ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສຫລ ບອກພວກປະທ້ວງ ຢູ່ອີຣ່ານ ວ່າ ພວກເຂົາເຈົ້າ ຈະບໍ່ຖືກ ຫລົງລືມ


ໃນພາບຖ່າຍໂດຍບຸກຄົນນຶ່ງທີ່ບໍ່ແມ່ນພະນັກງານ ຂອງສໍານັກຂ່າວ AP ທີ່ຢູ່ນອກອີຣ່ານ ສະແດງໃຫ້ເຫັນວ່າ ພວກເດີນຂະບວນມາເຕົ້າໂຮມກັນ ເພື່ອປະທ້ວງ ຕໍ່ເສດຖະກິດທີ່ອ່ອນແອຂອງອີຣ່ານ ໃນນະຄອນຫລວງ ເຕຫະຣ່ານ ໃນວັນເສົາທີ 30 ທັນວາ, 2017.
ໃນພາບຖ່າຍໂດຍບຸກຄົນນຶ່ງທີ່ບໍ່ແມ່ນພະນັກງານ ຂອງສໍານັກຂ່າວ AP ທີ່ຢູ່ນອກອີຣ່ານ ສະແດງໃຫ້ເຫັນວ່າ ພວກເດີນຂະບວນມາເຕົ້າໂຮມກັນ ເພື່ອປະທ້ວງ ຕໍ່ເສດຖະກິດທີ່ອ່ອນແອຂອງອີຣ່ານ ໃນນະຄອນຫລວງ ເຕຫະຣ່ານ ໃນວັນເສົາທີ 30 ທັນວາ, 2017.

ສະຫະລັດ ​ໃຫ້​ສັນຍາ​ວ່າ​ ຈະ​ໃຫ້ການ​ສະໜັບສະໜຸນ ​ແກ່​ພວກ​ປະ​ທ້ວງ​ຢູ່​ອີ​ຣ່ານ
​ແລະ​ປະນາມ​ພວກ​ເຈົ້າໜ້າທີ່​ອີຣ່ານ ທີ່​ໄດ້​ທັບ​ມ້າງ​ການ​ປະ​ທ້ວງ ຊຶ່ງ​ເຮັດ​ໃຫ້ 21
ຄົນ​ເສຍ​ຊີວິດ ​ແລະ​ຫລາຍ​ກວ່າ 1,000 ຄົນ​ຖືກ​ຈັບ​ກຸມ.

​ເຈົ້າໜ້າທີ່​ທໍານຽບຂາວ​ທ່ານ​ນຶ່ງ​ກ່າວ​ໃນ​ວັນ​ພະຫັດ​ວານ​ນີ້ວ່າ ສະຫະລັດ​ຈະ​ຊອກ​ຫາ
"ຂໍ້​ມູນ​ທີ່​ເປັນ​ບ່ອນ​ອີງ ​ໃນ​ການ​ດໍາ​ເນີນ​ການ​ໄດ້" ​ແລະ​ຊອກ​ຫາ​ວິທີທາງ​ວາງ​ມາດ​ຕະ
ການ​ລົງ​ໂທດ​ໃໝ່ ຕໍ່ຜູ້​ທີ່​ມີ​ຄວາມ​ຮັບຜິດຊອບ​ໃນການສະກັດ​ກັ້ນບໍ່ໃຫ້ມີການປະ​ທ້ວງ
​ທີ່​ຫາກໍ່​ເລີ້ມຂຶ້ນ​ໃນອາທິດຜ່ານ​ມານີ້ໄວ້.

ກະຊວງ​ການ​ຕ່າງປະ​ເທດສະຫະລັດຍັງ​ໄດ້​ກ່າວ​ວ່າ ຕົນ​ຈະ​ບໍ່ຢືນ​ເບິ່ງສະພາບການ​
ດັ່ງກ່າວ​ແບບ​ເສີຍໆ​ໄດ້.

