ອີຣ່ານ ປະກາດ ເປີດບໍ່ ຢູເຣນຽມໃໝ່ ສອງແຫ່ງ (ວີດີໂອ)

ອີຣ່ານກ່າວ​ວ່າ ຕົນ​ໄດ້​ເປີດບໍ່ແຮ່ຢູ​ເຣ​ນຽມ 2 ​ແຫ່ງແລະ​ໂຮງງານ
​ຜະລິດ​ໃຫ້​ແຮ່ທາດ​ຢູ​ເຣນຽມ​ມີ​ຄວາມ​ເຂັ້ມຂຸ້ນ ທີ່​ເອີ້ນວ່າ yellow
cake ນັ້ນຢູ່ທີ່​ແຂວງ Yazd ​ໃນ​ພາກ​ກາງຂອງ​ປະ​ເທດ.

ສື່​ມວນ​ຊົນຂອງ​ລັດ ກ່າວ​ໃນ​ວັນ​ອັງຄານ​ມື້​ນີ້​ວ່າ ​ແຮ່ທາດຢູ​ເຣນຽມ
ທີ່​ນໍາ​ອອກ​ມາ​ຈາກ​ບໍ່​ທັງ​ສອງຈະຖືກ​ນໍາ​ໄປ​ຜ່ານ​ຂັ້ນຕອນ​ກຳມະ​ວິທີ
ເພື່ອໃຫ້​ມີ​ຄວາມ​ເຂັ້ມຂຸ້ນຂຶ້ນ ຊຶ່ງ​ກາຍເປັນສານ​ທີ່​ສາມາດປັບປ່ຽນ ​
ແລະ​ກັ່ນໃຫ້​ເປັນເຊື້ອ​ໄຟນິວ​ເຄລຍ​ໄດ້.

ອີຣ່ານກ່າວວ່າ ​ໂຮງງານ​ເຫຼົ່ານີ້ ສາມາດຜະລິດ​ແຮ່​ທາດ​ຢູ​ເຣນຽມ​
ທີ່​ມີ​ຄວາມ​ເຂັ້ມ ຂຸ້ນ ໄດ້​ເຖິງ 60 ຕັນຕໍ່​ປີ. ການ​ປະກາດ​ທີ່​ວ່າ​ນີ້ໄດ້​
ມີ​ຂື້ນ ​ໃນ​ຂະນະ​ທີ່ອີຣ່ານສະ ຫຼອງຂີດ​ໝາຍຄົບຮອບ ວັນ​ເທັກ
ໂນ​ໂລ​ຈີແຫ່ງ​ຊາດ.

ສະພາ​ຄວາມ​ໝັ້ນຄົງ ສະຫະ​ປະຊາ​ຊາດ ​ໄດ້​ຮຽກຮ້ອງ​ ຢູ່​ໃນ​ມະຕິ​
ຫຼາຍໆ​ສະບັບ ​ເພື່ອ​ໃຫ້ອີຣ່ານ ​ໂຈະ​ກິດຈະກຳ​ທີ່ພົວພັນ​ກັບ​ການ​
ກັ່ນ​ທາດ​ຢູ​ເຣນຽມທັງ​ໝົດ ​ແລະ​ອ​ະນຸຍາດ​ໃຫ້ຄະນະກວດກາ
​ສະຫະ​ປະຊາ​ຊາດ ​ເຂົ້າ​ໄປ​ກວດ​ເບິ່ງ ​ສະຖານ​ທີ່​ນິວ​ເຄລຍຂອງ​ຕົນ. ຫລາຍໆ​ປະເທດ ຮວມ​ທັງສະຫະລັດ ​ໄດ້ເອົາມາດ​ຕະການ​ເພີ້​ມ ຕື່ມ​ຂອງ​ຕົນ​ໃນຄວາມພະຍາຍາມ​ເພື່ອ
ກົດ​ດັນ​ອີຣ່ານທ່າ​ມກາງທີ່​ມີຄວາມ​ສົງໄສ ວ່າ ອີຣ່ານກໍາລັງ​ພັດທະນາ​ອາວຸດ​ນິວ​ເຄລຍ.

ການເຈລະຈາ​ລະ​ຫວ່າງອີຣ່ານ ​ແລະ​ຫົກ​ມະຫາ​ອໍານາດ​ຂອງ​ໂລກ ກ່ຽວ​ກັບ​ໂຄງ ການ​ນິວ​ເຄລຍຂອງເຕຫະຣານນັ້ນ ​ໄດ້​ສີ້​ນສຸດ​ລົງ ໃນ​ອາທິດ​ແລ້ວ​ນີ້ ​ໂດຍ​ທີ່​ທັງ ສອງ​ຝ່າຍ
ຍັງ “ຢູ່​ຫ່າງ​ໄກ​ກັນ” ​ແລະ​ບໍ່​ມີ​ການ​ຕົກລົງ​ກັນ ​ທີ່​ຈະ​ມີ​ປະຊຸມ​ຕື່ມ​ອີກ.

ອີຣ່ານ ​ໄດ້​ກ່າວ​ມາເປັນ​ເວລາ​ດົນ​ນານ​ແລ້ວ​ວ່າ ​ໂຄງການ​ນິວ​ເຄລຍຂອງ​ຕົນ ມີ​ຈຸດປະ
ສົງ ​ເພື່ອ​ຜະລິດໄຟຟ້າ ແລະ​ການ​ຄົ້ນຄວ້າທໍ່​ນັ້ນ.