ສະຫະລັດ ສະແດງຄວາມຍິນດີ ນຳການປ່ອຍຕົວທະຫານເຮືອ
ສະຫະ ລັດ 10 ຄົນ ໂດຍອີຣ່ານ ໃນວັນພຸດວານນີ້ ໜຶ່ງມື້ຫຼັງຈາກ
ເຮືອຂອງພວກເຂົາເຈົ້າ ໄດ້ໄຫລເຂົ້າໄປ ໃນເຂດນ່ານນ້ຳ ຂອງ
ອີຣ່ານ ແລະ ໄດ້ຖືກຄວບຄຸມຕົວໄວ້.
ລັດຖະມົນການຕ່າງປະເທດ ສະຫະລັດ ທ່ານ John Kerry
ກ່າວວ່າ ການແກ້ໄຂເຫດການດັ່ງກ່າວ ແມ່ນເປັນຜົນສຳເລັດ
ທາງດ້ານການທູດ ແລະ ລັດຖະມົນຕີປ້ອງກັນປະເທດ ທ່ານ
Ash Carter ກ່າວວ່າ ທ່ານພູູມໃຈ ທີ່ໄດ້ທະຫານສະຫະລັດຄືນ
ມາ “ຢູ່ໃນກຳມືຂອງພວກເຮົາ.”
ທ່ານ Carter ກ່າວວ່າ ເຈົ້າໜ້າທີ່ອາເມຣິກັນຫຼາຍທ່ານ ແມ່ນຍັງບໍ່ແນ່ໃຈ ກ່ຽວກັບສະ
ພາບການຫ້ອມລ້ອມ ການຈັບກຸມພວກລູກເຮືອດັ່ງກ່າວນັ້ນ ຊຶ່ງໃນບາງສ່ວນ ທ່ານກ່າວ
ວ່າ ອາດເປັນຍ້ອນວ່າ ພວກເພິ່ນແມ່ນຍັງບໍ່ໄດ້ຮັບຟັງການ“ສະລຸບລາຍງານ ຂອງພວກ
ທະຫານເຮືອ ຢ່າງຄົບຖ້ວນ” ເທື່ອ.
ສະມາຊິກທະຫານເຮືອທີ່ຖືກປ່ອຍ ທີ່ມີ ຊາຍ 9 ຄົນ ແລະ ຍິງ ຄົນນຶ່ງນັ້ນ ໃນເວລານີ້ ແມ່ນຢູ່ທີ່ຄ້າຍຂອງສະຫະລັດ ໃນປະເທດກາຕ້າ. ອີຣ່ານຍັງໄດ້ປ່ອຍເຮືອລາດຕະເວນ
ນ້ອຍສອງລຳ ທີ່ພວກທະຫານອາເມຣິການຳໃຊ້ ໃນເວລາທີ່ຖືກຄວບຄຸມໂຕ.
ພວກທະຫານເຮືອດັ່ງກ່າວ ແມ່ນກຳລັງເດີນທາງຜ່ານອ່າວເປີເຊຍຈາກ ປະເທດຄູເວດ
ມຸ້ງໜ້າໄປຍັງປະເທດບາຫ໌ເຣນ ໃນເວລາສູນຄວບຄຸມໄດ້ຂາດການຕິດຕໍ່ກັບພວກເຂົາ
ເຈົ້າ ເມື່ອວັນອັງຄານຜ່ານມາ. ໜ່ວຍພິທັກປະຕິວັດອີຣ່ານ ທີ່ລາດຕະເວນໃນອ່າວ
ເປີເຊຍຢູ່ນັ້ນ ໄດ້ຂຶ້ນໄປໃນເຮືອສອງລຳຂອງສະຫະລັດ ແລະ ໄດ້ຈັບກຸມພວກລູກເຮືອ
ຢູ່ໃກ້ກັບເກາະ Farsi ຊຶ່ງເປັນດິຍແດຍຂອງອີຣ່ານ ແມ່ນຢູ່ປະມານລະຫວ່າງກາງຄູເວດ
ແລະ ບາຫ໌ເຣນ.
ເຈົ້າໜ້າທີ່ກະຊວງປ້ອງກັນປະເທດທ່ານນຶ່ງ ກ່າວຕໍ່ວີໂອເອວ່າ ກອງທັບເຮືອ ໄດ້ຂາດ
ການຕິດຕໍ່ສື່ສານ ກັບລູກເຮືອລາດຕະເວນທັງສອງລຳ. ເຈົ້າໜ້າທີ່ກ່າວວ່າ ໃນເວລາ
ກອງທັບເຮືອ ໄດ້ຕິດຕາມເບິ່ງພວກເຂົາເຈົ້າຢູ່ນັ້ນ ເຄື່ອງຕິດຕາມສະແດງໃຫ້ເຫັນວ່າ
ພວກເຂົາເຈົ້າ “ແມ່ນຢູ່ກາງນ້ຳ ແລະ ຢູ່ໃນເຂດນ່ານນ້ຳຂອງອີຣ່ານ.”