ກະຊວງດັ່ງກ່າວ​ເວົ້າຢູ່​ໃນ​ຖະ​ແຫລ​ງການ​ສະບັບ​ນຶ່ງວ່າ "ພວກ​ເຮົາ​ມີ​ເຈົ້າໜ້າທີ່​ຫລາຍ​
ຄົນ​ທີ່​ຈະ​ເຮັດ​ໃຫ້​ຜູ້​ທີ່​ກໍ່​ຄວາມ​ຮຸນ​ແຮງ​ຕໍ່ພວກ​ປະ​ທ້ວງ, ປະກອບສ່ວນ​ໃນ​ການເຝົ້າຕິດ
ຕາມ ​ຫລື ລັກ​ເອົາສິດ​ຂອງປະຊາຊົນອີຣ່ານນັ້ນ ມາ​ຮັບຜິດຊອບ​ຕໍ່ການ​ກະທໍາຂອງ
​ພວກ​ເຂົາ.” "ສໍາລັບ​ພວກ​ໄດ້​ຮັບ​ເຄາະ​ຮ້າຍ​ນັ້ນ ພວກ​ເຮົາ​ເວົ້າວ່າ ພວກ​ທ່ານ​ຈະບໍ່​ຖືກ​
ຫລົງລືມ."

​ເຖິງ​ແມ່ນ​ວ່າ ​ເຂົາ​ເຈົ້າຈະ​ບໍ່ມີ​ສ່ວນ​ກ່ຽວພັນ​ໂດຍ​ກົງ​ກັບ​ການ​ປະ​ທ້ວງກໍ​ຕາມ ສະຫະລັດ​ໄດ້ທໍາການລົງ​ໂທດ​ຕໍ່ບໍລິສັດ​ອີຣ່ານ 5 ບໍ​ລິ​ສັດ ທີ່​ມີສ່ວນ​ພົວພັນ​ກັບ​ໂຄງການ​ລູກ​ສອນ
​ໄຟ​ຂີ​ປະ​ນາ​ວຸດ​ຂອງ​ເຕຫະຣ່ານ ​ໃນ​ວັນ​ພະຫັດ​ວານ​ນີ້.

ທ່ານ ສະຕີເວັນ ມນຸສຊິນ (Steven Mnuchin) ລັດຖະມົນຕີ​ກະຊວງ​ການ​ເງິນ​ຂອງ​ສະ
ຫະລັດ ກ່າວ​ຢູ່​ໃນ​ຖະ​ແຫລ​ງການ​ສະບັບ​ນຶ່ງ​ວ່າ "ການ​ລົງ​ໂທດ​ດັ່ງກ່າວ​ນີ້​ແມ່ນແນ​ໃສ່
ອົງການ​ໃດ ທີ່​ມີ​ສ່ວນ​ກ່ຽວຂ້ອງ​ກັບໂຄງການ​ລູກ​ສອນ​ໄຟ​ຂີ​ປະ​ນາ​ວຸດ​ຂອງອີຣ່ານ ທີ່​
ລະບອບ​ປົກຄອງ​ຂອງ​ອີຣ່ານ ​ໄດ້​ໃຫ້​ບູລິ​ມະ​ສິດ​ສູງ​ກວ່າ​ຄວາມ​ຢູ່ດີກິນດີ​ທາງ​ເສດຖະ
ກິດຂອງ​ປະຊາຊົນອີຣ່ານ.”

ທ່ານ​ກ່າວ​ເພີ້ມອີກ​ວ່າ "​ໃນ​ຂະນະ​ທີ່​ປະຊາຊົນອີຣ່ານຕ້ອງ​ທົນ​ທຸກທໍລະມານ​ຢູ່ ລັດຖະ
ບານ​ຂອງ​ພວກ​ເຂົາ​ເຈົ້າ ​ແລະ​ກຳລັງພິທັກ​ປະຕິວັດ ຫລື IRGC ຜັດ​ໃຫ້​ທຶນ​ແກ່​ພວກ
​ຫົວ​ຮຸນ​ແຮງ​ຕ່າງປະ​ເທດ ທີ່​ເປັນ​ກຸ່ມ​ກໍ່ການ​ຮ້າຍ ​ແລະ​ລະ​ເມີດສິດ​ທິ​ມະນຸດນັ້ນຢູ່.”

