ທ່ານ Hasan Rouhani ປະທານາທິບໍດີອິຣ່ານ ເວົ້າວ່າ ລັດຖະ ບານຂອງທ່ານ ພ້ອມທີ່ຈະທໍາການເຈລະຈາກ່ຽວກັບໂຄງການນີວເຄຼຍຂອງຕົນ ແຕ່ກໍຕໍ່ເມື່ອການເຈລະຈາ ດັ່ງກ່າວ ບໍ່ມີການຕັ້ງເງື່ອນໄຂລ່ວງໜ້າໃດໆ.
ໃນຄຳປາໄສ ຢູ່ໃນພິທີສວນສະໜາມຂອງກອງທັບ ເມື່ອວັນອາທິດມື້ນີ້ ປະທານາທິບໍດີ Rouhani ເວົ້າວ່າ ພວກປະເທດ ຕາເວັນຕົກທັງຫຼາຍ ຈະຕ້ອງຍອມຮັບສິດທິ ຂອງ
ອິຣ່ານ ເພື່ອກັ່ນທາດຢູເຣນຽມ ທີ່ຢູ່ພາຍໃນຂອບຂອງກົດໝາຍສາກົນນັ້ນ.
ນອກນີ້ແລ້ວ ທ່ານ Rouhani ຍັງໄດ້ເນັ້ນຢໍ້າເຖິງການຢືນຢັນຂອງອິຣ່ານ ວ່າ ໂຄງການ ນີວເຄຼຍຂອງຕົນ ມີຈຸດປະສົງໃນທາງສັນຕິເທົ່ານັ້ນ.
ທ່ານ Rouhani ມີກໍານົດຈະເດີນທາງມານະຄອນນີວຢ໊ອກ ໃນວັນຈັນມື້ອື່ນນີ້ ເພື່ອເຂົ້າຮ່ວມໃນກອງປະຊຸມສະມັດຊາໃຫຍ່ອົງການສະຫະປະຊາຊາດ.
ອິຣ່ານໄດ້ທ້າທາຍຕໍ່ການລົງໂທດຂອງສະພາຄວາມໝັ້ນຄົງສະຫະປະຊາຊາດ ມາໄດ້ສີ່ຄັ້ງແລ້ວ ທີ່ທວງໃຫ້ອີຣ່ານໂຈະການກັ່ນທາດຢູເຣນຽມນັ້ນ.
ສະຫະລັດ ແລະພັນທະມິດຂອງຕົນ ໄດ້ທຳການລົງໂທດທາງດ້ານເສດຖະກິດຕໍ່ອິຣ່ານ ໂຮມທັງວາງຂໍ້ຈໍາກັດຮັດແຄບດ້ານນໍ້າມັນ ແລະການທະນາຄານ ຫຼັງຈາກອິຣ່ານໄດ້ປະຕິເສດ ບໍ່ຍອມອະນຸຍາດໃຫ້ເຈົ້າໜ້າທີ່ ກວດການີວເຄຼຍສາກົນ ເຂົ້າໄປກວດກາເບິ່ງສະຖານນີວເຄຼຍແຫ່ງຕ່າງໆຂອງຕົນ. ເປັນທີ່ເຊື່ອກັນຢ່າງກວ້າງຂວາງວ່າ ອິຣ່ານກໍາລັງພັດທະນາໂຄງການສ້າງອາວຸດນີວເຄຼຍ.
ໃນຄຳປາໄສ ຢູ່ໃນພິທີສວນສະໜາມຂອງກອງທັບ ເມື່ອວັນອາທິດມື້ນີ້ ປະທານາທິບໍດີ Rouhani ເວົ້າວ່າ ພວກປະເທດ ຕາເວັນຕົກທັງຫຼາຍ ຈະຕ້ອງຍອມຮັບສິດທິ ຂອງ
ອິຣ່ານ ເພື່ອກັ່ນທາດຢູເຣນຽມ ທີ່ຢູ່ພາຍໃນຂອບຂອງກົດໝາຍສາກົນນັ້ນ.
ນອກນີ້ແລ້ວ ທ່ານ Rouhani ຍັງໄດ້ເນັ້ນຢໍ້າເຖິງການຢືນຢັນຂອງອິຣ່ານ ວ່າ ໂຄງການ ນີວເຄຼຍຂອງຕົນ ມີຈຸດປະສົງໃນທາງສັນຕິເທົ່ານັ້ນ.
ທ່ານ Rouhani ມີກໍານົດຈະເດີນທາງມານະຄອນນີວຢ໊ອກ ໃນວັນຈັນມື້ອື່ນນີ້ ເພື່ອເຂົ້າຮ່ວມໃນກອງປະຊຸມສະມັດຊາໃຫຍ່ອົງການສະຫະປະຊາຊາດ.
ອິຣ່ານໄດ້ທ້າທາຍຕໍ່ການລົງໂທດຂອງສະພາຄວາມໝັ້ນຄົງສະຫະປະຊາຊາດ ມາໄດ້ສີ່ຄັ້ງແລ້ວ ທີ່ທວງໃຫ້ອີຣ່ານໂຈະການກັ່ນທາດຢູເຣນຽມນັ້ນ.
ສະຫະລັດ ແລະພັນທະມິດຂອງຕົນ ໄດ້ທຳການລົງໂທດທາງດ້ານເສດຖະກິດຕໍ່ອິຣ່ານ ໂຮມທັງວາງຂໍ້ຈໍາກັດຮັດແຄບດ້ານນໍ້າມັນ ແລະການທະນາຄານ ຫຼັງຈາກອິຣ່ານໄດ້ປະຕິເສດ ບໍ່ຍອມອະນຸຍາດໃຫ້ເຈົ້າໜ້າທີ່ ກວດການີວເຄຼຍສາກົນ ເຂົ້າໄປກວດກາເບິ່ງສະຖານນີວເຄຼຍແຫ່ງຕ່າງໆຂອງຕົນ. ເປັນທີ່ເຊື່ອກັນຢ່າງກວ້າງຂວາງວ່າ ອິຣ່ານກໍາລັງພັດທະນາໂຄງການສ້າງອາວຸດນີວເຄຼຍ.
