ອະດີດປະທານາທິບໍດີອິຣ່ານ ທ່ານ Akbar Hashemi Rafsanjani ໄດ້ສູນເສຍ
ຕໍາແໜ່ງຂອງທ່ານໃນຖານະເປັນຫົວໜ້າພະແນກການທາງສາສະໜາທີ່ີມີອໍານາດ
ຫລາຍທີ່ສຸດນັ້ນ.
ໂທລະພາບແຫ່ງລັດຂອງອິຣ່ານກ່າວວ່າ ທ່ານ Ayatollah Mohammad Reza
Mahdavi Kani ໄດ້ຖືກເລືອກໃຫ້ເປັນປະທານຄົນໃໝ່ຂອງສະພານັກຊ່ຽວຊານ
ຊຶ່ງເປັນຜູ້ເລືອກເອົາຜູ້ນຳສູງສຸດຂອງອີຣ່ານ ແລະຜູ້ເບິ່ງແຍງດູແລການເຄື່ອນໄຫວ
ຂອງທ່ານນັ້ນ.
ໂທລະພາບແຫ່ງລັດກ່າວຕື່ມວ່າ ທ່ານ Rafsanjani ປະຕິເສດຮັບເອົາການເປັນຜູ້
ສະໝັກຮັບເລືອກຕັ້ງສຳລັບຕໍາແໜ່ງດັ່ງກ່າວຊຶ່ງຜູ້ກ່ຽວໄດ້ດໍາລົງມາຕັ້ງແຕ່ປີ 2007
ນັ້ນ. ອະດີດປະທານາທິບໍດີໄດ້ຖືກຕໍາໜິຕິຕຽນໂດຍພວກຫົວນິຍົມແນວທາງເດີມທີ່ວ່າ
ທ່ານຢູ່ໃກ້ຊິດຫລາຍໂພດກັບຝ່າຍຄ້ານໃນປະເທດນັ້ນ.
ການປ່ຽນແປງທີ່ວ່າວ່ານີ້ ຖືກເບິ່ງເຫັນວ່າເປັນການປາໄຊສໍາລັບພວກຫົວນິຍົມແນວ
ທາງປານກາງແລະພວກຫົວປະຕິຮູບໃນອິຣ່ານ. ພວກຫົວນິຍົມແນວທາງເດີມຫົວແຂງ
ກະດ້າງໄດ້ສະໜັບສະໜຸນການເລືອກຕັ້ງທ່ານ Kani ນັ້ນ.
ອິຣ່ານກໍເປັນນຶ່ງໃນບັນດາປະເທດໃນພາກຕາເວັນອອກກາງທີ່ໄດ້ປະເຊີນກັບຄື້ນຟອງ
ແຫ່ງການປະທ້ວງຕໍ່ຕ້ານລັດຖະບານໃນຫວ່າງບໍ່ເທົ່າໃດສັບປະດາຜ່ານມານີ້.