​ແລະ ຢູ່​ທີ່​ສໍານັກງານ​ໃຫຍ່​ສະຫະ​ປະຊາ​ຊາດ​ນັ້ນ ທ່ານ​ນາງ ນິກກີ ເຮ​ລີ (Nikki
Haley), ​ເອກ​ອັກຄະ​ລັດຖະທູດ​ສະຫະລັດ ​ໄດ້​ຮຽກຮ້ອງ​ໃຫ້​ເປີດກອງປະຊຸມສຸກເສີນ
ຂອງ​ສະຫະ​ປະ ຊາ​ຊາດ​ດ່ວນ​ ກ່ຽວກັບ​ສະພາບ​ການ​ດັ່ງກ່າວ ໃນ​ວັນ​ສຸກ​ມື້ນີ້.

​ແຕ່​ວ່າຣັດ​ເຊຍ ​ແລະ​ສະມາຊິກ​ຈາກ​ປະ​ເທດ​ອື່ນ​ ຂອງ​ສະພາ​ຄວາມໝັ້ນຄົງອົງການສະ
ຫະ​ປະຊາ​ຊາດ ​ໄດ້​ຕໍາໜິສະຫະລັດ​ທີ່​ໄດ້ຮຽກຮ້ອງ​ໃຫ້​ເປີດ​ກອງ​ປະຊຸມ​ດັ່ງກ່າວ ​ໂດຍ
​ເວົ້າວ່າ ການ​ປະ​ທ້ວງ​ທີ່ວ່ານີ້ ເປັນ​ບັນຫາ​ພາຍ​ໃນ ​ແລະ​ບໍ່​ມີ​ສ່ວນກ່ຽວ​ຂ້ອງກັບ​ໄພ​ຂົ່ມ
ຂູ່​ຕໍ່ສັນຕິພາບ​ ​ແລະ​ຄວາມໝັ້ນຄົງສາກົນ ​ແຕ່​ຢ່າງ​ໃດ.

​ແຕ່​ຢ່າງ​ໃດ​ກໍ​ຕາມທ່ານ​ນາງ ເຮ​ລີ ກໍ​ໄດ້​ກ່າວ​ຢູ່​ໃນ​ຖະ​ແຫລ​ງການ​ສະບັບ​ນຶ່ງ​ໃນ​ຕອນບ່າຍ
​ວັນ​ພະຫັດ​ວານ​ນີ້ວ່າ "​ໂລກ​ໄດ້​ເຫັນ​ຄວາມສະພາບ​ການ​ທີ່ໜ້າຢ້ານ​ກົວ​ທີ່​ເກີດ​ຂຶ້ນຢູ່​ຊີ​
ເຣຍນັ້ນ​ແລ້ວ ທີ່​ເລີ້ມຕົ້ນດ້ວຍ ​ການ​ທີ່​ລະບອບ​ປົກ​ຄອງ​ທີ່​ເຂັ່ນຂ້າຜູ້​ຄົນ ປະຕິ​ເສດ​ບໍ່​ໃຫ້
ສິດແກ່ປະ​ຊາ​ຊົນໃນ​ການ​ປະ​ທ້ວງ​ແບບ​ສັນຕິ​ວິທີ. ພວກ​ເຮົາ​ຕ້ອງ​ບໍ່ປ່ອຍ​ໃຫ້​ສະພາບ
​ການ​ແບບ​ນັ້ນ ​ເກີດ​ຂຶ້ນ​ ໃນ​ອີຣ່ານ."

ອ່ານຂ່າວນີ້ເພີ້ມເປັນພາສາອັງກິດ

Protests in Iran Againts Week Economy
please wait

No media source currently available

0:00 0:00:52 0:00

XS
SM
MD
LG