ໃຈກ່ຽວກັບລາຍງານຂອງທາງການກ່ຽວກັບການໂຈມຕີຂອງພວກກໍ່ການຮ້າຍໃນວັນທີ
11 ກັນຍາປີ 2001 ນັ້ນ. ສື່ມວນຊົນຂອງອີຣ່ານແຈ້ງວ່າ ຄຳປາໄສຂອງທ່ານ Ahmadi-
nejad ໃນວັນພະຫັດມື້ນີ້ ຄາດວ່າຈະເພັ່ງເລັງໃສ່​ເລື່ອງການຄຸ້ມຄອງໂລກ ແລະການປະຕິ
ຮູບອົງການສະຫະປະຊາຊາດ.

ໃນວັນພຸດວານນີ້ ເຈົ້າໜ້າທີ່ອີຣ່ານໄດ້ປ່ອຍພວກນັກເດີນປ່າຊາວອະເມຣິກັນ 2 ຄົນຄືທ້າວ
Shane Bauer ແລະ Josh Fattal ໃນການປະກັນໂຕຮ່ວມກັນທີ່ມີມູນຄ່າ 1 ລ້ານໂດ
ລາໃນອັນທີ່ປະທານາທິບໍດີ Ahmadinejad ເອີ້ນວ່າ ເປັນການສະແດງອອກທາງດ້ານມະ
ນຸດສະທຳນັ້ນ. ພວກນັກວິເຄາະຫຼາຍໆຄົນເວົ້າວ່າ ການເຄື່ອນໄຫວດັ່ງກ່າວນີ້ອາດມີຄວາມ
ຕັ້ງໃຈເພື່ອໃຫ້ນາໆຊາດຮັບຮູ້ປະທານາທິບໍດີອີຣ່ານກ່ອນທີ່ທ່ານຈະກ່າວຄຳປາໄສຢູ່ທີ່ນະຄອນ
ນິວຢອກ.

ວີດີໂອພວກນັກເດີນປ່າອະເມຣິກັນຖືກປ່ອຍ

XS
SM
MD
LG