ປະທານາທິບໍດີອີຣ່ານທ່ານ Mahmoud Ahmadinejad
ກ່າວໃນວັນພະຫັດມື້ນີ້ວ່າບັນດາປະເທດມະຫາອຳນາດໃນ
ໂລກຄວນຢຸດເຊົາການພະຍາຍາມທີ່ຈະກົດດັນອີຣ່ານດ້ວຍ
ການຂວໍ້າບາດຫຼືລົງໂທດກ່ຽວກັບໂຄງການນິວເຄລຍນັ້ນ.
ໃນການຖະແຫຼງຕໍ່ພວກນັກຂ່າວທີ່ນະຄອນຫຼວງບາກູຂອງ
Azerbaijan ທ່ານ Ahmadinejad ກ່າວວ່າ ການຂວໍ້າ
ບາດຈະບໍ່ມີຜົນກະທົບໃດໆທັງຕໍ່ປະຊາຊົນອີຣ່ານຫຼືຄວາມ
ເຕັມໃຈຂອງລັດຖະບານ ທີ່ຈະເຂົ້າຮ່ວມການເຈລະຈານາໆ
ຊາດ.
ອີຣ່ານມີໝາຍກໍານົດທີ່ບໍ່ແນ່ນອນວ່າ ອາດຈະເປີດການເຈລະຈາໃນເດືອນໜ້າກັບ 6 ປະ
ເທດມະຫາອຳນາດຂອງໂລກ ຮວມທັງຣັດເຊຍ ສະຫະລັດ ອັງກິດ ຝຣັ່ງ ຈີນ ແລະເຢຍຣະ
ມັນ. ທັງສອງຝ່າຍຍັງບໍ່ທັນໄດ້ຕົກລົງກັນ ກ່ຽວກັບສະຖານທີ່ ຫຼືບັນຫາທີ່ອາດຈະຍົກຂຶ້ນ
ມາເຈລະຈາ ກ່ຽວກັບໂຄງການນິວເຄລຍຂອງອີຣ່ານນັ້ນ.
ປະເທດຕາເວັນຕົກຫຼາຍໆປະເທດເຊື່ອວ່າ ອີຣ່ານມີຈຸດປະສົງຈະໃຊ້ໂຄງການກັ່ນທາດຢູເຣ
ນຽມຂອງຕົນເພື່ອສ້າງລະເບີດນິວເຄລຍ ຊຶ່ງເປັນຂໍ້ຫາທີ່ເຕຫະຣ່ານໄດ້ປະຕິເສດວ່າບໍ່ເປັນ
ຄວາມຈິງ.
